Ҧицундатәи ауахәамаҿы имҩаҧысит аклассикатә музыка Агәыҳалалратә концерт

Ҧицундатәи ауахәамаҿы имҩаҧысит аклассикатә музыка Агәыҳалалратә концерт

АҞӘАФОН ахадаратә спонсоррала нанҳәа 24 рзы Ҧицунда имҩаҧысит ичмазаҩу ахәыҷқәа ацхыраара рыҭаразы аҧара еизгара иазку Агәыҳалалратә хәылҧазы.

Аусмҩаҧгатәы еиҿнакааит – асоциал-культуратә хацыркрақәа рзы Аҧснытәи афонд.

Уи амш азы имҩаҧган Мариа Ҧлиа лҿыханҵатә студиа аҭыхымҭақәеи Colors Of Nation абренд аалыҵи рцәыргақәҵа-аҭира.

Ахәылҧаз аҩбатәи аҟәшаҿы имҩаҧган Аҧсны аоператә шәаҳәаҩцәеи ҳтәыла аҟазара зҽаҧсазтәыз Давид Терзиан напхгара зиҭо Аҧснытәи аҳәынҭқарратә камертә оркестри рымчала еиҿкааз аконцерт.

Аконцерт иалахәын: Нана Черқьезиа (асопрано), Манана Шамба (асопрано), Марина Шамба (аорҕан), Лука Гаделиа (аорҕан), Асҭамыр Кәыҵниа (атенор), Елмаз Чаилак (афортепиано), Саид Гобечиа (абаритон), Армен Хачатуриан (абаритон).

Аконцерт мҩаҧылгеит – Нина Наҷҟьебиа.

Аконцерт аҿы еизган 436 110 мааҭ аҧара. Еизгаз аҧара зегьы дәықәҵахоит Акультура-гәыҳалалратә фонд “Ашана” ахыҧхьаӡаларҭа ашҟа.

Ари аусмҩаҧгатә  аҟнытә инагӡаны ихарҭәаау афотоҳасабырба ахәаҧшра ауеит абри азхьарҧш ала: https://yadi.sk/d/FgvyD6BBieaJb.