Аилахәыра АҞӘАФОН анаҧҵаз аамҭа – 2003 шықәса инаркны активла ахы аланархәуеит Аҧсны асоциалтә ҧсҭазаара. Арҭ ашықәсқәа рыҩныҵҟа Аилахәыра қәҿиарала аҧсҭазаара иаланарҵәахьеит  ирацәаӡаны апроектқәа, акциа маҷқәа инадыркны, «Аҧсны аҭоурыхтә бираҟқәа» реиҧш иҟоу акрызҵазкуа, зымҽхак ҭбаау аусмҩаҧгатәқәа рҟынӡа.

Ҳара ҳсаит абри аҟәшаҿы ҳарзааҭгылоит ҳҳәынҭқарра зегьы азы аҵак ду змоу ҳәа иуҧхьаӡаша апроектқәа.  Ҳара ҳапроектқәа рылҵшәақәа – акрызҵазкуа лагалоуп аҵарадырреи, агәабзиарахьчареи, аспорти, акультуреи, аҧсуа бызшәа ииқәырхареи аҿиареи уҳәа реиҧш ауаажәларра рсоциалтә ҧсҭазаараҿы  зыда ҧсыхәа ыҟам аганқәа реизырҳара аус аҿы.

Ииашам иазгәаҳамҭар, қәҿиарала аҧсҭазаара иаларҵәоу  Аилахәыра апроектқәа ишрыҵагыло зықьҩыла АҞӘАФОН ахархәаҩцәа – ҳара ҳагәра згаз, ҳдоуҳатә гәазыҳәарақәа хәшьарақәа ҳацеиҩызшаз. Урҭ рахьтә дарбанзаалак дымҩашьо, ҳара ҳақәҿиарақәеи ҳаихьӡарақәеи ииашаҵәҟьаны срылахәуп ҳәа иҧхьаӡар илшоит. Ҳамчқәа еибыҭаны  ҳарҭ зегьы иҳалшеит шәкыла апроектқәеи акциақәеи аҧсҭазаара раларҵәара, макьана ҳаҧхьаҟагьы ҳтәылаҿы аҧсҭазаара аиҕьтәра ацхрааразы  иҟаҳҵаша  аусқәа даара ирацәоуп.