Инаркны ирҿыцуп атарифтә планқәа “Еснагь аимадараҿы” рцәаҳәа аҧҟарақәа

Нанҳәа 23, 2016 ш. инаркны ирҿыцуп атарифтә планқәа “Еснагь аимадараҿы” рцәаҳәа аҧҟарақәа – Аинтернет-трафик амҽхак иацҵоуп! Абоненттә хәҧса шыҟац иааныжьны атарифтә план “Еснагь аимадараҿы М” аҿы Аинтернет-трафик 4000 МБ ахархәара алыршоуп уаанӡа иҟаз 3000 МБ ацынхәрас. Атарифтә план “Еснагь аимадараҿы L” аҿы акәзар, Аинтернет-трафик 8000 МБ алыршоуп, иҟаз 6000 МБ ацынхәрас.

Атарифтә планқәа “Еснагь аимадараҿы” рсериа – активла аицәажәаразы зегь реиҳа хәарҭа злоу, иманшәалоу тарифқәоуп!

Атарифтә планқәа рсериа “Еснагь аимадараҿы” рсериа ахадаратә ҧҟарақәа рҽырыҧсахӡом – абонент илшоит АҞӘАФОН аҳа аҩныҵҟеи Аҧсны ақалақьтә номерқәа рышҟеи лимит ҧымкрада аҭел асра, зхыҧхьаӡара ҳәаақәҵам SMS-дырраҭарақәа рышьҭра, злимит ҧкым Аинтернет, иара убасгьы Аҧсны егьи амобилтә оператор иномерқәеи жәларбжьаратәи ахырхарҭақәеи рышҟа шәагала еиуеиҧшым аминуҭқәа рпакетқәа.