АҞӘАФОН:  2016 шықәсазтәи  ақәҿиарақәеи ахҭысқәеи!

АКӘАФОН – абонентцәа рхыҧхьаӡареи аҳәынҭқарра иаланагало ашәахтәқәеи рыла,  Аҧсны зегьы иреиҳау мобилтә еимадароуп.

2016 шықәса анҵәамҭа ала уахәаҧшуазар, ари ахеидкыла ҳтәыла ахи-аҵыхәеи рымаҵ ауеит 156 794 нызықьҩык абонентцәа, 300 инареиҳаны 3G/4G абазатә станциақәеи,  Амаҵзуратә Центрқәа 16-и ахьыргыло,  200 рҟынӡа аҭыҧқәеи.

 АҞӘАФОН иамоу ҳаамҭазтәи атехнологиатә инфраструктура алшара ҳнаҭоит  Ареспублика Аҧсны ауаа ахьықәынхо адгьылҵакыра зегьы аҿы  хкы-хкыла  инарҭбааны, зхаҭара ҳараку аимадаратә маҵзура рымазартә еиҧш аҟаҵара. Ҳхатәы инфраструктура еизырҳауа, ҳара ҳҽазаҳшәоит ҳхархәаҩцәа рзы иласу, иҭышәынтәалоу, зхаҭабзиара мақсималла иҳараку аимадара рзаҧҵара, иара убасгьы зыласра ҳараку амобилтә Интернет рыҭара.

Ахеидкылаҿы аус руеит зыквалификациа ҳараку аусзуҩцәа. Апрофессионалтә зыҟаҵареи хаҭалатәи аизҳареи рганахьала,  ҳара ҳусура  хықәкыс иамоу иреиуоуп иреиҕьу амилаҭтә кадрқәа радыҧхьалареи, урҭ атәылаҿы раанкылареи.  2016 шықәса, ҧхынҷкәын азы аҭагылазаашьала ҳахәаҧшуазар, «АҞӘАФОН-GSM» аштат аҿы аус зуа рхыҧхьаӡара 300-ҩык рҟынӡа инаӡоит. 

Амаркетингтә политика

Иахьатәи аамҭазы амобилтә еимадара аоператорцәа рабонентцәа рзы иаздырхиоит акырӡа инарҭбааны, хкы-хкыла иӡбоу амаҵзурақәеи атарифқәеи, урҭ иахьынӡазалшо рхархәаратә хырхарҭа рышҟа аҳәаақәҵаразы. 

АҞӘАФОН ахархәаҩцәа ирынаҭо убас еиҧш иҟоу амаҵзурақәа ируакуп “Урыстәылаҿы Ароуминг”. Уи ҵакыс иамоу,  ахархәаҩ иномер мыҧсахӡакәа,  Урыстәыла, иара убас егьырҭ атәылақәа рҿы  даныҟоугьы,  аимадара ахархәаразы алшара иҭара ауп.  Ароуминг аҿы зегь реиҳа қьар злоу хәҧсала  амаҵзура “Амобилтә Интернет” ахархәаҩцәа рыҭара аганахьала, иахьазы АҞӘАФОН  Аҧснытәи амобилтә еимадарақәа рахьынтә ираҧхьатәиу, насгьы иакзаҵәны иҟоу хеидкылоуп. Уи, ииашаҵәҟьаны, ҳара иазҧхьагәаҭаны ҳҽыззаҳшәоз, ҳабонентцәа даара изырманшәало   револиуциатә қәҿиароуп!   

Активла ацәажәара бзиа избо ахархәаҩцәа рзы АҞӘАФОН иаҧнаҵеит атарифтә планқәа рсериа ҿыц “Есымша аимадараҿы”. Ари иҷыдоу ажәалагалаҿы ҳара еидаҳкылеит  ихадоу аҧыжәарақәа: ЗЛИМИТ ҦКЫМ аҳа аҩныҵҟа ацәажәараҿы, иара убасгьы ЗЛИМИТ ҦКЫМ Аинтернет-трафик аҟны!  “Есымша аимадараҿы” – ари х-тарифкны иҟоуп: «S»,«M»,«L» - абонент алшара изҭо ҳәаа змам ааҧхьарақәа АҞӘАФОН аҩныҵҟеи, ақалақьтә номерқәеи рышҟа, злимит ҧкым Аинтернети SMS-и, иара убас Аҧсны егьи аоператор иномерқәа рышҟа аминуҭқәа рпакетқәа.  Атарифтә планқәа рсериа “Есымша аимадараҿы” - иидеалтәу вариантуп ирацәаны ицәажәо, иҩуа, Аинтернет зхы иазырхәо зегьы рзы.  

2016 шықәса аҧхынраан атарифтә планқәа рсериа “Есымша аимадараҿы” абонентцәа рзы иалыршахеит  амаҵзура ҿыц “Азеиҧш Интернет” аҧҵара. Уи иабзоураны, абонентцәа ирылшоит аамҭакала еиуеиҧшым ашьақәыргыламҭақәа рҟны, хаҿытә хыҧхьаӡарак аҿы аҧара ҭаҵаны, Аинтернет-трафик ахархәара. 

Зхаҭара бзиоу аҧсахрақәа алагалан амаҵзура “Гәрагарала ахәшәара” аҿы.  Ари амаҵзура зхы иазырхәо абонентцәа ироуит алшара, аҩны идәылымҵӡакәа атариф азы ирҭаху абонентә хәҧса активизациа азура.

Ҳара ҳхеидкыла АҞӘАФОН азы аҧыжәара змоу - зегь раҧхьаӡагьы, аклиентцәа рырманшәалара ауп. Убри инадҳәаланы, рашәара мзазы Гәылрыҧшьтәи араион иаҵанакуа атуристтә ҳабла Агәыӡера иаартын акыр аамҭа иззыҧшыз ҳаамҭазтәи Абонентцәа Рмаҵзуратә Центр. Нанҳәа мзазы АРЦ цәырҵит Ҧсоу аӡиас аҳәааҿгьы. Уи ахьыргылоу аҭыҧ даара иманшәалоуп  ҳтәыла аҳәаа иахысны ицо ауаа рзеиҧш, Аҧсны иаҭаауа асасцәа рзгьы. Амаҵзуратә Центр аҩныҵҟа еиҿкаауп хақәиҭрала Wi-Fi ахархәара, иҟаҵоуп еиуеиҧшым ашьақәыргыламҭақәа реиҵаҵаразы аҭыҧқәа, иара убасгьы уа иҟоуп АҞӘАФОН апартниор - Colors of Nation акоманда еиҿнакааз Аинформациатә Туристтә Центр. Уаҟа дарбанзаалак аҭааҩы илшоит пошьҭала Аҧсны асахьаҭыхҩцәеи афотоҭыхҩцәеи рҟынтәи  апринтқәа ацҵаны Урыстәылаҟеи Европеи  асахьамҭақәа рдәықәҵара, асувениртә аалыҵқәа раахәара, аҧсуа каҳуакгьы ажәра.

Асоциалтә политика

АҞӘАФОН ахеидкыла 13 аусура асоциалтә политика амҽханакуеит. АҞӘАФОН иактивтәу асоциалтә позициа ааннакылоит, убри инадҳәалангьы акрызҵазкуа агәыҳалалратә, аспонсортә цхыраара рзыҟанаҵоит  ауаажәларратәи, аҵара-дырратәи аиҿкаарақәа, ахәышәтәырҭақәа, Аҧсны аџьынџьтәылатә еибашьреи Аџьынџьтәылатә еибашьра Дуи рветеранцәа.  Ауаа рыгәқәа рҿы ацәанырра бзиеи гәыкала аҟазаареи рыгәрагара еихаҳауа, ҳара ҳҽазаҳшәоит ҳашҟа ацхыраара зҭахны инеиз дарбанзаалак азҿлымҳара иҭара.  Ҳәарада, ҳара ҳгәыҳалалратә усураҿы иҷыдоу аҭыҧ ааныркылоит еиуеиҧшым амзызқәа ирыхҟьаны,  згәабзиара уашәшәырахаз, мамзаргьы зыбзазаратә ҭагылазаашьа уадаҩхаз ауаа.

АУЕ “КЬАРАЗ” партниор хадак иаҳасабала АҞӘАФОН  есымза хықәкыла уи аофис аусуразы иахнаҧхьаӡалоит аҧара,  иара убасгьы активла ахы аланархәуеит, уи агәыҳалалратә еиҿкаара зхылаҧшуа  аҭаацәарақәа рыбзазаратә ҭагылазаашьа  аиҕьтәра хықәкыс иҟаҵаны, имҩаҧырго акциақәа. 

Иара убас иҷыдоу азҿлымҳара раҳҭоит Аҧсны еиуеиҧшым араионқәа рҿы инхо, згәабзиареи зыҧсҭазаареи Аҧсны аҭынчреи аҭышәынтәалареи иахҭнызҵаз Аҧсны Аџьынџьтәылатә еибашьра аветеранцәа  рҭаацәа.

Сынтәа Аиааира Ду  ахьӡала имҩаҧгаз акциа аҳәаақәа ирҭагӡаны иахьазы зыҧсы ҭаны иаанхаз 1941-1945 шш рзтәи аибашьра  аветеранцәа 50-ҩык ртәанчаҩхәы иацҵаны АҞӘАФОН аҟнытә иахыҧхьаӡалан 3000- нызықь мааҭ аҧара.

Традициала ишаҧу еиҧш, Аиааира Амшныҳәа азгәаҭара аламҭалазы ҳара имҩаҧаҳгоит уи аныҳәа ҧшьа иашьашәалоу аусмҩаҧгатәқәа акымкәа-ҩбамкәа. 1992-1993 шш. раан аидыслара ҕәҕәақәа ахьыҟаз ақалақь Очамчыра алаларҭаҿи, иара убас Урыстәыла Афедерациеи Аҧсни рҳәааҿы ишьақәыргылан ҳреспублика  ахақәиҭреи ахьыҧшымреи рсимвол хада – Аҧсны Аҳәынҭқарратә бираҟ. 

 Аиааира 23 шықәса ахыҵраан АҞӘАФОН-и АУЕ “КЬАРАЗ”-и еицымҩаҧыргеит  Гәдоуҭатәии Очамчыратәии араионқәа рҿы инхо ахшара рацәа змоу, зыбзазаратә ҭагылазаашьа уадаҩу аибашьра аветеранцәа 22-ҩык ирзырхаз ацхыраара. Урҭ рзы иаахәан 350 нызықь мааҭ рыхә иаҭаху аҩнытә техникеи, иара убас егьырҭ хра злоу абзазаратә маҭәарқәеи. Афинанстә цхыраара иҭан аибашьра аветеран Агәмаа Т.Жь., уи иҩны аремонт аҟаҵаразы.

Ҧхынҷкәын мзазы АҞӘАФОН ахы аланархәит агәыҳалалратә еиҿкаара имҩаҧнагоз акциа “АССИР ҲАМҬАС”. Уи хықәкыс иамоуп  зыбзазаратә ҭагылазаашьа уадаҩу аҭаацәарақәа рҟнытә ахәыҷқәа ашықәс ҿыцазтәи ргәаҳәарақәа рынагӡара. АҞӘАФОН ахахьы иагеит агәыҳалалратә еиҿкаара ахылаҧшра зырҭо ахәыҷқәа 80-ҩык  ргәаҳәара нагӡо, урҭ рзы иааизганы  150 000 нызықь мааҭ рыхә  аҳамҭақәа раахәара.  Асалам шәҟәқәа ирҷыдангьы,  Раҧхьатәи амобилтә оператор иҟанаҵаз ахатә хацыркрала, зыбзазаратә лшара маҷу аҭаацәарақәа рзы  иаанахәеит 50 фымцатә рҧхақәа.

 Шықәсқәак ҵуеит ҳара Ҳхеидкыла  ацхыраара рынаҭоижьҭеи ахәыҷтәы Ашьапы ақәыргыларатә Центри, Ареспубликатә хәыҷтәы хәышәтәырҭеи, ҳреспублика ашколқәеи.  Убас, сынтәа, АҞӘАФОН иҟанаҵаз афинанастә цхыраара иабзоураны, имҩаҧган ахәышәтәырҭа адкыларҭатә ҟәшеи, аҧҟаратә блоки, убасгьы Аҧсны зегьы иреиҳаӡоу абжьаратә ҵараиурҭа – Аҟәатәи 10-тәи ашкол аҿы 2 класск рҟны аремонттә усурақәа.

 2016 шықәса цәыббразы  Аҧснытәи Ашьапы ақәыргыларатә Центр ашҟа инеиуа, зылшарақәа ҧку ахәыҷқәа рзы еиҿкаан Ҧицундатәи адельфинари аҭаара. Араҟа урҭ ахәыҷқәа рзы ҷыдала еиҿкаан  аинтерес зҵаз, игәырҿыхгаз, адыррақәагьы рызҭоз апрограмма.

 Аҵара-дырра аганахьала, Ахеидкыла асоциалтә политика иузаҟәымҭхо хәҭаны иҟоуп  2006 шықәса раахыс имҩаҧнаго иреиҕьу 16-ҩык  астудентцәа есымза АҞӘАФОН аҟнытә Хьыӡҳәалатәи астипендиа рыҭара, иара убас О.Беигәаа ихьӡ зху астипендиа 8-ҩык зыҧсадгьыл ашҟа ихынҳәыз астудентцәа- арепатриантцәа рыҭара.  Сынтәа Аҧснытәи Аҳәынҭқарратә университет аҿы иазгәарҭеит АҞӘАФОН астипендиатә программа жәашықәса ахыҵра. Астудентцәа Жәларбжьаратәи Рымш азы Ахеидкыла аусзуҩцәа аныҳәатә ҭагылазаашьа аҧҵаны,  раҧхьатәи астипендиа рнапы иадыркит ААУ иреиҕьу астудентцәа!

 Абҵара мзазы АҞӘАФОН Аҧсны Ареспублика Ахада иадминистрациа аусзуҩцәеи, Mitjet 2L ачемпион Дмитри Гәазааи еицыҟарҵаз ахацыркрала, имҩаҧган “Ҳаӡәыкны амҩаҿы атранспорттә машәырқәа  ҳарҿагылап”  зыхьӡыз акрызҵазкуа даҽа акциак.  Ари акциа егьырҭ иреиҧшымызт,  истандарттәым аметодқәа рыла ауаа ирызнаган  зегьы рхы еицадырхәо амҩақәа иахәҭаӡам аҵарреи, арласрала аҽырхаҵареи ирҭыҧны аҟаҵара аӡәгьы азин шимам. Ари акциа аҳәаақәа ирҭагӡаны еиҿкаан Mitjet 2L асериа апилотцәа рҧылара. Адраматә театр ашҭа аҧхьа еиҿаргыланы иқәыргылан апрофессионалтә болидқәеи амҩаҿы ииашаҵәҟьаны амашәыр иахҟьаны, ааха зауны иҧҽыз  амашьынақәеи. “Аҧсны ҿа” ахатәгәаҧхаҩцәа ракәзар, зегьы ирзыршон абҕьыцқәеи амашьыназы асигналтә қәырҷабқәеи. Урҭ Аҟәатәи амҩадуқәа рахь ицәырҵит  амашьынаныҟәцаҩцәа арласра иагдырхарц атәы зҳәоз аплакатқәа кны.

Ари апроект хықәкыс иаман ауаа зегьы рҟынӡа анагара – хымҧада  аилкаара шаҭаху - амашьына ныҟәцаратә культура злоу шракәу уаҵәтәи амш змоу, аҧҟарақәа реилагара шыҧхашьароу, уи зегьы шақәыӡбуа!

Аспорт

 АҞӘАФОН аусураҿы акрызҵазкуа аҭыҧ ааннакылоит Аҧсны аспорт аизырҳараҿы активла ацхыраара аҭара. Ареспубликаҿы имҩаҧырго аспорттә усмҩаҧгатәқәа рыбжеиҳарак алыршоуп АҞӘАФОН активла иҟанаҵо  афинанстәи аинформациатә цхыраареи рыбзоурала.  Урҭ рхыҧхьаӡара иаҵанакуеит:

 Жә-шықәса раахыс Аҧсны аҳҭнықалақь Аҟәа имҩаҧырго IX Жәларбжьаратәи ашахматтә турнир «АҞӘАФОН-OPEN». Уи еизнагоит қәрала еиуеиҧшым, ақәыҧшӡақәа инадыркны, ари аинтеллектуалтә спорттә хкы аҿы  изныкымкәа ачемпионтә титулқәа згахьоу рҟынӡа ҳреспубликеи, иара убас Алада Урыстәылеи рыҟнытә  иреиҕьу ашахматистцәа.  

 Аиааирамш ныҳәа азгәаҭара инадҳәаланы асамбои адзиудои рзы Аҧснытәи афедерациа есышықәса имҩаҧырго, зегь иреиҳау ахәыҷтәы спорттә еицлабра - арҧарцәеи аҭыҧҳацәеи рыбжьара асамбо азы Жәларбжьаратәи атурнир ”Аиааира Акубок”.  Сынтәа ари атурнир еизнагеит  Аҧсны ақалақьқәеи, Урыстәылеи, Аахыҵ Уаҧстәылеи, Адыгеиеи, Ҟарачы- Черқьестәылеи, Ҟрыми, Ашьхатә Ҟарабахи атәылақәа рыҟнытә аспортсменцәа.

 “Аҧсны Ахада ихьӡала акубок” агаразы имҩаҧысуа, аҧсуеи аурыси ҽыбҕаҟазацәа злахәу Жәларбжьаратәи аҽырыҩра, иара убас 1992-1993шш. Аҧсны аџьынџьтәылатә еибашьраҿы Аиааирамш азгәаҭара иақәыршәаны, Аҧсны Раҧхьатәи Ахада – Владислав Григори-иҧа Арӡынба игәалашәара  иазку итрадициатәу Аҧсны аҽыбҕаҟазаратә спорт азы Ачемпионат. Уи амш азы, АҞӘАФОН иҟанаҵаз аспонсорра иабзоураны, “Мықәашҭа” имҩаҧган  аҧсуа милаҭтә спорттә хәмарра “Аимҵакьачара” азы  аҩбатәи атурнир.  Ари аусмҩаҧгатәы аҧхьахәтә фонд 200 000 мааҭ ыҟан. Актәи аҧхьахә агеит Аӡҩыбжьа ақыҭантәи акоманда. Аҩбатәи аҭыҧ ааннакылеит Очамчыра ақалақьтәи акоманда.  Ахҧатәи -  Кәтол ақыҭантәи акоманда.

  Зҿлымҳарада иныжьмызт Очамчыратәи араион ашколқәагьы. Сынтәа АҞӘАФОН  11 школ ҳамҭас ирынаҭеит аспорттә инвентарқәа: ашьапылампылтә, анапылампылтә, амҵәышәтә мпылқәа, иара убас иҿыцу анапылампыл асцәа рформақәа, еснагь аицлабрақәа рҿы аҧхьахәтә ҭыҧқәа аанызкыло Ҷлоу ақыҭа аҭыҧантәи акоманда азы.

 Аспорт аларҵәареи гәабзиарала аҧсҭазаараҿы ахымҩаҧгара апропаганда азуреи ишиашоу иадҳәалоуп  аҿар рабиҧара уаҵәтәи рҧеиҧш. Аспорт аизырҳара иадаҳҵо ала, ҳара ҳацхраауеит, иагьышьақәҳарҕәҕәоит ауаажәлар реизҳара.

Акультура  

Акультура иузаҟәымҭхо хәҭаны ауаажәлари аҳәынҭқарреи рыҧсҭазаара иадҳәалоуп. Убри азы АҞӘАФОН  ҳтәыла акультуратә ҧсҭазаара алахәхара – уи лыҵшәа бзиалеи қәҿиаралеи аусура иарбаганы иҟоуп.

АҞӘАФОН активла излахәны иалыршахаз аусмҩаҧгатәқәа иреиуоуп: аклассикатә музыка Агәыҳалалратә концертқәа –  хацыркҩыс иҟан Азамаҭ Багаҭелиа ихаҿала асоциал-культуратә хацыркратә Фонд. Уи еизнагоз аҧарақәа  ачымазцәа хәыҷқәа ацхыраара рыҭара  иазкын.  “Ацәқәырҧа” аҿы  аҧхынтә культуратә программа амҩаҧгара – хацыркҩыс даман Наста Агрба. Иара убас егьырҭ акультуратә хҭысқәагьы.

 Сынтәа АҞӘАФОН Очамчыратәи Ацентртә библиотека ҳамҭас ианаҭеит 80 шәҟәы, рашәара 1 азы Очамчыра ақалақьтәи Акультура Аҩны аҟны  еиҿнакааит ақалақьтә хәыҷқәа рымацара ракәымкәа, ааигәа-сигәа иҟоу ақыҭақәа рҟынтәи ахәыҷқәа зегьы еизызгаз, хашҭшьа зқәымкәа имҩаҧгаз ахәыҷра аныҳәа. Иара убас Раҧхьатәи амобилтә оператор  сынтәа хынтәны спонсор Хадас иаиуит  1992-1993 шш. азтәи аибашьратә хҭысқәа ирызку апатриоттә проект хада -  Емма Хәаџьааи Ҭемыр Қәычбериеи авторцәас измоу амузыкатә фильм “Ҳара ҳаруаа реиҳабы”. Уи аӡыргара мҩаҧган Аиааира 23 шықәса ахыҵра иақәыршәаны.

 2016 шықәсазы АҞӘАФОН активла иҟанаҵаз афинанстәи  аиҿкааратәи ацхыраара иабзоураны, акьыҧхь аҿы ицәырҵит Аҧсны аҭоурых еиҭазҳәо,  ашәҟәы ҿыц ссирқәа ҧшьба: Шь.Инал-иҧа имонографиа “Аубыхқәа”,  Аҧсны аҳҭны қалақь архитектура иазку архивтә материалқәа зну А.Агәмаа ишәҟәы “Ажәытәтәи Аҟәа”,  арежиссиор, ажурналист, афотоҭыхҩы И.Ҷкадуа 1-тәи иавтортә “Аҧсуа альбом”,  М.Аҩӡба авторс дызмоу аҧшьацәеи аиашаҳәаҩцәеи ирызку ажәабжь кьаҿқәа реизга “Иқьиоу аҭоурыхқәа”. 

Иара убас АҞӘАФОН иҟанаҵаз  аинформациатә спонсорра иабзоураны, 2016 шықәса рзы имҩаҧысит  аџьазтә сцена аеҵәақәа: Мариами Армени Мерабовааи, Камилла Турмани, агәыҧқәа - POLYARUS, TRBLMKRS, Therr Maitz,  апроект “Голос-3” алахәҩы Илиа Кирееви, DJ Pasha Panda, убас Хьыбла Мықәба лсолатә концерти, "Grand Opera Gala" зыхьӡу аоператә нагӡаҩцәа ҿарацәеи рконцертқәа. Абҵара мзазы  аҧсуа репер ҿа  Janil Natas (Асҭан Аџьынџьал) инагӡарала имҩаҧысит  2016 шықәсазтәи аҧхын азы ихит хаданы иҟалаз авидеоклип – ашәа «Sukhum» аӡыргара.

 Уажәшьҭа хәышықәсоуп АҞӘАФОН  аус ицнауеижьҭеи еиҭаҳәашьа змам ҳашьхақәа  рыҧшӡара атәы зҳәо, иџьоушьаша апроект “Аҧсны ашьхара” автор Ҭенгьыз Ҭарба. Сынтәа АҞӘАФОН аспонсорратә хадарала иаартын “Зыҧсабара адоуҳа маӡоу атәыла” зыхьӡу ацәыргақәҵа аӡыргара. Уи еиҿыркааит Ҭенгьыз Ҭарбеи еицырдыруа афотоҭыхҩы, асахьаҭыхҩы Алан Воубеи.

Афотоцәыргақәҵа идеиа хадас иаман ашәышықәсақәа рышьҭахь иҟаз адунеи аҧшӡара ауаа ахьаднаҧхьалои, ирынаҭо агәаҳәареи ирҷыданы, иахьагьы  Аҧсны иқәынхо ажәлар реиҳараки уи асасцәеи рзы  уи макьаназы имаӡоу қәыҧшылараны ишаанхо ҳардырра. Ари ацәыргақәҵа иаҭааит АУЕ “Кьараз” зхылаҧшуа ахәыҷқәагьы. Урҭ аинтерес ду рыманы ирыхәаҧшуан афотоҭыхымҭақәа, иазыӡырҩуан аеқспедициа иамоу аҷыдарақәеи, ашьхара ашәаҩатә спорти, ашәаҩаныҟәаҩ икостиум ҷыдеи, иара убасгьы  аҧсуааи аҧсабареи реизыҟазаашьа зырманшәалоз ажәытәтәи атрадициақәа уҳәа  ирызкны Ҭенгьыз Ҭарба ирзеиҭеиҳәоз ажәабжьқәа.

2016 шықәсазы зегь реиҳа илашоу хҭысны Аҧсны иқәынхо ауаажәлари асасцәеи рзы иҟалеит АҞӘАФОН амшира инадҳәаланы еиҿкааз аныҳәатә усмҩаҧгатәқәа.  Уи амш азы имҩаҧган “АҞӘАФОН аҟнытә илашоу ацәаныррақәа” зыхьӡыз акциа. Уи аҳәаақәа ирҭагӡаны ирхәмарын Ауадҳараҟа аныҟәаразы амҩашәҟәқәа, аиахтала аныҟәара, иара убас IPhone 6S. 5-ҩык акциаҿы аиааира згаз рзы имҩаҧысит  арепер ҿа  Janil Natas, акавер-гәыҧ TRBLMKRS, ахәыҷтәы естардатә театр «Kadans», Урыстәыла иреиҕьу аклуб арезидент иҟнытә акәашаратә сетқәа ирыцназыгӡоз Soho Rooms – DJ AG (Aslan Gulia) рықәгылара .

АҞӘАФОН ашықәсантәи аусура изеиҧшырку алҵшәа ҟаҵо, иуҳәар алшоит, уи ҧхьаҟа ишцо хықәкыла, қәгәыҕрала, аҿаҧхьа иқәнаргылаз адҵақәа зегьы нагӡо, иҳараку асоциалтә ҭакҧхықәра еиқәырханы!

Ашықәс Ҿыц аламҭалазы АҞӘАФОН имҩаҧнагоит акциа “Ашықәс Ҿыцазтәи асиурприз” Уи аҳәаақәа ирҭагӡаны, АҞӘАФОН абонентцәа рзы Амаҵзуратә Центрқәа зегьы рҿы идырхәмаруеит зыхә ҳараку аҳамҭақәа: IPhone 7, IPhone 7+, Ipad Pro, Apple Watch, Sony PlayStation 4 Pro, алымҳаҭақәеи, иара убас афотоҭыхгақәеи.

Уи инаҷыдангьы, Ашықәс Ҿыц аламҭалазы абонентцәа ргәалаҟазаара ашьҭыхразы,  300 мааҭ аҧара зхаҿытә хыҧхьаӡара ашҟа иаразнакала иҭазҵаз абонентцәа АҞӘАФОН аҟнытә ҳамҭас ироуеит 500 МБ аҳамҭатә Интернет –пакет.

Ашықәс Ҿыц аныҳәа  инадҳәаланы АҞӘАФОН имҩаҧнагеит ҩ-проектк. Амузыкатә дырраҭарақәа – арадио-проект “Сара сашәеи”, Аҧсуа ҳәынҭқарратә телехәаҧшра арҿиаратә гәыҧ авторцәас измаз  “Ашықәс Ҿыцазтәи Амцабзи”. Арҭ адырраҭарақәа аҩбагьы ҳтәыла зегьы ателехәаҧшцәа ирбар рылшоит Аҧсуа телехәаҧшра Ашықәс Ҿыцазтәи аныҳәатә программаҿы.

 

2017-тәи Ашықәс Ҿыц АҞӘАФОН абонентцәеи апартниорцәеи  ирзаанартуеит иҿыцу алшарақәеи аперспективақәеи.  АҞӘАФОН аҿы иазҧхьагәаҭоуп   зхырхарҭақәа еиуеиҧшым,  аинтерес зҵоу хыҧхьаӡара рацәала апроектқәа! Аха ҳара, зегь раҧхьаӡагьы, хықәкы хадас иҳамоу – абонент цыҧхьаӡа зхаҭара бзиоу аимадареи аинтернети рыла иеиқәыршәара ауп. Уи, ҳәарада, ҳабонентцәа ирынаҭоит алшара адунеи аҿы имҩаҧысуа ахҭысқәа ианаамҭоу рдырра!  

АҞӘАФОН аусзуҩцәа ҳабонентцәа  ирыдырныҳәалоит иааиуа Ашықәс Ҿыц! Ҳара иаҳҭахуп уи АШЫҚӘС ҾЫЦ  азы мшы цыҧхьаӡа шәыҧсҭазаара иаланагалаларц ишәхамышҭуа, шәгәы шьҭызхуа, шәзыргәырҕьо ахҭысқәа. Иҟалааит ари ашықәс акрызҵазкуа аиҧыларақәеи, ухаҿы иузаамго алагамҭа бзиақәеи, доусы дзеиҧхыӡуа игәаҳәара аиреи, уи хымҧада анагӡареи ирышықәсны!

 Ҽаанбзиала! Аимадара умырӡын!  

 

  «АҞӘАФОН-GSM»адәныҟатәи аимадарақәа рыҟәша

12 шықәса иреиҳауп АҞӘАФОН аҭоурых хацыркхеижьҭеи, уи алагьы ихацыркын Аҧсны абларҭатә еимадара аҭоурыхгьы.

Арҭ ашықәсқәа зегьы  Раҧхьатәи амобилтә еимадара абонентцәа есышықәса, ессааҭ, есминуҭ  рҭахцәеи, ргәакьацәеи, иара убасгьы ҳаамҭазтәи адунеи зегьы аҿы ауааи дареи аимадара рыбжьоуп.

АҞӘАФОН иҷыда ҟазшьаны иамоуп  амобилтә еимадара аизҳара адунеи аҿы иҟоу атенденциақәа зегьы рхархәара. Аҵыхәтәантәи ашықәс азы АҞӘАФОН аус рацәаны иауит, иреиҕьу аалыҵқәа ахархәаҩцәа рызнагара хықәкыс иҟаҵаны.

Амаркетингтә политика

Иҿыцу аалыҵқәеи асервисқәеи аус рыдулараан ҳара ҳзықәныҟәо аидеиа хада – ҳабонентцәа инареиҕьу акомфорттә ҭагылазаашьа рзаҧҵареи рырманшәалареи роуп. 

 АҞӘАФОН аусураҿы хадара зуа  – аклиент ишҟа ахырхароуп, хаҭала убри азоуп, ажәалагала аныҟаҳҵо, ҳарҭ  ҳхархәаҩцәа рзы реиҳа феида злоу, еиҕьу аҭагылазаашьа рыдгалара ҳаҽзазаҳшәо. Ас еиҧш иҟоу аполитика зырҵабыргуа ҿырҧшы бзианы иҟоуп – активла Аинтернет зхы иазырхәо рзы ҳамҭа бзианы иҟалаз, «Aquanet» Аинтернет-пакетқәа рырҿыцра. «Aquanet» апакетқәа рыхәҧса акыр иагырхан. Уажәшьҭа Аинтернет-пакетцыҧхьаӡа ахәҧса атарифтә план ауп изхьыҧшу, апакетқәа русура аҿҳәара аҳәаа ҧкӡам.

Жьҭаара мзазы акыраамҭа ҭелла ацәажәара бзиа избо рзы Раҧхьатәи амобилтә оператор иҭнажьит злимит ҧкым атарифтә план “Аицәажәаратә”. Ари атариф аҿы мызкы 550 мааҭ ҳәа абонент илшоит АҞӘАФОН аҳа аҩныҵҟеи Аҧсны ақалақьтә номерқәа рышҟеи зҳәаа ҧкым аҭел асрақәа рынагӡара, 250 минуҭ егьи амобилтә аоператор аномерқәа рышҟа, иара убас 100 SMS-дырраҭарақәа.  

Ҷыдала злимит ҧкым Аинтернет-тарифқәа рзы аусура иаларган аопциа”Ҩынтәтәи аквота”.  Уи аопциа аҳәаақәа ирҭагӡаны АҞӘАФОН абонентцәа  ироуеит ҩынтә еиҳаны Аинтернет-трафик арласра аҳәаа ҧкымкәа, ахәҧсагьы иацымҵакәа.

2015 шықәсазтәи ааҧынра АҞӘАФОН абонентцәа ргәалашәараҿы иаанхеит аинтерес зҵаз, иналукаашаз акциақәа рыла.

- Хәажәкыра 8 инаркны мшаҧы 30 рҟынӡа Амаҵзуратә Центрқәа зегьы рҿы имҩаҧган “Ааҧынтәи акциа”, уи иабзоураны АҞӘАФОН абонентцәа ироуит алшара 50% ахә еиҵатәны 4G-амодем  аахәара.  Иара убас хәажәкыра 8 инаркны иахьа уажәраанӡа изҭаху зегьы ирылшоит хәыда-ҧсада 3G SIM-карта(ахарҭәаабҕьыц)  4G SIM-карта(ахарҭәаабҕьыц) ашҟа аҧсахра.

-  Хәажәкыразы Аҧсны  Раҧхьатәи амобилтә оператор аусура иаланаргеит «Check-in АҞӘАФОН» зыхьӡу акциа. Уи аҧҟарақәа ишырҳәо ала,  асоциалтә ҳақәа Facebook-и  Instagram-и рҿы иҭаҩу АҞӘАФОН абонентцәа ирылшоит иарбанзаалак АҞӘАФОН Амаҵзуратә Центрқәа руак аҿы,   агеолокациа алхны,  “аҽазгәаҭара”. Иара убасгьы урҭ  алшара рымоуп ранҵамҭаҿы иарбан маҵзуроу(амаҵзура “Ахыҧхьаӡара ахарҭәаара” аламҵакәа) рхы иадырхәаз аиҭаҳәара. Амза нҵәамҭацыҧхьаӡа “зчекинқәа” рхыҧхьаӡара еиҳахаз анапаҵаҩцәа аомобилтә оператор иҟнытә ирыҭахоит иҷыдоу аҳамҭақәа.

-  Апрограмма “АҞӘА-БОНУС” иалахәыз абонентцәа рзы ҷыдала еиҿкаан акциа “Лаҵарамзатәи абонус”. Уи алҵшәақәа рыла, лаҵара 1 инаркны 31 рҟынӡа хыҧхьаӡарала зегьы иреиҳаны абонустә баллқәа аус рзыруыз хәҩык АҞӘАФОН абонентцәа ироуит уи VIP-сувениртә аалыҵқәа.

 

Ҳазҭоу ашықәс лаҵара мза инаркны  АҞӘАФОН абонентцәа алшара роуит иҿыцу амобилтә напаҵаҩрақәа: «Аиҩызцәа», «Актиортә диета», «Абарменцәа рымаӡа», «Шәара ижәдыруоу?» уҳәа егьырҭгьы рхархәара.

Ари ашықәс азы ирҿыцын АҞӘАФОН акорпоративтә аалыҵ. Уи асиа хадырҭәааит аккумулиатортә еиҵаҵагатә шьақәыргыламҭақәа, истильтәу апортативтә колонкақәа, иашоу шәыгала иҩычоу атермоҵәцақәа.

АҞӘАФОН 12 шықәса ахыҵра инадҳәаланы, ҧхынгәы 15 инаркны нанҳәа 15 рҟынӡа АҞӘАФОН аҿы аус ауан акциа “Амшира 4G аҟны”. Уи аҳәаақәа ирҭагӡаны иалыршан:

-Амаҵзуратә Центрқәа рҿы 4G-атарифтә  планқәа: «Акватория», «Онл@йнер», «Афыртын» и «Онлайн Мaxi», “Сара  иалысхыз”  раҿакраан АҞӘАФОН абонентцәа ҳамҭас ирынаҭон Аинтернет-трафик 2000 Мегабаит.

- Иара убас хыхь иаҳарбаз атарифтә планқәа рҿы хаз игоу Аинтернет ахәҧса ҩынтәны еиҵатәын.  Акциа анымҩаҧысуаз аамҭазы злимит ҧкым Аинтернет-тариф АҞӘАФОН абонентцәа Рмаҵзуратә Центр аҿы  иҿыцны иаҿазкыз рзы иацҵахон иара убасгьы аопциа ”Ҩынтәтәи аквота”. Абонентцәа хыҧхьаӡара рацәала иҟарҵаз аҳәара иабзоураны, уи аопциа еснагь ироуа акакәны  иҟалеит.

 АҞӘАФОН 12 шықәса ахыҵра инадҳәаланы анапаҵаҩра “Азҵаарақәа рпарад” аҳәаақәа ирҭагӡаны,  имҩаҧысит “Жәаҩа ҳамҭа” зыхьӡыз акциа. Уи аҿы иаиааит 12-ҩык алахәцәа. Акциа иаҳамҭақәаны иҟалеит: асмартфон Apple iPhone 6, апланшет  Apple iPad Mini,  12 000 мааҭ аҧара, MP3-плеерқәа Apple iPod shuffle,  иара убас  4G-амодемқәа.

 АҞӘАФОН амшира инадҳәаланы, Instagram аҳаҿы ихацыркын аконкурс “Иреиҕьу еидкыло” зыхьӡыз, уи аҿы ишьақәыргылан аноминациақәа ҩба – “Амилаҭтә еихьӡара” “АҞӘАФОН аҟнытә иреиҕьу” . Иара убас  аҳамҭақәагьы ҩба -  асмартфонқәа Apple  iPhone 6. 

 Аконкурс зҽалазырхәыз рдаҟьақәа рҿы еиҭарҳәар акәын  Аҧсны акультуреи, аҭҵаарадырреи, аспорти рҿы иалыршо акрызҵазкуа аихьӡарақәа, иара убасгьы дара ргәаанагарала, АҞӘАФОН апроектқәа рҟнытә еиҳа  еиҕьу.

  Раҧхьатәи амобилтә оператор иара иақәлацәазгьы – 12 шықәса зхыҵуаз ахәыҷқәагьы -  рылша аадыртыртә еиҧш аҭагылазаашьа рнаҭеит.Урҭ рзы Instagram аҿы ишьақәыргылан аконкурс “АҞӘАФОН 12 шықәса”.  Уи аконкурс алахәхаразы Instagram анапаҵаҩцәа қәыҧшцәа  иҭырхыр акәын Ахеидкыла амшира атема иазкыз асахьа.  Зегь реиҳа аинтерес аҵоуп ҳәа иазыҧхьаӡаны иалыркааз аҭыхымҭа автор ианашьан апланшет HUAWEI MediaPad M1 8.0  LTE здызкыло. 

 АКӘАФОН 12 шықәса ахыҵра аламҭалазы  ихыркәшан уи апроектқәа рахьтә еиҳа акрызҵазкуа. Абонентцәа ироуит  АҞӘАФОН аофициалтә саит   www.aquafon.com  аҧсышәала. Уи иаанаго, ари ашықәс инаркны Ахеидкыла иҟанаҵо ажәалагалақәеи, ихацнаркуа аҿыцрақәеи  ирызку аинформациа зегьы ҳхархәаҩцәа ирызнагахоит Аҧсны Ареспублика аҳәынҭқарратә бызшәала

 Абонентцәа еиҳагьы рзааигәахара хықәкыс иҟаҵаны, АҞӘАФОН иаанартит Амаҵзуратә Центр ҿыцқәа ҩба – ақалақьқәа Аҟәеи Гагреи рҿы.  Уажәшьҭа АҞӘАФОН абонентцәа рзы Аҧсны ахи-аҵыхәеи рышәқәа ҟьаҟьаӡа иаартуп Амаҵзуратә Центрқәа 14.

Асоциалтә  политика

Жәаҩа шықәса рыҩныҵҟала АҞӘАФОН ус баша абларҭатә еимадара операторк аҳасабала мацара акәымкәа, иреиҕьу атехнологиақәа ираҧхьагылоу, абизнес зегь раҧхьаӡагьы асоциалтә ҭакҧхықәра амазароуп ҳәа ҧсахшьа зқәым аҧҟара змоу хеидкыла-флагманк аҳасабала ахьӡ-аҧша аиуит.  Уи ахьӡ шьақәрыҕәҕәо, АҞӘАФОН есышықәса ихацнаркуеит, иара убас иагьрылахәуп хыҧхьаӡара рацәала асоциалтә проектқәа, насгьы зегь реиҳа ихадоу, урҭ рахь имаҷым есышықәса  имҩаҧнаго апроектқәа.

Аҵара ус адгылареи абаҩхатәра злоу аҿар рыцхыраареи хықәкыс иҟаҵаны, АҞӘАФОН 2006 шықәса раахыс  ААУ аҿы иреиҕьу 16-ҩык астудентцәа  астипендиа рзашәоит. 2014 шықәсазы Раҧхьатәи амобилтә оператор иарҭбааит астипендиатә программа, уи Иреиҳаӡоу аҵараиурҭа иҭоу астудентцәа- арепатриантцәа 8-ҩык рзы  ишьақәнарҕәҕәеит Омар Беигәаа ихьӡ зху астипендиа. Аҩстипендиакгьы реицҵа  есымза 2000-2000 мааҭ ыҟоуп.  Сынтәагьы дырҩегьых активла аус зуа, ақәҿиара аазырҧшыз, абаҩхатәра злоу 24-ҩык астудентцәа ироуит АҞӘАФОН астипендиа.

 Хәажәкыра 8 рзы традициала ишаҧу еиҧш, имҩаҧысит социалла акрызҵазкуа аус знапы алаку аҳәса рыдныҳәалара. Сынтәа АҞӘАФОН аҿы иалкааны ирыдныҳәалеит Очамчыреи Тҟәарчали араионқәа рҿы арҵара ус знапы алаку аҳәса, иара убасгьы ирыдныҳәалеит Аҧсны аџьынџьтәылатә еибашьра иалахәыз аҳәса-арҵаҩцәа зегьы. Урҭ зегьы ирыҭан ашәҭ шьыҵәрақәеи 3000-3000 мааҭ зҭаз аконвертқәеи.

Есышықәса Ахәыҷқәа Рыхьчара Жәларбжьаратәи амш азы АҞӘАФОН Аҧсны иқәынхо ахәыҷқәа ирызнархиоит илашоу, ихызхуа аныҳәақәа. Сынтәа Раҧхьатәи амобилтә оператор еиҿнакааит аныҳәа Тҟәарчал ақалақь ахәыҷқәа рзы. Рашәара 1 азы Акультура Ахан аҿаҧхьа иҟоу ақалақьтә парк аҿы имҩаҧысит амультфильмқәеи алакәқәеи рперсонажцәеи   аклоунқәеи алабахәақәа ирықәгылаз ақьачақьцәеи   алархәны еиҿкааз аныҳәа ссир.

2015 шықәса уамашәа  ибеиан  аиааира згаз ажәлар рзы акрызҵазкуа ахҭысқәа рыла.

 2015 шықәса, лаҵара мзазы  Аҧсныжәлар иазгәарҭеит Аџьынџьтәылатә еибашьра Ду аҿы асовет жәлар иргаз Аиааира. Цәыббра мзазы  1992-1993 шш. рзы Аҧсны аџьынџьтәылатә еибашьраҿы ҳара ҲИААИРА ду 22 шықәса ахыҵит.  АҞӘАФОН аслоган хада -  “Аимадара умырӡын” -  хәыҷгьы-дугьы аанаҧхьоит абиҧара реимадара амырӡра ашҟа – 70 шықәса рышьҭахь  асовет жәлар иаадырҧшыз афырхаҵара, абацәа рҟынтәи имырӡкәа рыхшара – 90-тәи ашықәсқәа рзы забацәеи забдуцәеи  рфырхаҵара   еиҭалзыршаз аҿарацәа – фырхацәа рҭоурых рызнагара.

 Лаҵара 9 аламҭалазы АҞӘАФОН  аамҭакала акымкәа-ҩбамкәа апроектқәа аҽрыланархәит:

- итрадициоу акциа, уи аҳәаақәа ирҭагӡаны ветеранцыҧхьаӡа итәанчахәы иацҵан АҞӘАФОН аҟнытә 2000 мааҭ аҧара;

- акциа “Аҧсны-Урыстәыла ахыҧраара”, уи азкын зыхьӡ легендахаз афырхаҵа – аҧырҩы-ажәылаҩ Қьаазым Хәаҭхәаҭ-иҧа Агрба (1916-1944) иеибашьратә хьӡы-ҧша. Акциа хацыркҩыс даман – Џьамал Ҳагба;

- Аиааира 70 шықәса ахыҵра иазкны имҩаҧгаз апроектқәа зегь реиҳа зымҽхак ҭбааз апроект “Аиааира ахаҿқәа”. Уи еиҿыркааит аинформациатә агентра Sputnik-Аҧсны, иара убас  ацҳаражәҳәацәа ҿарацәа рсовет. Апроект хықәкыс иаман иахьазы зыҧсы ҭаны иҟоу аветеранцәа зегьы хаҭала “Иҭабуп”” ҳәа раҳәаны, урҭ рхаҿқәа ҳазегьы иаадыруа аҟаҵара. Ари апроект иабзоураны, ҳреспублика ақалақьқәеи араионқәеи рҿы ишьақәыргылан Аибашьра ду афырхацәа, иахьазы зыҧсы ҭоу аветеранцәа рфотоҭыхымҭақәа зныз  абаннерқәа 87.

Ииасуа ашықәс азы акрызҵазкуа хҭысны иҟалеит Аҧсны Аҳәынҭқарра Актәи Ахада Владислав Григори-иҧа Арӡынба диижьҭеи 70 шықәса аҵра. АҞӘАФОН иҟанаҵаз афинанстә лагала иабзоураны, иалыршахеит ари ашықәсхыҵра иазку жәаба инареиҳаны аусмҩаҧгатәқәа рынагӡара.  Урҭ иреиҳақәоу иреиуоуп:

- Иҷыдоу аконцерттә программа «Ҳара ҳаруаа реиҳабы», уи лаҧшылатәи ахәҭа шьақәгылан Актәи Ахада ихатә архив аҟнытә иаагаз аматериалқәа рыла.  Аконцерт аамҭакала еиҿкаан Аҧсны ақалақьқәа ҩба рҿы – Аҟәеи Тҟәарчали.

-  Владислав Арӡынба иҧсадгьыл аҿаҧхьа илиршаз атәы ҿыц еиҵагылоу аҿар иразҳәоз зымҽхак ҭбааз апроект «Иара далнахит аамҭа». Уи апроект алахәхаразы иааҧхьан Аҧсны араионқәа зегьы, урҭ рышколқәа рҵаҩцәа ахәаҧшцәа иддырбон  В.Г.Арӡынба изку аконцерттә программақәа.

- Владимир Занҭариа авторс дызмоу аизга “Актәи Ахада изы ажәа”аҭыжьра.

- Владислав Арӡынба иҧсҭазааратә мҩа иазкны Ҭемыр Қәычбериа авторс дызмоу адокументалтә фильм  “Иалкаау” аҭыхра.

Иара убас АҞӘАФОН ацхыраара иабзоураны имҩаҧысит агәалашәаратә хәылҧазқәа Очамчыра ақалақь ашҭаҿы, Очамчыратәи ашкол-интернат аҿы, А.К.Чачба ихьӡ зху Аҟәатәи асахьаҭыхратә ҵараиурҭа аҵаҩцәа русумҭақәа рцәыргақәҵа, В.Г.Арӡынба ихьӡ зху Гәдоуҭатәи ашҭаҿы авокзал ахаҿратә ган аиҿкаара.

Владислав Григори-иҧа Арӡынба – зхаҭара уникалтәу, Аҧсны ишашӡа иахагылаз ҧхьагылаҩуп, уи ибзоурала ҳреспублика иаиуит ахақәиҭреи ахьыҧшымреи. В.Г.Арӡынба изку апроектқәа рынагӡарала АҞӘАФОН аиааира ҳзаазгаз афырхаҵа, зыхьӡ адунеи иахыҵәаз  иналукааша аҳәынҭқарратә усзуҩы игәалашәара аҿаҧхьа ихырхәоит!

 Есышықәса  Аҧсны аџьынџьтәылатә еибашьраҿы Аиааира амшныҳәа аламҭалазы  АҞӘАФОН иҷыдоу азҿлымҳара рынаҭоит ҳтәыла еиуеиҧшым араионқәа рҿы инхо аветеранцәа. Сынтәа АҞӘАФОН асоциалтә акциақәа азырхан аибашьраан аблокада цәгьа иҭагылаз ақалақь-фырхаҵа Тҟәарчал. 

  Цәыббра 28 рзы  Ахьӡ-аҧша Аибашьратә музеи аҿы АҞӘАФОН аусзуҩцәа Аиааирамш рыдырныҳәалеит ҳтәыла ахьыҧшымра зхы ақәызҵаз 47-ҩык аибашьцәа ранацәеи рабацәеи. Афырхацәа рҭаацәа ирыҭан ашәҭ шьыҵәрақәеи, адныҳәаларатә шәҟәқәеи, 3000-3000 мааҭ зҭаз аконвертқәеи.

Иара убас асоциалтә акциақәа рҳәаақәа ирҭагӡаны, цәыббра 30 рзы Ахьӡ-аҧша Аибашьратә музеи иазыҟаҵан аматериалтә цхыраара, аекспозициа ҿыц аиҿкааразы, Тҟәарчалтәи араион акультуратә ҟәша акәзар аҧара рыҭан – 1992-1993 шш. рзы Аҧсны аџьынџьтәылатә еибашьраҿы иҭахаз аибашьцәа рҭаацәа рзыҳәан афуршет аиҿкааразы.

Ахьыҧшымра аныҳәа иақәыршәан АҞӘАФОН инанагӡаз даҽа акциакгьы. Аибашьра ашьҭахь зыҧсадгьыл зхы ақәызҵаз аибашьцәа рыхшара аҵара ахьырҵоз,  К.Ф.Ӡиӡариа ихьӡ зху Аҟәатәи алицеи-интернат ҳамҭас иаҭан ашколтә усмҩаҧгатәқәа рынагӡараан зыда ҧсыхәа ыҟам акустикатә аппаратура акомплект.

 “Зымҽхак ҭбаау абираҟқәа Аҧсны ақалақьқәа рҿы” зыхьӡу апроект аҳәаақәа ирҭагӡаны, Аҧсны аџьынџьтәылатә еибашьраҿы Аиааира 22 шықәса ахыҵра инадҳәаланы,  АҞӘАФОН ҳреспублика аҳәынҭқарратә символқәа шьақәнаргылеит аҭоурыхтә ҭыҧқәа ҩба – Лыхнашҭеи Мықәашҭеи рҿы. Цәыббра 27 рзы ақыҭа Мықә ишьҭыхын ҩ-бираҟк – аибашьраҿы иҭахаз рбаҟаҿи акомплекс “Мықәашҭа” адгьылҵакыраҿи.  

 Убасгьы иара уи амш аҽны АҞӘАФОН иҟанаҵаз аспонсорра иабзоураны, ҳреспубликаҿы раҧхьаӡа акәны имҩаҧган аҧсуа спорттә хәмарра “Аимҵакьача” ала атурнир, иара убас Аҧсны Актәи Ахада Владислав Григори-иҧа Арӡынба игәалашәара иазкыз аҽыбҕаҟазаратә спорт ала Аҧсны ачемпионат.

  Абҵара 18 рзы ихьыҧшым Аҧсны Аҳәынҭқарратә символ шьҭыхын аҭоурыхтә ҭыҧ Лыхнашҭаҿы. Ари ахҭыс иацҵан зымҽхак ҭбааны еиҿкааз аетнокультуратә усмҩаҧгатәы “Абиҧарақәа реимадара” ала.  Уи аҽны хнызықьҩык инареиҳаны еизаз ауаа зегьы шаҳаҭс иаиуит  Лыхнашҭаҿы иҧшӡаны имҩаҧгаз афольклортә традициақәа рфестиваль. Аусмҩаҧгатәы ихы алаирхәит Аҧсны Ахада Рауль Ҳаџьымба,  иара убас ҳтәыла анапхгара рхаҭарнакцәа. Ари аусмҩаҧгатәы апрограмма аҳәаақәа ирҭагӡаны имҩаҧысит аҽырыҩра, аҟазара-классқәа, Аҧснытәи аҳәынҭқарратә музеи раҧхьаӡатәи еиҭаҵуа ацәыргақәҵа, аҿар рфольклортә ансамбльқәеи жәлар ринструментқәа роркестри рықәгыларақәа, аконкурсқәа, авикторинақәа.

Сынтәа Раҧхьатәи амобилтә оператор аофициалтә партниорс иаиуит Агәыҳалалратә Ауаажәларратә Еиҿкаара “Кьараз”.  Ари аиҿкаара аҧҵан  мшаҧымза, 2015 шықәсазы, уи аусураҿы хықәкы хадас иамоу, ҳреспубликаҿы зматериалтә бзазара уашәшәыроу ауаа рыцхраароуп.  АҞӘАФОН есымза хықәкыла аҧара азоунажьуеит уи аофис аҿы аусура аиҿкааразы. АҞӘАФОН алахәрала “Кьараз” имҩаҧнагахьеит акымкәа-ҩбамкәа акциақәа, урҭ ирыбзоураны  еизган социалла ихьчам аҭаацәарақәа рыцхырааразы аҧара. 

Иара убас АҞӘАФОН аҽаланархәит Ареспублика Аҧсны Ахәаахәҭра-ааглыхратә палата ихацнаркыз  агәыҳалалратә акциа “Ахақәиҭра апарк”. Уи хықәкыс иаман  Аҟәа Ахақәиҭра апарк аиқәыршәаразы аҧара аизгара.

АҞӘАФОН аспонсортә хадарала, ҳазҭоу ашықәс, нанҳәа мзазы аибашьра ашьҭахь раҧхьаӡа акәны Очамчыра имҩаҧысит Жәларбжьаратәи афестиваль. Уи -  ҳаамҭазтәи Аҟазареи, Акультуреи, Арҿиареи ирызку Есышықәсатәи Актәи Жәларбжьаратәи Аҿар рфестиваль ауп.  Афестиваль еиҿкааҩцәас иамоуп Очамчыра араион ахадара иатәу аҿари аспорти русқәа рзы Акомитети «Guenos»зыхьӡу Ауаажәларратә еиҿкаара Аҿар рцентри. Афестиваль рҽаладырхәит Аҧсныи, Урыстәылеи, Ҭырқәтәылеи, Аахыҵ Уаҧстәылеи рҟнытә акәашаратә коллективқәеи, ашәаҳәаҩцәеи, амоделиерцәеи, асахьаҭыхҩцәеи. Урҭ зегьы хымш ицоз  аконкурсқәа рҳәаақәа ирҭагӡаны иӡырыргон еиуеиҧшым атәылақәа рҟнытә ажәларқәа рмилаҭтә культуреи рҟазареи.

Ҳазнысыз ашықәс азы зегь реиҳа иналукааша проектны иҟалеит Аҧсны аӡынтәи аҧшӡарақәа: ацивилизациа зхьымсыц ашьхатә ландшафтқәа, зқьышықәсала ҳаандаҿы иҟоу, иџьоушьаша, сыла иҭалаҳау адунеи – абарҭ  зегьы  ауаа ирзаазыртыз апроект “Аҧсны ашьхараАшықәс аамҭақәа”. Ари ашықәс ҧхынҷкәын мзазы Аҧснытәи аҳәынҭқарратә филармониаҿы апроект автор Ҭенгьыз Ҭарбеи АҞӘАФОН аусзуҩцәеи имҩаҧыргеит апроект аӡынтә етапи иуникалтәу уи аекспедициақәеи ртәы ахәаҧшцәа ирзеиҭазҳәаз  адокументалтә фильм “Аҧсны ашьхара. Аӡын.” аӡыргара.

Апроект “Аҧсны ашьхараАшықәс аамҭақәа”анымҩаҧысуаз аамҭазы иҟаҵаз афотоҭыхымҭақәа рахьтә зегь реиҳа аҧсы ахаҵаны инагӡоу алхны АҞӘАФОН 2016 шықәсазтәи акорпоративтә амзар аҿы икьыҧхьын. Уи традициала ишаҧу еиҧш, Ахеидкыла асувениртә аалыҵ акомплект иацҵаны ҳреспублика аҳәынҭқарратә усбарҭақәа ирзышьҭын.

 АҞӘАФОН ахадаратә спонсоррала сынтәа қәҿиарала имҩаҧысит “Иҿыцу лаҧшыла” зыхьӡу асоциалтә ӡыргаразы Актәи афестиваль.Уи абаҩхатәра злоу аҿар алшара рнаҭеит ҳреспублика асоциалтә проблемақәа рыӡбара хаҭала аҽалархәра.  Афестиваль аиҿкааҩ – Аҟәа ақалақь ахадара.

 Ҳтәылаҿы аекологиа аҭагылазаашьа иадҳәалоу апроблемақәа разыҟазаашьаҿы АҞӘАФОН аусзуҩцәа рхатәы позициа активла иаадырҧшит  сынтәа хәажәкыра мзазы асоциалтә ҳа Facebook аҿы  “Сара ицқьоу ақалақь аҿы анхара сҭахуп” зыхьӡу агәыҧ алахәцәа  еиҿыркааз аџьатә сабша ду аҿы рҽалархәрала.  70-ҩык инареиҳаны  ахеидкыла аусзуҩцәа ҭыҵит асабша аҽны Аҟәа ашьха Афуникулиор арыцқьаразы. Иара убас АҞӘАФОН ахахьы иагеит ари акциа аинформациатә дгылара: иазырхиан Баҭал Џьапуа авторс дызмаз асоциалтә баннерқәа. Урҭ абаннерқәа  шьақәыргылан АҞӘАФОН иатәу 50 қәыҧшыларақәа рҿы. Ари апроект анагӡараҿы ахархәара аиуит абас еиҧш иҟаз ааҧхьара:  “Ацқьара еиқәырхо,   иҿаҧхьа ҳхырхәоит ҳадгьыл зыхьчаз аҧсуа еибашьҩы”!

 Сынтәа АҞӘАФОН адгылара азнауит Аҧсны иакызаҵәыкны иҟоу, аҭаацәеи аҭаацәаратә мазарақәеи раларҵәара иазку апроект – “Идеалтәу ахаҵеи-ҧҳәыси” зыхьӡу аицлабра. АҞӘАФОН аспонсортә цхыраара иабзоураны имҩаҧысит асоциал-культуратә еизҳара Афонди ажурнал “Ачаратә сезони” еицеиҿыркааз  аицлабра афинал.

Ашықәс ҿыц аламҭалазы АҞӘАФОН ахы аланархәит Ашықәс ҿыц азы ихацыркыз акциақәа хҧа. Актәи акциа аҳәаақәа ирҭагӡаны зылшара ҧку ахәыҷқәа рзы иҟоу Ашьапықәыргыларатә Центр апациентцәа хәыҷқәа ирзаархәеит ашықәс ҿыцазтәи ақәгылара ашҟа 80 билеҭ.  “Ассир ҳамҭас” зыхьӡыз аҩбатәи акциа еиҿнакааит Агәыҳалалратә Ауаажәларратә Еиҿкаара “Кьараз”, хықәкысгьы иаман малла иҕару аҭаацәарақәа рҟнытә ахәыҷқәа рзыҳәан аҳамҭақәа реизгара.  АҞӘАФОН ари акциаҿы партниорс иҟан, уи афинанстә дгылара анаҩсангьы, аиҿкааратә зҵаарақәа рыӡбараҿгьы ацхыраара ду ҟанаҵеит.  Раҧхьатәи амобилтә оператор злахәны имҩаҧысыз даҽа акциакгьы иалҵшәаны, зҭоурыхтә ҧсадгьыл ахь ихынҳәыз аҭаацәарақәа рхәыҷқәа рзы иҟаҵан ашықәс ҿыцазтәи  аҳамҭақәа 200. 

Аспорт

 Сынтәа АҞӘАФОН иацнаҵеит ҳтәыла аспорт аизҳаразы есышықәса иҟанаҵо ацхыраара. Аҵыхәтәантәи ашықәс азы АҞӘАФОН аспонсорра ала имҩаҧысит уажәшьҭа итрадицианы иҟалаз атурнирқәа хҧа.

Мшаҧы азы имҩаҧган есышықәсатәи Жәларбжьаратәи ашахмат асразы атурнир «АҞӘАФОН-OPEN».Атурнир аиҿкааҩцәа -  ашахмат асразы Аҧснытәи афедерациеи абаҩырҵәыратә культуреи аспорти рзы Аҧснытәи Аҳәынҭқарратә комитети. Сынтәазы аицлабрақәа раҧхьахәтә фонд 81 000 мааҭ ыҟан.

Цәыббразы имҩаҧысит “Аиааира акубок” зыхьӡу арҧарацәеи аҭыҧҳацәеи рыбжьара Аҧсны асамбои адзиудои рзы Х11 Жәларбжьаратәи атурнир. Иахьатәи аамҭазы  асамбо азы Жәларбжьаратәи атурнир “Аиааира акубок” зегь иреиҳау ахҭысқәа ируакуп Аҧсны ахәыҷтәы спорт аганахьала.

Жьҭаарамзазы Аҧсны аџьынџьтәылатә еибашьраҿы Аиааирамш иазкны Бзыҧтәи аипподром аҿы имҩаҧган Ареспублика Аҧсны аҽыбҕаҟазаразы есышықәсатәи ачемпионат. Акыр шықәса ҵуеит АҞӘАФОН  ари аусмҩаҧгатәы аҧхьахәтә спонсорс иҟоижьҭеи.Сынтәа арҭ аицлабрақәа раҧхьахәтә фонд 100 000  мааҭ рҟынӡа инаӡеит.

Иара убас раҧхьаӡа акәны АҞӘАФОН ахахьы иагеит акымкәа-ҩбамкәа аспорттә усмҩаҧгатә ҿыцқәа аспонсорра рзура: Аҧсны Актәи Ахада В.Г.Арӡынба игәалашәара иазку жәларбжьаратәи адомино азы Иаарту ареспубликатә турнир, Актәи Ахада игәалашәара иазку акубок агаразы аветеранцәа рыбжьара ашьапылампыл асразы Жәларбжьаратәи атурнир, В.Г.Арӡынба игәалашәара иазку акубок агаразы аҿарацәа рыбжьара ашьапылампыл асразы Жәларбжьаратәи атурнир.

Акультура

АҞӘАФОН еснагь азҿлымҳара ҷыдеи адгылареи рзыҟанаҵоит акультура иадҳәалоу апроектқәа.

Сынтәа аинтерес зҵоу акакәны иҟалеит АҞӘАФОН аспонсоррала иаҧҵаз ателехәаҧшратә программа ҿыц “Иаартым Аҟәа”.  Апроект автор – Арифа Қапба. Ашықәс зегьы аҩныҵҟа ари апроект аҿы ахәаҧшцәа ирзеиҭарҳәон зегьы бзиа еицаабо Аҟәа аҭоурых, уи архитектуратә баҟақәеи  ҳаҳҭны қалақь иузаҟәымҭхо иадҳәалоу ауааи рҭоурых.

АҞӘАФОН ацхыраарала Аҧсуа ҳәынҭқарратә телехәаҧшра аканал аҿы иаларҵәан  Елеонора Коҕониаҧҳа лпроект  “Ажәа”. Уи хықәкыс иаман аҧсуа бызшәеи алитературеи рӡыргара, аҧсуа шәҟәыҩҩцәа ҽарацәа рырҿиара ателехәаҧшцәа рзаартра.

 Сынтәа ҩышықәсоуп Аҧсуа Радио азыӡырҩцәа аргәырҕьоижьҭеи амузыкатә проект “Сара сашәа”. Апроект аҳәаақәа ирҭагӡаны еиҿкаау абжьыҭира активла зҽалазырхәуа азыӡырҩцәеи ахит-парад аҿы аиааира згаз артистцәеи есымза АҞӘАФОН аҟнытә ироуеит аҳамҭақәа.  Ҧхынҷкәын 25 рзы Аҟәатәи аҳәынҭқарратә филармониаҿы  имҩаҧысит ари арҿиаратә радиоконкурс алахәцәа зегьы еизызгаз ашықәс ҿыц аламҭалазтәи агала-концерт “Сара сашәа”.

АҞӘАФОН иҟанаҵаз  аспонсоррала имҩаҧысит “Аамҭа аҧшшәқәа хҧа”ҳәа зыхьӡыз апроект аӡыргара. Уи аамҭакала еиднакылеит еиуеиҧшым ахырхарҭақәа: акостиум, афотографиа, аинтериер. Апроект аӡыргара амш азы имҩаҧган ХХ ашәышықәса аламҭалазы алирикатә цәа зыҟәну аҧҳәыс лхаҿсахьа аазырҧшуа 50 фотоҭыхымҭа рцәыргақәҵа.  Апроет авторцәа – акостиумқәа рзы асахьаҭыхҩы Ельвира Арсалиаҧҳа, афотоҭыхҩы Отто Лакоба, апроект  амодельқәа  рхаҿсахьақәеи рстильқәеи аҧызҵаз Маиана Ҵәыџьҧҳа.

Абар уажәшьҭа ҧшьышықәса ҵуеит АҞӘАФОН-и Аҧсны макьаназы иакзаҵәыку апрофессионалтә бжьанҵаратә студиа «АМА RECORDS»-и  аус еицыруеижьҭеи.  Сынтәа АҞӘАФОН астудиа  «АМА RECORDS” ражәалагала иақәҿыҭны, аколлектив алахәцәа  ҩыџьа – Анри Гәымбеи Алхас Марколиеи иреиҳаӡоу абжьанҵаразы арҵаратә центр «STEINBERG» аҿы рҵара ахә ашәеит.

 АҞӘАФОН аинформациатә партниорра иабзоураны иалыршан  зыҧсҭазаареи зырҿиареи рыла Аҧсны акыр иадҳәалаз аурыс сахьаҭыхҩы Александр Семенцов иусумҭақәа рцәыргақәҵа.   Ацәыргақәҵаҿы иӡырган “Аҟәатәи аҟәша” иаҵанакуа,  ХХ ашәышықәса 70-80-тәи ашықәсқәа  раан Аҟәа ахаҿсахьеи уи усҟантәи  аҧсҭазаареи зныҧшуа  50 инареиҳаны асахьаҭыхҩы иусумҭақәа.

АҞӘАФОН иҟанаҵаз афинанстә цхыраара иабзоураны  акьыҧхь абеит  еицырдыруа аҧсуа ҵарауаҩ Шь.Д.Инал-иҧа иҭоурых-етнографиатә очеркқәа  рышәҟәы “Асаӡқәа” аҩбатәи аҭыжьымҭа.

Сынтәа АҞӘАФОН спонсор Хадас иаман Ҧицундатәи ауахәамаҿы имҩаҧысыз аклассикатә музыка Агәыҳалалратә концерт. Ари аконцерт хықәкыс иаман згәабзиара уашәшәыроу ахәыҷқәа рыцхырааразы аҧара аизгара.Аусмҩаҧгатәы  аиҿкааҩы – Ареспублика Аҧсны  асоциалтә-культуратә хацыркрақәа рфонд. Аконцерт аҿы еизган 436 110 мааҭ.

Иара убас АҞӘАФОН аинформациатә спонсорра ала 2015 шықәсазы имҩаҧган анагӡаҩ қәыҧш Саида Агрҧҳа раҧхьатәи  лсолатә концерт, апроектқәа “Голос”,  “Голос.Дети”, аџьаз сцена аиаҵәахә Мариам Мерабова, агәыҧ Miraif рконцертқәа , аоператә нагӡаҩцәа ҿарацәа рконцерт "Grand Opera Gala", иара убас Аҧсны раҧхьаӡа акәны имҩаҧгаз арок-фестиваль”Аҧсуа ҧшаҳәа 2015”.

Аха ҳазнысыз ашықәс азы, ҳәарада,  зегь реиҳа  ахәаҧшцәа ирхамышҭуа  музыкатә хҭысны иҟалеит АҞӘАФОН амшира инадҳәаланы,  аплиажтә хәылҧазы АҞӘАФОН Party аҿы еиҿкааз агәыҧ  «Burito» аконцерт. Ари амш азы  аплиаж Мокко иаарту ажәҩан аҵаҟа  кәашарҭа ҭыҧны иҟалеит. Раҧхьатәи амобилтә еимадара акәзар,  уи амшира аҽны ҳреспублика иқәынхо зегьы ҳамҭас ирызнархиеит амузыкеи акәашарақәеи рыла еибаркыз, ухы-угәы иузалымхуа агәырҕьаратә хәылҧазы. 

 2016  шықәса ҳашәхымс илагылоуп. Иааигәахоит ҳазегьы ҳхәыҷаахыс бзиа еицаабо илаҧшхырҧагоу аныҳәа. Аныҳәа лашақәа Ашықәс Ҿыци АҞӘАФОН ҳтәыла иқәынхо зегьы адырныҳәалоит  иааиуа Ашықәс Ҿыци Қьырса аныҳәа лашеи! Шәара шәзы ари иааиуа ашықәс  зегь реиҳа илашаны, агәырҕьа рацәа ацны, игәазырҳагоу ахҭысқәеи игәышьҭыхгоу  ацәаныррақәеи рыла иҭәны иҟалааит! Шәыҧхыӡ бзиақәа лабҿабахааит, шәгәаҳәарақәа зегьы наӡахааит!   

Ҽаанбзиала!

 «АҞӘАФОН-GSM» адәныҟатәи аимадарақәа рыҟәша

Аҧсны амобилтә еимадара 12 шықәса ахыҵра

12 шықәса раҧхьа, ҧхынгәы 15, 2003 шықәсазы ихацыркын Аҧсны абларҭатә еимадара аҭоурых. Ҳреспубликаҿы ҭелдатәи акоммуникациа аизҳара алагамҭатә шәымҭа зыдҳәалоу – аимадаратә џьармыкьа ашҟа АҞӘАФОН ацәырҵра ауп. АҞӘАФОН ауп раҧхьаӡа абларҭатә еимадара амаҵзура ҳтәыла ауааҧсыра ирыдызгалаз,  иара убриалагьы ахааназ Аҧсны раҧхьатәи амобилтә оператор ҳәа ахьӡгьы зауз.  

Абар уажәшьҭа 12 шықәса ҵуеит АҞӘАФОН иалнаршоижьҭеи  есымша, ес-сааҭ, есминуҭ ҳаамҭазтәи адунеи зегьы аҿы аимадара.

АҞӘАФОН  иара аганахьала  зегьы ҟанаҵоит, абонентцәа зегь реиҳа иҿыцу амобилтә технологиақәа еснагь  рхы иадырхәалартә еиҧш алшара рыҭаразы.   

 

  Амаркетингтә политика

2014 шықәса нанҳәа мзазы АҞӘАФОНи уи абонентцәеи имшәа-имырҳа ршьапы еихыргеит ҳаамҭазтәи 4G-атехнологиақәа рдунеи ашҟа. Нанҳәа 6 рзы 4G (LTE) атехнологиа аушьҭра амш азы, АҞӘАФОН еиҿнакааит абиҧара ҿыц аҳала Аҧсны зегьы ахҩара,  уи алагьы Гагра инаркны Галынӡа иара абонентцәа ирынаҭеит,  аласра 64  Мбит/сек рҟынӡа змоу 4G (LTE) аҳаҿы иҟоу амаҵзура “Амобилтә Интернет” ахархәаразы алшара.

4G аҳа  анаушьҭха ашьҭахьҵәҟьа ирҿыцын ахәхшәааратә планқәа «Онл@инер», “Сара салхымҭа 4G», «Онлаин MAXI», «Аҟәаториа», “Лимитдатәи Аинтернет 1250”, иара убас “Лимитдатәи Аинтернет 1750”. Урҭ абонентцәа ирыҭоуп иҿыцу  4G (LTE) астандарт аҿы.  Уи адагьы, аҿар рыбжьара зегь реиҳа аларҵәара змоу ахәхшәааратә планқәа ируаку «Онл@инер» аҭаӡара иацҵоуп 1500 рҟынтә 2000 МБ рҟынӡа.

Аҧсахра ҷыдақәа рызун Аинтернет активла зхы иазырхәо рзы иаҧҵоу ахәхшәааратә планқәа. “Лимитдатәи Аинтернет 1250”, иара убас “Лимитдатәи Аинтернет 1750” ахәхшәааратә планқәа зхы иазырхәо абонентцәа рзы  иалыршоуп зышәагаа рҿыцу “Арласгақәа” – 250 МБ, 500 МБ, 1000 МБ.

Мшаҧы мзазы злимит ҧкым Аинтернет-хәыхшәааратә планқәа рцәаҳәазы иаушьҭын аопциа “Ҩынтәны аквота”. Уи абзоурала иалыршахеит ахә иацымҵаӡакәа зымҽхак ҩынтә еиҳау Аинтернет-трафик ахархәара. Аопциа аус аруразы  иазхоит  ахәхшәааратә планқәа “Лимитдатәи Аинтернет 1250”-еи “Лимитдатәи Аинтернет 1750”-еи рабонентцәа рбаланс  1000 мааҭ, ма инеиҳаны ала ахарҭәаара, усҟан аопциа автомат ҳасабла 30 мшы аус ауеит.

АҞӘАФОН азы аҵыхәтәантәи ҿыцраны иҟалеит, ацәажәаразы еиҳау аамҭеи, еиҳау Аинтернети узҭо ахәхшәааратә план “Афырҭын”. Ҭелла акыраамҭа ацәажәара бзиа избо, иара убасгьы активла Аинтернет зхы иазырхәо абонентцәа мызкы 1299 мааҭ ҳәа ироуеит АҞӘАФОН аҳа  аҩныҵҟа  иҧкым алимити, 400 МБ Аинтернет-трафики, Аҧсны егьырҭ амобилтә операторцәа рномерқәа рышҟа асразы 200 минуҭи, жәларбжьаратәи ахырхарҭақәа рышҟа асразы 50 минуҭи.

АҞӘАФОН еснагь аус ауеит абонентцәа иреиҕьу аҭагылазаашьа роурц азы  иҿыцу Амаҵзуратә Ҭыԥқәа раартра алыршаразы. Умҩашьо иуҳәар алшоит, иҿыцу Амаҵзуратә Ҭыԥ аанартыцыҧхьаӡа АҞӘАФОН абонентцәа еиҳа ирзааигәахоит ҳәа, еилыркаауеит ҳәа урҭ ргәаҳәарақәеи  рҭахрақәеи. Аҵыхәтәантәи ашықәс азы иҿыцу Амаҵзуратә Ҭыԥқәа аартын Гагреи Афон Ҿыци ақалақьқәа рҟны.

2014 шықәса абҵара инаркны 2015 шықәса лаҵара мза аҟынӡа АҞӘАФОН Амаҵзуратә Ҭыԥқәа асасцәа зегьы ирынаҭеит  Аҧсны зегь реиҳа илаҟәу ахәқәа рыла  ҳаамҭа иашьашәалоу 4G адкылара змоу HUAWEI апланшетқәа раахәаразы иуникалтәу алшара.

АҞӘАФОН абонентцәа рзы ааҧын алагеит ажәабжь бзиақәеи, иара убас Раҧхьатәи амобилтә еимадара ахархәара еиҳа изырмарио, изырманшәало акциақәеи рыла.

Убас, хәажәкыра 8 инаркны мшаҧымза 30 рҟынӡа Амаҵзуратә Ҭыԥқәа зегьы рҟны  ихацыркын “Ааҧынтәи акциа”. Уи иабзоураны АҞӘАФОН абонентцәа зегьы алшара роуит 50% ахә иагырханы  4G-амодем аахәара.  Иара убасгьы хәажәкыра 8 инаркны  иахьанӡагьы изҭаху  дарбанзаалак илшоит АҞӘАФОН 3G а-SIM-карта  4G а-SIM-картала хәыда-ҧсада аҧсахра.  

Хәажәкыра 5 рзы Раҧхьатәи амобилтә еимадара ихацнаркит акциа «Check-in АҞӘАФОН».   Уи акциа аҧҟарақәа инарықәыршәаны, асоциалтә ҳақәа Facebook-и Instagram-и рҿы арегистрациа змоу абонентцәа, АҞӘАФОН Амаҵзуратә Ҭыԥқәа иарбанзаалакгьы акаҿы  маҵзурак ахархәара азуны (амаҵзура “Ахыҧхьаӡара ахарҭәаара” аламҵакәа),  афото ацҵаны, “АҞӘАФОН” агеолокациаҿы  ирылшоит уи атәы акьыҧхь анҵара. Есымза  анҵәамҭазы Facebook-и Instagram-и рҟны хыҧхьаӡарала  “зчекинқәа”  еиҳахаз анапаҵаҩцәа  амобилтә оператор ихьӡала ирыҭахоит  иҷыдоу аҳамҭақәа.

АҞӘАФОН аҟнытә ааҧынтәи акциақәа рпарад хыркәшан  апрограмма “АҞӘА-БОНУС” алахәцәа рзы ҷыдала еиҿкааз “Маитәи абонус” ала. Уи алҵшәақәа рыла, лаҵара мза 1 инаркны 31 рҟынӡа хыҧхьаӡарала зегь реиҳа абонустә баллқәа аус дзыруз АҞӘАФОН абонентцәа хәҩык ҳамҭас ирыҭан АҞӘАФОН  VIP-сувениртә аалыҵқәа.

АҞӘАФОН 12 шықәса ахыҵразы ихыркәшан акрызҵазкуа уи апроектқәа руакы. Иалыршан АҞӘАФОН аофициалтә саит www.aquafon.com аҧсышәала аҟаҵара. Ари апроект анагӡара иабзоураны, АҞӘАФОН раҧхьатәи коммерциатә еиҿкаарахеит Ареспублика Аҧсны Аҳәынҭқарра ҳәынҭқарратә бызшәала аофициалтә саит ахархәара алзыршаз.

 

 Асоциалтә  политика

Еиуеиҧшым амаҵзурақәа рҿы абонентцәа еиуеиҧшым рҭахрақәа ишахәҭоу еиҧш  рынагӡара хықәкы хадас иҟаҵаны,  АҞӘАФОН иалнаршоит аимадареи ҳаамҭазтәи атехнологиақәеи ирҷыданы, еиҳау акы ауаажәлар рыҭара. Уи агәаҳәара иабзоураны аҧсҭазаара иаларҵәоуп зымҽхак ҭбаау асоциалтә программақәа. Урҭ рыла АҞӘАФОН аҽазнашәоит ҳтәыла иқәынхо ауаа рыцхыраара.     

АҞӘАФОН асоциалтә политика  ганрацәала еибаркуп, еиҳаракгьы уи ахықәкылатә ҟазшьа амоуп. АҞӘАФОН ҷыдала ахылаҧшра рынаҭоит Аҧсны аџьынџьтәылатә еибашьреи Аџьынџьтәылатә еибашьра Дуи рветеранцәа, аҿар. 

Аҵара аганахьала уи асоциалтә политика иузаҟәымҭхо иадҳәалоуп 2006 шықәса раахыс  ААУ астудентцәа АҞӘАФОН астипендиа рыҭара. Абар уажәшьҭа жәа-шықәса ҵуеит Иреиҳаӡоу аҵараиурҭаҿы АҞӘАФОН имҩаҧнагоижьҭеи зегь иреиҳау астипендиатә программа. Уи иабзоураны 16-ҩык астудентцәа, факультетк аҟнытә ҩыџьа-ҩыџьала, есымза ҩба-ҩба  нызқь мааҭ хаҭалатәи астипендиа роуеит. 

2014-2015-тәи аҵара шықәсазы АҞӘАФОН иаҧнаҵеит даҽа стипендиатә программак.  Аҧсуа поет, арккаҩы ду Омар Беигәаа ихьӡ зху, 2000 мааҭ иҟоу уи астипендиа рырҭоит  ААУ аҿы аҵара зҵо 8-ҩык астудентцәа-арепатриантцәа – аӡәаӡәа факультетцыҧхьаӡа рҟнытә.

2014-2015-тәи аҵара шықәс алагамҭазы АҞӘАФОН аусзуҩцәа рхацыркрала аматериалтә цхыраара рыҭан арепатриантцәа рҭаацәарақәа 23. Урҭ ирыцхрааит раҧхьаӡа акәны актәи ашкол ахь ицо ахәыҷқәа рҭаацәа ашколтә маҭәахәқәеи амаҭәақәеи рзаахәараҿы. Ари акциа анагӡаразы АҞӘАФОН аусзуҩцәа зегьы еицҿакны мап ацәыркит  Ахеидкыла 11 шықәса ахыҵра иазкны акорпоративтә ныҳәа амҩаҧгара. Акциа иахашәалаз аҧарақәа  дәықәҵан Украина аибашьра иахҟьаны, нхарҭада иаанхаз ахәыҷқәа ацхыраара рыҭара ашҟа.  

Рыцҳарас иҟалаз, аибашьра закәу, уи алҵшәақәа зеиҧшроу атәы Аҧсны жәлар лымҳаҭасҵас акәым ишырдыруа. Есышықәса цәыббра 30 рзы Аҧсны  жәлар зегьы иазгәарҭоит Аҧсны аџьынџьтәылатә еибашьраҿы Аиааира.  Аиааира 21 шықәса ахыҵра инадҳәаланы АҞӘАФОН иазнархиеит апроектқәа жәаба инареиҳаны.

АҞӘАФОН иҟанаҵаз аспонсоррала иалыршан аибашьра иазку ажәабжьқәа реизга “Зҩызцәа зыхьчоз аибашьҩы” зыхьӡу, зтираж  3000 цыра иҟоу  ашәҟәы аҭыжьра. Уи автор Рисмаг Аџьынџьал еизигоит Аҧсны аџьынџьтәылатә еибашьра алахәцәеи ашаҳаҭцәеи еиҭарҳәаз, еиуеиҧшым аамҭақәа рзы  асоциалтә ҳақәа рҿы икьыҧхьыз  22 ҭоурых.  

Аиааира амш аламҭалазы амузыкатә студиа «АМА RECORDS»-и АҞӘАФОН-и рымчала Аҧсны ақалақьқәа рҿы  еиҿкаан аконцерттә тур ду. Аконцерт апрограммаҿы амузыкантцәа рынагӡарала ахәаҧшцәа иддырҳаит аибашьра иалиааз ашәақәа 18 – Емма Хәаџьааи Ҭемыр Қәычбериеи рмузыкатә фильм “Ҳара Ҳаруаа реиҳабы” аҟнытә.  Агастрольтә тур хыркәшан  аибашьраан  Аҧснытәи ахҭысқәа раҧхьаӡа изнырыз Ҟабарда-Балҟариа аҳҭны қалақь Нальчик  ҳмузыкантцәа  рықәгыларала.   

Иахьа иҳамоу аҧсҭазаареи ахақәиҭреи зыбзоуроу ауаа рышҟа агәцаракра аарҧшуа, есышықәса цәыббра 30 рзы АҞӘАФОН  еиҿнакаауеит аибашьра аветеранцәа рыцхыраара иазку асоциалтә  акциақәа. Урҭ асоциалтә акциақәа рҳәаақәа ирҭагӡаны Аиааира 21 шықәса ахыҵра инадҳәаланы, амедицинатә маҭәахәқәа раахәаразы АҞӘАФОН 100 нызықь мааҭ ахырыҧхьаӡалеит Гагра ақалақь аҿы иҟоу ареспубликатә ашьапықәыргыларатә Центр, иара убас аныҳәа амҩаҧгаразы аҧаратә цхыраара азыҟарҵеит Ауаажәларратә еиҿкаара “1992-1993 шш. рзы Аҧсны аџьынџьтәылатә еибашьра иалахәыз аҳәса-хымхәацәа Рассоциациа”.  

АҞӘАФОН аҟнытә видеодныҳәалараны иҟалеит Аҧсуа телехәаҧшреи ателеканал “Абазеи” рҿы идырбаз, ҷыдала аныҳәа иазкны, аибашьратә хроника аҟнытә акадрқәа рыла еиқәыршәаз аролик. Аамҭакала АҞӘАФОН амчала иҭыхын асоциалтә ролик, аҿар аҧсуа ҳәынҭқарратә бызшәала ицәажәаларц, рбызшәа рыхьчарц азы ааҧхьара ҟазҵоз асоциалтә ролик. Мшәан абиҧара рхатәы  бызшәа хақәиҭрала ахархәара азин рымазарц  азы ауми зықьҩыла  афырхацәа Аҧсны рхы зақәырҵаз?   

Апатриоттә хырхарҭа змоу апроектқәа зегь иреиҳау – “Зымҽхак ҭбаау абираҟқәа Аҧсны ақалақьқәа” ирыцҵо, 2014 шықәса ҧхынҷкәын мзазы Аҧсны аҳәынҭқарратә бираҟқәа ҩба ықәыргылан Аҧсны аџьынџьтәылатә еибашьраан афронт ацәаҳәа ахьыҟаз Алада Ешыреи, иара убас изныкымкәа аидыслара ҕәҕәақәа ахьымҩаҧысуаз  Тамшь ақыҭан Аныуаа рхәы аҳаракыраҿи.

2009 шықәса раахыс АҞӘАФОН ишьақәгылеит атрадициа бзиа – Жәларбжьаратәи аҳәса Рымш азы асоциалтә ҵакы змоу азанааҭ знапы алаку аҳәса аныҳәа рыдныҳәалара. Ари ашықәс азы уи акциа ҩ-етапкны имҩаҧган.

Хәажәкыра 5 рзы АҞӘАФОН аусзуҩцәа ыҟан Очамчыреи Тҟәарчали. Урҭ уаҟа ааҧын аныҳәа хада рыдырныҳәалеит 42 аҳәса – Тҟәарчалтәи ахәыҷбаҳча “Џьамхәыхә” аусзуҩцәеи, Тҟәарчалтәи ацхыраагӡатә школ арҵаҩцәеи,  Очамчыратәи ахәыҷбаҳча “Аӡыхь” аусзуҩцәеи. Аҳәса зегьы ҳамҭас ирыҭан ашәҭ шьыҵәрақәеи, адныҳәаларатә сахьамҭеи, хҧа-хҧа нызықь мааҭи.

Хәажәкыра 6 рзы Аҧсны аҵара аминистрра ахыбраҿы  убас еиҧшҵәҟьа иҟоу адныҳәаларақәа рзыҟаҵан Аҧсны аџьынџьтәылатә еибашьра иалахәыз ҳтәыла абжьаратәи ашколқәа рырҵаҩцәа ҳәсақәа зегьы.  

2015 шықәса лаҵара мзазы адунеи зегьы иазгәарҭеит Аџьынџьтәылатә еибашьра Ду аҿы аиааира. АҞӘАФОН аамҭакала аҽаланархәит ари аныҳәа иадҳәаланы имҩаҧгаз акымкәа-ҩбамкәа апроектқәа.

Лаҵара 9 аламҭалазы аинформациатә партниорки спонсорки раҳасабала АҞӘАФОН  ахы аланархәит аҵыхәтәантәи аамҭазы Аҧсны зегь реиҳа зымҽхак ҭбааны имҩаҧгаз, Аџьынџьтәылатә еибашьра Ду аветеранцәа ирызкыз апроект “Аиааира ахаҿқәа”. Апроект еиҿыркааит Аинформациатә агентра “Спутники” ацҳаражәҳәаҩцәа ҿарацәа Реидгылеи. Уи апроект аҳәаақәа ирҭагӡаны ҳреспублика ақалақьқәеи араионқәеи рҿы иқәыргылан иахьазы зыҧсы ҭоу аветеранцәа рфотоҭыхымҭақәа зныз абаннерқәа. Баннерцыҧхьаӡа  аветеран ифотографиақәа ҩба анҵаны иаҧҵан – аибашьра аамҭазтәии иахьатәии. Ари апроект аларҵәаразы АҞӘАФОН иазнархиеит ҳтәыла зегьы аҿы аинформациатә  қәыҧшыларатә ҭыҧқәа 81, иара убасгьы иалшеит инарҭбааны  амедиа-цхыраара аҟаҵара.  

Иара убас, АҞӘАФОН партниорс иҟан “Урыстәыла-Аҧсны ахаҧырра” зыхьӡу, зыхьӡ легендахаз аҧырҩы-ажәылаҩ Агрба Қьаазым Хәаҭхәаҭ-иҧа (1916-1944) игәалашәара иазкыз апроект  амҩаҧгараҿы. Аҧсуаа ирҿагылоз амилаҭтә политика иахҟьаны усҟан аҧсуа ҧырҩы ихәҭаз “Асовет тәыла афырхаҵа” ҳәа ахьӡ ирымҭеит. Апроект анагӡараҿы хықәкы хадас иҟан Гастелло ихаҵара еиҭаҟаҵаны фырхаҵарыла иҭахаз ари аҧсуа ҧырҩы залымдарыла дышгәыгәҭажьу  аурыс массатә хархәагақәеи ауаажәларреи реилыркаара.   

Есышықәсеиҧш сынтәагьы АҞӘАФОН имҩаҧнагеит асоциалтә акциа. Уи иалҵшәаны Аџьынџьтәылатә еибашьра Ду аветеранцәа 68-ҩык ртәанчахәы иахыҧхьаӡалан ҩба-ҩба нызықь мааҭ.

Аиааира амш азы аҳҭны қалақьуаа ирзыҟаҵан даҽа ҳамҭакгьы. АҞӘАФОН аспонсортә лахәыларала лаҵара 9 рзы еиҿкаан аныҳәатә феиерверк.    

Лаҵара 14 рзы иазгәарҭон Аҧсны Актәи Ахада Владислав Григори-иҧа диижьҭеи 70 шықәса аҵра. Ҳреспублика қалақьцыҧхьаӡа имҩаҧыргон Владислав Григори-иҧа игәалашәара иазкыз акциақәа.

АҞӘАФОН афинанстә цхыраарала имҩаҧган агәалашәаратә усмҩаҧгатәқәа жәаба инареиҳаны.

В.Г. Арӡынба изкны ари ашықәс азы АҞӘАФОН афинанстә цхыраарала, мҽхакы ҭбаала иалыршаз раҧхьаӡатәи аусмҩаҧгатәқәа иреиуоуп Аҧсны Ашәарҭадаратә маҵзура иатәу аҳәаахьчаратә хадараҿы имҩаҧгаз ахәылҧаз. Уи агәалашәаратә хәылҧазы асцена аҟнытә иааҩуан аҧсуа естрадатә шәаҳәаҩцәа инарыгӡоз апатриоттә музыкатә композициақәа, Владислав Арӡынба изку ажәеинраалақәа, иара убас Аҧсны Актәи Ахада ифырхаҵареи, иҟәыҕареи, хшаҭарак ҟамҵакәа иҧсадгьыл ахақәиҭтәразы илиршази азы ҭабуп  ҳәо, изыркуаз   ажәа лыҧшаахқәа.

Аҧсны Актәи Ахада диижьҭеи 70 шықәса аҵра аламҭалазы АҞӘАФОН амчала еиҿкаан  “Ҳара ҳаруаа реиҳабы” зыхьӡу аконцерт аамҭакала ҳреспубликаҿы ҩ-қалақьк рҿы – Аҟәеи  Тҟәарчали.

Лаҵара 14, Владислав Арӡынба имшира аҽны Аҧсуа ҳәынҭқарратә ахьӡ-аҧша аибашьратә музеи аҿы имҩаҧысит ҩ-ӡыргарак.

Владимир Занҭариа иӡыригеит иара авторс дызмоу “Актәи Ахада изы ажәа”  зыхьӡу  аизга. Уи ианылеит В.Г. Арӡынба иҳәынҭқарратәи, иуаажәларра-политикатәи, иҭҵаарадырратәи усура ихадоу аетапқәа ирызку адокумент-публицистикатә очерк “Актәи Ахадеи”,  ҳаамҭазтәи ихьыҧшым аҧсуа ҳәынҭқарра ашьаҭаркҩы изкны еицырдыруа ауаа ргәалашәарақәеи ргәаанагарақәеи,  егьырҭ адокументқәеи.  Иара убасгьы ашәҟәаҿы иануп Владислав Арӡынба изку ҳаамҭазтәи аҧсуа поетцәа ражәеинраалақәа.

Ҭемыр Қәычбериеи Емма Хәаџьааи еизаз ауаажәлар иддырбеит Владислав Григори-иҧа иҧсҭазааратә мҩа иазку адокументалтә фильм “Иалху”.

Лаҵара 19 рзы ихацыркын И.Гь. Папасқьыр ихьӡ зху Аҳәынҭқарратә Милаҭтә библиотекеи В.Г. Арӡынба ихьӡ зху  Аҧсуа ҳәынҭқарратә ахьӡ-аҧша аибашьратә музеии еицеиҿыркааз апроект “Иара далнахит аамҭа”.

«Иара далнахит аамҭа» – ари Аҧсны араионқәа зегьы рҟынтә ашколхәыҷқәа алархәны инагӡоу, зымҽхак ҭбаау проектуп. Уи аиҿкааҩцәа хықәкы хаданы рҿаҧхьа иқәдыргылеит еиҵагылаз абиҧара Владислав Арӡынба иҧсадгьыл аҿаҧхьа илиршаз атәы рзеиҭаҳәара иаҷыдангьы, урҭ аиҿкааратә процессгьы ралархәра. Апроект шан быжь-етапкны. Уи аҳәаақәа ирҭагӡаны идырбан ҳреспублика  раионцыҧхьаӡа  Владислав Арӡынба изкны иаздырхиаз аконцерттә программақәа.

Иара убас АҞӘАФОН ацхыраарала имҩаҧган абас еиҧш иҟаз апроектқәа: Очамчыра ақалақь ашҭа хадаҿи Очамчыратәи ашкол-интернат аҿи  агәалашәаратә хәылҧазқәа, А.К. Чачба ихьӡ зху Аҟәатәи асахьаҭыхратә ҵараиурҭа астудентцәа русумҭақәа рцәыргақәҵа, Гәдоуҭа ақалақь В.Г. Арӡынба ихьӡ зху ашҭаҿы  авокзал ахаҿратә ган аиҭарҿыцра.

Уи инаҷыдангьы, Раҧхьатәи амобилтә оператор ахахьы иагеит Владислав Григори-иҧа ихаҿсахьа зну амакетқәа рырхиара. Амакетқәа аус рыдиулеит Аҧсни Урыстәылеи асахьаҭыхыҩцәа Реидгылақәа рлахәыла, Д. Гәлиа ихьӡ зху Аҳәынҭқарратә премиа алауреат – Баҭал Џьапуа. 87 баннер шьақәыргылан Ареспублика араионқәа зегьы рҿы АҞӘАФОН иатәу аҭыҧқәа рҟны.

Рашәара 1 азы адунеи зегьы аҿы еиҧш Аҧсны иазгәарҭоит ашықәсан зегь реиҳа угәы зырҧхо, илашоу аныҳәа – Ахәыҷқәа рыхьчара Амш. Есышықәса ари амш азы АҞӘАФОН ахәыҷқәа рзы еиҿнакаауеит илашоу, узтәызтәуа аныҳәақәа.

Уаанӡатәи ашықәсқәа рзы аинтерес зҵоу ахәыҷтәы қәгыларақәа еиҿкаан Афон Ҿыци Аҟәеи ақалақьқәа рҿы. Сынтәа ари аныҳәа неит Тҟәарчал ақалақь ахәыҷқәа рышҟа. Рашәара 1 азы Акультуратә Хан аҿаҧхьа ақалақьтә парк аҿы имҩаҧысит амультфильмқәеи алакәқәеи рфырхацәеи, аклоунцәеи, ашәаҩаныҟәаҩцәеи злахәыз,  ииашаҵәҟьаны, ҧшшәы рацәала еибыҭаз аныҳәа. Ахәыҷқәа рзы музыкатә дныҳәалараны иҟалеит еицырдыруа аҧсуа естрадатә шәаҳәаҩцәа Авто Конџьариеи Џьимми Шәманиеи рықәгылара. Аныҳәатә программа анхыркәшаха ашьҭахь АҞӘАФОН аусзуҩцәа ахәыҷқәа ахаа-мыхаақәеи аршәқәеи рҿарҵеит,  ашәырӡ хаақәа ддыртәит.  

АҞӘАФОН еснагь аҽазнашәоит раҧхьаӡа акәны ицәырҵуа апроект ҿыцқәа рыдгылара. Сынтәа АҞӘАФОН адгылара азнауит Аҧсны иакызаҵәыкны иҟоу, аҭаацәеи аҭаацәаратә мазарақәеи раларҵәара иазку апроект – “Ҩыџьа еинаало” зыхьӡу аицлабра.

АҞӘАФОН аспонсортә цхыраара иабзоураны имҩаҧысит асоциал-культуратә еизҳара Афонди ажурнал “Ачара аамҭа” еицеиҿыркааз  аицлабра афинал.

Иара убас АҞӘАФОН ахадаратә спонсоррала сынтәа қәҿиарала имҩаҧысит “Иҿыцу адунеихәаҧшышьа” зыхьӡу асоциалтә ӡыргаразы Актәи афестиваль.  Афестиваль аиҿкааҩ – Аҟәа ақалақь ахадара.

Ас еиҧш иҟоу аицлабра раҧхьаӡа акәны Аҧсны имҩаҧыргеит, уи аиҿкааҩцәа рзы  хықәкы хадас иҟан – иҵару ауаажәларратә проблема бааԥсқәеи урҭ рыӡбашьа амҩақәеи рзы арҿиаратә ҿар рхатәы креативтә гәаанагара ацәыргаразы алшара рыҭара.

Ҳтәылаҿы аекологиа аҭагылазаашьа иадҳәалоу апроблемақәа разыҟазаашьаҿы АҞӘАФОН аусзуҩцәа рхатәы позициа активла иаадырҧшит  сынтәа хәажәкыра мзазы асоциалтә ҳа Facebook аҿы  “Сара ицқьоу ақалақь аҿы анхара сҭахуп” зыхьӡу агәыҧ алахәцәа  еиҿыркааз аџьатә сабша ду аҿы рҽалархәрала.  Ахеидкыла аусзуҩцәа 70-ҩык ҭыҵит асабша аҽны Аҟәа ашьха Афуникулиор арыцқьаразы. Имҩаҧгаз аусурақәа ирылҵшәаны ирыцқьан афуникулиор амардуан хадеи хыхьтәи аӡыршәратә ҭыҧи, ишәын ҵаҟатәи аӡыршә, уи ааигәа-сигәа иҟоу аҭыҧқәа рҿы ишьақәыргылан арымӡқәеи агәам-сам ҭаҧсарҭақәеи.

Иара убас АҞӘАФОН ахахьы иагеит ари акциа аинформациатә дгылара: иазырхиан Баҭал Џьапуа авторс дызмаз асоциалтә баннерқәа. Урҭ абаннерқәа  шьақәыргылан АҞӘАФОН иатәу 50 қәыҧшыларақәа рҿы.

2011 шықәсазы ихацыркын  АҞӘАФОНи апроект  “Аҧсны ашьхара” автор Ҭенгьиз Ҭарбеи русеицура. Хаҭала уи ашықәс азы ашьапы кын актәи апроект, уи аҳәаақәа ирҭагӡаны иалыршан знеира ахьыуадаҩу Аҧсны ашьха ҭыҧқәа рахь аекспедициақәа реиҿкаара.  Сынтәа АҞӘАФОН дырҩегьых уи апроект иадгылеит, ахахьы иагеит уи ахадаратә спонсорра. Уи апроект аҳәаақәа ирҭагӡаны иазҧхьагәаҭан ҳреспублика  ашьха ҳаракыратә раионқәа рышҟа аекспедициақәа жәаба рымҩаҧгара.  Експедициацыҧхьаӡа ахыркәшамҭазы  Аҧсуа телехәаҧшра аканал аҿы иддырбон “Аҧсны ашьхара/Ашықәс аамҭақәа” зыхьӡу адырраҭарақәа рцикл аҟнытә аҭыжьымҭа.

Ари ашықәс хәажәкыра мзазы Аӡын-Ааҧын аетап аҟнытә ахҧатәи аекспедициа ахыркәшамҭазы  АҞӘАФОН аусзуҩцәеи апроект “Аҧсны ашьхара/Ашықәс аамҭақәа” алахәцәеи  еицымҩаҧыргеит апроект абжьаратә лҵшәақәа реихшьала ахьыҟаҵахаз астол гьежь. Ари апроект хыркәшахоит Аҧсны ашьхара акрызҵазкуа аҧсабаратә обиектқәа зегьы ирызкны  иуникалтәу афото-видео материалқәа рышьаҭа аҧҵарала, аекспедициа алахәцәа знысыз амҩақәа реиҭаҳәа анҵареи урҭ рыхсаала аҟаҵареи рыла.

 

 Аспорт

АҞӘАФОН аханатә аахыс иадгылон аспорти активла аҧсҭазааратә хныҟәгашьеи рыларҵәара,  уи Аҧсны Ареспублика аҩныҵҟа имаҷымкәа    аспорттә хкқәа реизҳара иацхраауеит. АҞӘАФОН азы иахьа уажәраанӡагьы акрызҵазкуа социалтә уснагӡатәны иҟоуп ҳтәылаҿы аспорт аизҳара активла ацхыраара аҭара.

Уи зеиҕьыҟамала изыршаҳатуа акәны иҟоуп АҞӘАФОН иҟанаҵаз ацхыраара иабзоураны  еиуеиҧшым аспорт хкқәа рыла хыҧхьаӡара рацәала имҩаҧгоу атурнирқәа.

Ҿырҧшыс иаагозар, аҵыхәтәантәи ашықәс мацара иалагӡаны иалыршан абас еиҧш иҟоу аспорттә усмҩаҧгатәқәа:

2014 шықәса  ҧхынгәы мзазы Аҟәа имҩаҧысит  2000-2001шш. рзы ииз аҷкәынцәеи аӡҕабцәеи рыбжьара амҵәышәымпыл азы Жәларбжьаратәи атурнир. Уи аицлабра рхы аладырхәит Аҧсни, Москвеи, Москватәи аобласти, Алада Урыстәыла ақалақьқәеи, Нхыҵ Кавказ ареспубликақәеи, Приднестровиеи, Алада Уаҧстәылеи рҟнытә акомандақәа.

2014 шықәса абҵаразы  Аҟәа имҩаҧган  ашьапылампыл асразы  III Жәларбжьаратәи ахәыҷқәеи-ақәыҧшцәеи ртурнир  “АҞӘАФОН акубок”. АҞӘАФОН уи атурнир аҧнаҵеит 2012 шықәсазы Аҧсны ашьапылампыл асратә Федерациа алахәхарала.

Аҟәа ақалақь аҿы цәыббра 27 инаркны 29 рҟынӡа  аспорттә школ “Спартак” аҟны имҩаҧысит арҧарацәеи аҭыҧҳацәеи рыбжьара асамбо азы ХI Жәларбжьаратәи атурнир. Традициала ари аҧхьагылара мҩаҧысуеит АҞӘАФОН ахадаратә спонсоррала Ахьыҧшымра Амш аламҭалазы. Сынтәа ари атурнир еизнагеит  Аҧсни, Урыстәылеи, Аладеи Аҩадеи Уаҧстәылеи, Адыгеиеи, Ҟарачы-Черқьессиеи рҟнытә 280-ҩык аспортсменцәа.

Хәажәкыра 28 инаркны 29 рҟынӡа Аҟәатәи аспорттә школ аҿы имҩаҧысит жәларбжьаратәи адомино азы  Иаарту ареспубликатә турнир. Атурнир азкын Аҧсны Актәи Ахада  Владислав Григори-иҧа Арӡынба игәалашәара. Аусмҩаҧгатәы еиҿнакааит адомино азы Аҧсны афедерациа. Ачемпионат рҽаладырхәит  Аҧсны ақалақьқәеи араионқәеи рҟнытә 60-ҩык инарзынаҧшуа аспортсменцәа, иара убас Урыстәылантәи  иреиҕьу адомино ахәмарыҩцәа. Атурнир аҧхьахәтә фонд 90 000 мааҭ ыҟан.

Мшаҧы мза 25-еи 26-еи рзы  имҩаҧган есышықәсатәи Жәларбжьаратәи ашахматтә турнир “АҞӘАФОН-OPEN». 2010 шықәса раахыс  уи атурнир ахадаратә спонсорра азнауеит Аҧсны Раҧхьатәи амобилтә оператор.  Ашахматтә турнир аиҿкааҩцәа – Аҧсны ашахматтә Федерациеи абаҩырҵәыратә культуреи аспорти рзы Аҧснытәи аҳәынҭқарратә комитети. Сынтәа ари атурнир аҧхьахәтә фонд 81 000 мааҭ ыҟан.

В.Г. Арӡынба диижьҭеи 70 шықәса аҵра иазкыз аусмҩаҧгатәқәа рҳәаақәа ирҭагӡаны, 2015 шықәса лаҵара мзазы Гагратәи араион Алаҳаӡы ақыҭан  АҞӘАФОН иҟанаҵаз аспонсортә цхыраара иабзоураны аветеранцәа рыбжьара  имҩаҧган Аҧсны Актәи Ахада ихьӡ зху акубок агаразы жәларбжьаратәи ашьапылампыласратә турнир. Анаҩс уи аицлабра иацҵан АҞӘАФОН ацхыраара знаҭаз,   рашәара 9-еи 10-еи рзы имҩаҧгаз ақәыҧшцәа ртурнир ала.

Рашәара мза алагамҭазы ҳџьынџьуаҩ Асланбек Гәарамиа аиааира игеит зхы иақәиҭу ақәҧаразы Урыстәыла аҧхьагылараҿы зыкапантә категориа 76 кг. рҟынӡа иҟоу 1998-1999шш. рзы ииз  акадетцәа рыбжьара. АҞӘАФОН аусзуҩцәа уи аспортсмен қәыҧш азҿлымҳара ирҭарц рыӡбеит. Рашәара 18 рзы абаҩырҵәыратә культуреи аспорти рзы Аҧснытәи Аҳәынҭқарратә комитет аҿы урҭ Асланбек идныҳәаланы ирҭеит  асмартфон Apple iPhone 6.

 

 Акультура

 АҞӘАФОН есышықәса рымҽхак арҭбаауеит ҳреспубликаҿы акультура аизҳара иазырхоу апроектқәа рҟны ахалархәра.

2014 шықәса цәыббра мза инаркны 2015 шықәса мшаҧымза аҟынӡа АҞӘАФОН аспонсоррала иалыршан Светлана Корсаиа лпроект “Атеатри аамҭеи”. Аамзы рыҩныҵҟа, аҧсуа театртә ҟазара ахәаҧшцәа  ирыларҵәо,   ари апроект урҭ иднардыруан  С. Ҷанба ихьӡ зху Аҧсуа ҳәынҭқарратә драматә театр аҿы иреиҕьу ақәыргыламҭақәа рҭоурыхи уи асцена азҟазацәа рыҧсҭазаареи  рырҿиаратә мҩеи.

Уажәшьҭа ҩышықәсоуп Аҧсуа ҳәынҭқарратә радио аефир аҿы иҭыҵуеижьҭеи  амузыкатә проект “Сара сашәа”. Есымза апроект аҳәаақәа ирҭагӡаны еиҿкаау абжьыҭира алахәцәеи  ахит-парад аҿы аиааира згаз артистцәеи ироуан аҳамҭақәа аспонсор хада – АҞӘАФОН аҟнытә. Ҧхынҷкәын 15 рзы Аҧснытәи аҳәынҭқарратә филармониаҿы имҩаҧгаз ашықәс ҿыц аламҭалазтәи агала-концерт ала ихыркәшан  ари арҿиаратә радиоконкурс актәи аетап.

АҞӘАФОН алахәрала имҩаҧган  Аҧсни Урыстәылеи асахьаҭыхыҩцәа Реидгылақәа ралахәыла Б.Р.  Џьапуа ипроект – адокументалтә фильм “Мрагыларатәи афронт”.  АҞӘАФОН спонсорс иҟан 1992-1993 шш. рзы Аҧсны аџьынџьтәылатә еибашьра аан Мрагыларатәи афронт аҿы имҩаҧысуаз ажәыларақәа аазырҧшуа ари афильм асериақәа ахҧагьы профессионалтә бжьыла аиқәыршәараҿы.

АҞӘАФОН афинанстә цхыраара иабзоураны 2014 шықәса анҵәамҭазы  акьыҧхь абеит  еицырдыруа аҧсуа ҵарауаҩ Шь.Д. Инал-иҧа иҭоурых-етнографиатә очеркқәа  рышәҟәы “Асаӡқәа” аҩбатәи аҭыжьымҭа. Ашәҟәы актәи аҭыжьымҭа   ҭыҵит 1995 шықәсазы Москва.  20 шықәса уажәаҧхьа аҵарауаҩ иҧшәма ҧҳәыс Мира Константин-иҧҳа Хотелашьвили-Инал-иҧа аҭыжьра иазлырхиаз ари амонографиа ҭыжьын Аҟәа.

АҞӘАФОН аспонсорра иабзоураны 2014 шықәса абҵара мзазы Аҟәа имҩаҧысит ҳџьынџьуаа амузыкантцәа Ҭемыри Дениси Ҳагаа иаҧырҵаз, даргьы злахәу  аколлектив «TIM TEAM JAM»  аџьазтә концерт. Ари ашықәс лаҵара мзазы Р. Гәымба ихьӡ зху Аҧснытәи аҳәынҭқарратә филармониаҿы қәҿиарала имҩаҧысит  апроект “Абжьы”, иара убас “Абжьы. Ахәыҷқәа” алахәцәа рконцерт. Уи ақәгылара аинформациатә спонсорс иҟан АҞӘАФОН.

Абар уажәшьҭа ԥшьышықәса ҵуеит АҞӘАФОН-и макьаназы Аҧсны иҟоу апрофессионалтә бжьанҵаратә студиа заҵәык «АМА RECORDS»-и  аус еицыруеижьҭеи.  Сынтәа АҞӘАФОН астудиа  «АМА RECORDS” ражәалагала иақәҿыҭны, аколлектив алахәцәа  ҩыџьа – Анри Гәымбеи Алхас Марколиеи иреиҳаӡоу абжьанҵара арҵаратә центр «STEINBERG» аҿы рҵара ахә ашәеит.

АҞӘАФОН ацхыраарала иалыршаз сынтәатәи апроектқәа зегь реиҳа аинтерес зҵоу ируакуп Аҟәа ақалақь  архитектуратә баҟақәа ирызку ателехәаҧшратә дырраҭарақәа рцикл ала ишьақәгылоу  Арифа Қапба лпроект “Иаартым Аҟәа”. Мчыбжьык ахьтә ҩынтә ари апроект  ахәаҧшцәа ирызнанагоит ҳаҳҭны қалақь аҿы еицырдыруа архитектуратә баҟақәеи ижәытәӡатәиу аҩнқәеи рҭоурых.

2015 шықәса, хәажәкыра мзазы Аҧсуа ҳәынҭқарратә драматә театр ахыбраҿы АҞӘАФОН аспонсоррала  имҩаҧысит  арҿиаратә проект “Аамҭа ахыҧшшәык”. Апроект алахәцәа – акостиумқәа рзы асахьаҭыхҩы Ельвира Арсалиа, афотоҭыхҩы Отто Лакоба, апроект амодельқәа рхаҿсахьеи рстили аҧызҵаз – Маиана Ҵәыџьба. Абаҩхатәра злоу авторцәа ирылшеит ари апроект аҿы аамҭакала акымкәа-ҩбамкәа ахырхарҭақәа реидкылара: акостиум, афотографиа, аинтериер.  Апроект аӡыргара анымҩаҧысуаз амш азы ҿыц ареставрациа зызуз атеатр афоие аҿы имҩаҧысит ХХ ашәышықәса алагамҭа иаҵанакуа алирика цәа зыҟәну аҳәса рхаҿсахьақәа аазырҧшуа 50 фотоҭыхымҭа рцәыргақәҵа.

АҞӘАФОН аинформациатә партниорс иқәгылеит  зыҧсҭазаареи зырҿиареи рыла Аҧсны акыр иадҳәалаз аурыс сахьаҭыхҩы Александр Семенцов иусумҭақәа рцәыргақәҵа амҩаҧгараан.  Уи аартын ҧхынҷкәын 16 рзы Шәачатәи Асахьаркыратә музеи аҿы. Ацәыргақәҵаҿы иӡырган “Аҟәатәи аҟәша” иаҵанакуа,  ХХ ашәышықәса 70-80-тәи ашықәсқәа  раан Аҟәа ахаҿсахьеи уи усҟантәи  аҧсҭазаареи зныҧшуа  50 инареиҳаны аусумҭақәа.

12 шықәса – епоха дук ыҟоуп абларҭатә еимадара аизҳара аганахьала  АҞӘАФОН ҧхьагылаҩыс иахьыҟоу аҧсуа мобилтә технологиақәа рџьармыкьаҿ азы. Арҭ ашықәсқәа рыҩныҵҟала  АҞӘАФОН қәҿиарала инанагӡеит хыҧхьаӡара рацәала апроектқәа  –  ақциа маҷқәа инадыркны  ареспублика зегьы азы аҵакы ҕәҕәа змоу,  зымҽхак дуу аусмҩаҧгатәқәа рҟынӡа.

АҞӘАФОН қәҿиарала иалнаршаз апроектқәа зегьы ирыдгылоуп зықьҩыла уи абонентцәа   –  ҳагәра згаз, ҳдоуҳатә мазарақәа ҳацеиҩызшаз. Урҭ зегьы мҩашьарада ирылахәуп  ҳара ҳаихьӡарақәеи ҳақәҿиарақәеи.

Иаҳҭахуп иҭабуп ҳәа раҳҳәарц иҳақәгәыҕны  ҳхеидкыла алызхыз, гәрагарала змобилтә еиҿцәажәара ҳамаздаз зегьы.

Иҭабуп – аӡәаӡәала зегьы!

   

«АҞӘАФОН-GSM» адәныҟатәи аимадарақәа рыҟәша

АҞӘАФОН 10 шықәса ахыҵит! АҞӘАФОН ахҿа  жәаба иҭанаршәит!

2013 шықәса,  ԥхынгәымза 15 аҽны АҞӘАФОН аҳа оператор 10 шықәса ахыҵит!

Аилахәыра амш ира ҳәа иԥхьаӡоуп АҞӘАФОН аҳа аҿы раԥхьатәи аҭел аҵәҵәабжьы ангаз амш, уи Аԥсны амобилтә еимадара аҿиара анхацыркыз аамҭа ауп.

Убри аахыс, ҽнакымзар ҽнак, шықәсыкымзар шықәсык АҞӘАФОН иалнахыз амҩа иацәхьамҵит – ауаа иахьыҟазаалак, иагьа еицәыхаразаргьы  дара дареи, иара убас адунеи зегьы аҿы  шықәсык ахьтә 365 мшы, уахи-ҽни 24 сааҭ иааиԥмырҟьаӡакәа еицәажәалартә еиԥш, зхаҭабзиара ҳараку аимадара рзыҟанаҵеит.

Иахьа ҳара лҵшәа бзиала аус зуа Еилахәыра хатәроуп, уажәы иаҳгәалаҳаршәап  ҳусура ахыҵхырҭа, насгьы уи ахацаркыраҿы иҟаз ахҭысқәа.

Ажәакала, 2003 шықәса – АҞӘАФОН амҩа алхра  иашықәсуп. Убри ашықәс азы Аилахәыра раԥхьаӡа акәны  ахьӡ ҳәан, аха усҟан уи ажәа акгьы аҳәаӡомызт, уи ус иажәа башан. *ыҭрак ашьҭахь иит АҞӘАФОН алоготип, уи аӡы «амолекула» ацәыкәбарқәа  иреиԥшын, иацын ажәеицааира – «Аимадара умырӡын!». Абас иҟалеит АҞӘАФОН ацәырҵра.

Усҟан Аԥсны  аҭелеимадаратә џьармыкьа аҿы аԥхьагылара ззыԥшыз  аимадара  шьақәгылан – комутаторк, астанциа хадақәа 7,  15-ҩык аусзуҩцәеи рыла.

АҞӘАФОН шықәсыбжак ала иарҳаит  зықьҩык инареиҳаны абонентцәа.  Урҭ рхыԥхьаӡара иааиԥмырҟьаӡакәа иазҳауан, абонентцәа рхыԥхьаӡара иацлацыԥхьаӡа иаҭаххон ахәхшәааратә план ҿыцқәа раԥҵара.

2004 шықәсазы акыр иазҳауеит АҞӘАФОН ааглыхратә система, иаргьы ахәхшәааратә планқәа рцәаҳәақәа арҭбаара иалагоит, уи иабзоураны Аилахәыра абонентцәа  дасу еиҳа изыманшәалоу, ахәԥсагьы дахәаԥшны иалихыртә еиԥш аҭагылазаашьа иоуит. Ус ԥыҭраамҭак ашьҭахь иаԥҵахоит раԥхьатәи амаҵзура хыхьқәа рҳа, шьҭа абонент илшон ихәхшәааратә план аопциа ахылаԥшра: абаланс аиагара,  ахәԥсазы, ахыԥхьаӡаларақәа рзы адыррақәа раиура, баша аԥара анымхразы апакетқәа раҿакра.

Атехнологиа аҿиара, амобилтә интернет аԥҵара аимадара уаанӡа иҟаз ахархәагақәа зегьы аԥсахуа иалагеит. Абарҭқәа зегьы азгәаҭаны АҞӘАФОН иаланагалоит адырраҭаратә маҵзурақәа, ахала ахы амаҵ азура асервисқәа, арлахҿыхратә опциақәа, авикторинақәа, акциақәа.

Аилахәыра АҞӘАФОН жәашықәса аусура аҩныҵҟа иаԥнаҵеит 32 тарифтә план, 65 инареиҳаны амаҵзурақәа. Иазгәаҭатәуп, АҞӘАФОН ахәхшәааратә цәаҳәа аҟны ахәхшәааратә план лыԥшаахқәа шыҟоу, урҭ реиш иҟоу аҭыԥантәи аџьармыкьаҿы уаҳа џьарагьы иуԥылаӡом. Ас иҟоу аҿырԥшқәа иреиуоуп ахәхшәааратә планқәа «Ауниверсалтә», «Фреш» реиԥш иҟоу ахәхшәааратә планқәа, урҭ абонентцәа ирырҭоит  ахәԥса аҟнытә аиҵатәрақәа роутә алшарақәа.

Аԥсны азы асервис лԥшаахқәа иреиуоуп асервис «Ахаламаҵзура асистема»  - ара абонент илшоит Аилахәыра асаит www.aquafon.com аҿы ахатәы профиль амазаара, уаҟа АҞӘАФОН абонент илшоит ахәԥсеи аныхрақәеи рзы адыррақәа аиура, аҭел асрақәа рбара, иара убас ирманшәаланы амаҵзура хадақәеи, амаҵзура хыхьқәеи раҿакра, раҿыхра, насгьы ахәхшәааратә план аԥсахра. Ари асервис ухы иаурхәар ҟалоит уахьыҟазаалак, иарбан аамҭазаалак азы АҞӘАФОН аҳа ахьынаӡо иахабалак.

Амобилтә еимадара аоператор ибзианы аус ауларц азы абонентцәа Рмаҵзура Ҭыԥқәа раартра аҭахуп, уаҟа аилахәыра абонентцәа ирылшоит иахәҭоу ацхыраара аиура. АҞӘАФОН аҳа заҵәқәа аанартуеит, иара убас абонентцәа рымаҵ аура ахаҭабзиара аиӷьтәразы ҳҳәынҭқарра ақалақьқәа зегьы рҿы  инеишьҭаргыланы иаартын Амаҵзура Ҭыԥқәа. Абарҭ ашықәсқәа рыҩныҵҟа Амаҵзура Ҭыԥқәа аартын Гагра, Гәдоуҭа, Пицунда ақалақьқәа рҿы, даҽа хԥа – акы Аҟәа аққь. аҿы, егьи амрагыларатәи ҳҳәаа ааигәара – Гал аққь. аҿы. Иахьа аус руеит аофисқәа ааба, уаҟа абонентцәа ирылшоит ихаҭәаау асервис маҵзура аиура. *хьаҟа АҞӘАФОН Амаҵзура Ҭыԥқәа Аԥсны ақалақьқәа зегьы рҿы иаартхоит.

2011 шықәсазы аусура иалагеит Аимадаратә Центр, уи иаразнак иаӡбеит аҳасабтәқәа рацәаны: абонентцәа  рҭахрақәа иаразнакы анагӡара, абонентцәеи  иареи наҟ-ааҟ аимадара рыбжтаҵара, абонентцәа ргәаанагарақәа реизакра, рҭахрақәа ҳасаб рзура.

АҞӘАФОН аҿиараҿы ихадароу – атехнологиатә база аизырҳара. Есышықәса аусура иаларгахон астанциа абаза хыхьқәа, ус анакәха, аимадара аҳа адгьылҵакыра акыр аҽарҭбаауан, уи шьҭа инаган акыр ихароу аҳәынҭқарра араионқәа рышҟа. Иахьа 10 шықәса имҩаԥысуаз аргыларатә усурақәа ирыбзоураны АҞӘАФОН аус ауеит Аԥсны Аҳәынҭқарра ауааԥсыра ахьынхо адгьылҵакырақәа 95% рҿы.

2008-тәи ашықәс ҟалеит етап ҿыцны, избан акәзар уи аамҭазы иҭарцәын Кәыдрытәи аҩхаа, иара убас уи инашьҭарххны Урыстәыла Аԥсны ахьыԥшымра азханаҵеит. Иаразнак, иҭарцәыз  адгьылҵакыраҿы АҞӘАФОН  ишьақәнаргылт амобилтә еимадара, иара уи ала Аҩадатәи Кәыдры атәыла зегьы иамадахеит.

Уи анаҩс АҞӘАФОН ареволиуциатә шьаҿа еихнагеит, раԥхьаӡа акәны Аԥсны иаартын амобилтә видеоасра. 2008 ш., жьҭаарамзазы  Аилахәыра Аԥсны иаланагалоит 3G астандарт иатәу Аинтернет, уи аԥхьа иаԥҵаз амобилтә Интернет астандартқәа аҩжьны. 3G аҳа зхы иазырхәо аус рурц рылшоит 7,5 Мбит/с аццакра рыманы. Ари жәаҳәарада, ҽаԥарак ԥхьаҟа ҳнанагеит, уи аимадараҿы акыр ԥхьаҟа еизҳахьоу аинфраструктура змоу атәылақәа рывара Аԥсны наганы ирыланаргылеит.

3G аҳа аҵакыра ырҭбаауа, АҞӘАФОН уи ацәаҳәақәа нанагоит Гагра, Афон Ҿыц, Тҟәарчал ақалақьқәа рҿы, иара убас ааигәа ишьҭоу араионқәа рышҟагьы.Уи анаҩсан, аҳа амҽхак акыр ирҭбаан, аимадара ахаҭабзиара шьҭыхын Гәылрыԥшьтәи, Очамыратәи араионқәа рыҟны. Арҭ араионқәа рҿы инхо  ауаа  ирауит амаҵзура иҿыцны иалагалаз акырӡа иласу амобилтә Интернети авидеоасрақәеи рхы иадырхәартә еиԥш алшара. 

2010 шықәсазы Аилахәыра АҞӘАФОН аҿы ахҭыс ҷыдақәа ҩба ҟалеит.

*хынгәымзазы аргылара иалагеит АҞӘАФОН Администрациа-техникатә комплекс, уаҟа нас еизакын ахатәы техникеи администрациа аинфраструктуреи  рырҿиараҿы зыда ԥсыхәа ыҟам амаҵзурақәа зегьы. 2010 шықәса, абҵарамзазы АҞӘАФОН аусзуҩцәеи  ИАЕ «МегаФон»-и рымчра еизакны Аԥснытәи II Анаплакыҩцәа рфорум  аҳәаа иҭагӡаны аусушьа агәаҭаразы  иаушьҭын  4G (LTE) абиԥара иатәу аҳа – ари зынӡа иҿыцу  атехнологиала адырра рацәа  здызкыло Аинтернет ҳақәа иреиуоуоп. Аԥышәара аан аимадара  иалшеит  ирекордтәу 70 МБ/с иҟоу аццакра аарԥшра.  

АҞӘАФОН иабзоураны 2012 шықәсазы  Аԥсны иаартын  Кавказ ахьынӡанаӡааӡо  зегьы иреиҳау Адыррақәа Аус рыдулара Ацентр, ари АҞӘАФОН азы ахатәы техникатә мчрақәа ишрыхәҭоу рырҿиара алзыршо платформоуп. Адыррақәа Аус рыдулара Ацентр, аргылара аҳәынҭқарра зегьы азы акыр аҵанакуеит, избан акәзар иахьа аҭелеимадаратә еилахәыра арҿиара залыршахаӡом  ари аресурс ада, иара убас абизнес проект анагӡаразы адыррақәа риура зҭаху афирмақәа рызгьы – аԥара еикәыршараҿы, абанкқәа, атранспортқәа уҳәа зегьы рҿы.   

АҞӘАФОН атәыла иаланагалаз аҭелеимадаратә технологиа иамоуп астратегиатә ҵакгьы, уи ҳара ҳаԥсҭазаара ахаҭабзиара еиӷьнатәуеит, аекономика аҿиара иацхраауеит, аиҵыҵразы алшара рацәа амоуп.

Аилахәыра АҞӘАФОН  атәыла ашәахтә ду аланагалоит. Аилахәыра аус аура иалагеижьҭеи Аԥсны Аҳәынҭқарра абиуџьет  иаланагалеит миллиард мааҭ инеиҳаны.

Аҳәынҭқарра аҿаԥхьа иамоу аҭакԥхықәра еилкааны, АҞӘАФОН аусура аԥхьатәи амш инаркны агәыҳалалратә, асоциалтә ус хкқәа мҩаԥнагоит.

10 шықәсатәи аусура  иалагӡаны  ацхырааразы Аилахәыра иадгылаз Аԥсны инхо ауаа асоциалтә цхыраара рыҭан, иара убас еиуеиԥшым агәыҳалалратә программақәа рзы инырхит 36,7 миллион мааҭ рҿынӡа.

АҞӘАФОН агәыҳалалратә цхыраара зырҭаз ихыԥхьаӡараҿы иҟоуп Агәыӡератәи арратә хәышәтәырҭа, ахәыҷтәы баҳча «Алашара», иара убас абжьаратә школқәа,  атәыла ақалақьқәа рхадара уб. иҵ. Аилахәыра зсоциалтә ҭакԥхықәра  назыгӡо  акәны ахы аанарԥшит,  уи акультуреи, аспорти, аҵарадырреи рзы иаԥҵаз апроектқәа ирзыҟанаҵеит 27 миллион мааҭ иҭаӡоз аԥаратә хаҵгылара.

Акультура – ари  аилазаара агәыцә хада ауп. Иарбан ҳәынҭқаразаалак  уи уасхырны  иазышьҭалоит. Зхы еиқәзырхарц зҭаху амилаҭқәа ируалуп рхатәы культура еиҷаҳаны ахьчара, иааиԥмырҟьаӡакәа арҿиара. Абри аус хықәкыс иганы АҞӘАФОН аԥаратә хаҵгылара рзыҟанаҵеит  акультуратә ус хкқәа рацәаны. Абар урҭ рахьтә акык-ҩбак:

«Аԥсны аҭоурых абираҟқәа» захьӡыз апроект – ари Аилахәыра зегь раасҭа иԥшӡаз, аинтерес зҵаз апроектқәа ируакуп, уи анагӡара иадԥхьалан еицырдыруа аԥсуа ҵарауаа, апоетцәа, акомпозиторцәа. Ари апроект дуӡӡа аԥҵан АА аҳәынҭқарратә бираҟ Амши,  Владислав Григори-иԥа Арӡынба игәалашәареи ирызкны. Апроект иабзоураны еиҭашьақәыргылан аԥсуа ҳәынҭқарра аамҭақәа зегьы раан ахархәара змаз 17 бираҟ. Аӡыргара мҩаԥган 2010 шықәса, ԥхынгәымза 23 аҽны, ажәлар идырбан ҿыц еиҭашьақәыргылаз аҭоурых абираҟқәа. Убри амш аҽны Аԥсны  раԥхьаӡа акәны инеиҵыхны иазгәаҭан аҳәынҭқарратә бираҟ Амш. Аӡыргара ашьҭахь абираҟқәа рколлекциа ҳамҭас иаҭан Аԥсуа ҳәынҭқарратә музеи уаҟа иара ақәыргылара хықәкыс иҟаҵаны.

Апроект иҵегьы ахарҭәааразы Аилахәыра АҞӘАФОН аԥшьгарала иҭыхын  «Абираҟ аҭоурых – атәыла амҩа» ҳәа хьӡыс измаз апроект, ари аԥсуа бираҟқәа рҭоурых зҳәо раԥхьаӡатәи теледырраҭаратә проектуп, иара убас иҭыжьын аҭҵаарадырратә-популиартә ҟазшьа змоу альбом, уаҟа иагәылалеит еицырдыруа аҭоурыхтә бираҟқәа зегьы исахьаркны, иара убас аинтерес зҵоу аҭоурыхтә материал, апроект хыркәшан «2012-тәи Аԥсуа бираҟқәа» ҳәа иҭыжьыз асахьаркыратә мзар ала.

2009 шықәсазы  Аилахәыра АҞӘАФОН-и  аҿари аспорти рзы Аҳәынҭқарратә комитети, АА Аҿар Реиҿкааратә Ассоциациеи еилахәны иаԥырҵеит «Аԥсны ақалақьқәа рыҟны абираҟ дуӡӡақәа» зыхьӡыз апроект. Апроект иҭагӡаны Аԥсны аҳәынҭқарратә бираҟқәа Аҟәа, Гәдоуҭа, Гагра, Тҟәарчал, Афон Ҿыц, Гал ақалақьқәа рыҟны иқәыргылан. Хара имгакәа Аԥсны ахьыԥшымра асимвол хада Пицунда аққь., аиланхарҭа Гәылрыԥшьи рҿы иқәыргылахоит.

Е. Арсалиа летнографиатә проект «АМИЗАНҴКЫ АҞӘАФОН-2010» хықәкыс иаман ҭоурыхла ирҵабыргны аҽықәтәара аан аԥсуа ҳәсақәа иршәырҵоз 12 шәҵатәы реиҭашьақәыргылара. Ари апроект шьаҭас иаҭаны иҭыжьын акорпоративтә  мзар «АҞӘАФОН-2010», уи акыр иацхрааит аԥсуа ҭоурыхтә шәҵатәы ауаа рыларҵәараҿы. «АМИЗАНҴКЫ» арезонанс ду аиуит Аԥсны зегьы аҿы, насгьы ианаршьеит «Ашықәс азы иреиӷьу аусумҭа» ауп ҳәа Аҳәынҭқарратә премиа.

М. Аргәыни Хь. Мықәбеи авторцәас измаз амузыка-рлахҿыхратә программа «Шьарда» хықәкыс иаман аԥсуа шәаҳәаҩы ҿарацәа ҿыцқәа рыԥшаара. Апроект иабзоураны  жәаҩыла абаҩхатәра ҿыцқәа рыбжьы геит, ахәаԥшыҩцәа бзиа ирбеит, ргәыблыра ркит.

Амузыкатә фильм «Ҳара ҳаруаа реиҳабы» Аԥсны Аҳәынҭқарра Раԥхьатәи  Ахада Владислав Григори-иԥа Арӡынба игәалашәара иазкны иҭыхын. Афильм аҭыҵра Аԥсны жәлар Рџьынџьтәылатә еибашьра 20 шықәса ахыҵра алахьеиқәҵаратә рыцхә иадҳәалан, насгьы идырбан Аԥсны ақалақьқәа зегьы рҿы. Иара убас Аилахәыра АҞӘАФОН иалнаршеит  афильм зну  DVD, CD-дискқәа ҩ-нызқь цыреи 2013 шықәсазтәи амзари рҭыжьра, урҭ аԥҵан апроект аҳәаа иҭагӡаны иаԥҵаз афото, авидеоматериалқәеи рыла. Апроект авторцәа Е. Хәаџьааи Т. Кәыҷбериеи роуп.

 

Аҵарадырратә проектқәа ахаҵгылара рыҭо АҞӘАФОН еиҳарак изыдгыло аҿар роуп, иара уи ала атәыла аҿиара, аконкурециа алшаратәы аизырҳара  иацхраауеит.

2006 шықәсазы ИАЕ «АҞӘАФОН-GSM» Аԥснытәи Аҳәынҭқарратә Университет аҿы аҵара зҵо рзы иаԥырҵеит хаҭалатәи астипендиа. Уи аахысижьҭеи, 16-ҩык ААУ иреиӷьу астудентцәа Аилахәыра аҟнытә ироуеит аԥаратә цхыраара, уи астипендиа ашәагаа ҩынтә иаздырҳахьеит. Апроект аусура ианалагоз  астипендиа ашәагаа 500 мааҭ иҟан, ашьҭахь 2007 шықәсазы уи 1000 мааҭ иҟан, 2009 шықәсазы – 2000 мааҭ.

Аилахәыра АҞӘАФОН ацхыраарала Аҟәатәи Аҳәынҭқарратә Универститет аҿы иаартын аҭыԥантәи IT-академиа Cisco. Адиплом змоу Академиа арҵаҩцәа ААУ аҟны иаԥхьоит алекциақәа абарҭ ахырхарҭақәа рыла: IT Ашьаҭа – акомпиутер программала аиқәыршәара, иара убас CCNA Discovery.

Аилахәыра АҞӘАФОН акрааҵуеит аԥсадгьыл аҿы аспорт арҿиара ацхыраара ду азыҟанаҵоижьҭеи, уи хықәкыла аспорт аларҵәара иадҳәалоуп, иара убас ахәыҷтәы, аҳәыԥштә спорттә школқәа ацхыраара рыҭара.

Раԥхьатәи амобилтә оператор ахаҵгылеит аҳәынҭқарраҿы акыр зҵазкуа апроектгьы – Аԥснытәи Афедерациа имҩаԥнагоз адомино азы адунеизегьтәи  Ачемпионат. АҞӘАФОН уа иқәгылеит Ачемпионат азы ипартниор Хаданы, насгьы ари аус амҩаԥгара иақәнарӡит 1 000 000 (миллион) мааҭ, иара убас Ачемпионат ахьынӡамҩаԥысуаз хәыда-ԥсада ҳәа ахәмарҩцәа ирыдгалан Wi-Fi Интернет.

АҞӘАФОН аԥаратә хаҵгылара иҟанаҵаз ала Аԥсны Аҳәынҭқарраҿы имҩаԥган: атеннис ду азы Жәларбжьаратәи аиндаҭлара «Гагратәи амшын»; амҵәышәымпылтә еиндаҭлара «Асаби Имш»; «Аиааира Акубок» агаразы Асамбо Жәларбжьаратәи аиндаҭлара; есышықәсатәи ашахматтә еиндаҭлара «АҞӘАФОН-OPEN», ахәыҷқәеи ақәыԥшцәеи ампыл асразы реиндаҭлара «АҞӘАФОН Акубок» уб. егь.

Шьҭа ԥшьышықәса ирықәуп Аилахәыра АҞӘАФОН ахәыҷтәы ҩынқәеи ашкол-интернатқәеи рааӡамҭацәа рыбжьара «Уԥеиԥ унапы иакуп» захьӡу Акубок агаразы ашьапылампыл асразы аҳәынҭқарратә хәмарра еиҿнакаауеижьҭеи. Аԥснытәи ахәыҷқәа АҞӘАФОН иҟанаҵоз ахылаԥшра иабзоураны  рхы аладырхәит Шәача аққь. аҿы имҩаԥысуаз афиналтә хәмарра. Аҵыхәтәаны, сынтәа дара иагьыргеит акыраамҭа иззыԥшыз аиааира! Калдахәаратәи ашкол-интернат ааӡамҭацәа  аиҵбыратәи ахәыҷқәа ргәыԥ аҿы зегьы иреиӷьхеит. Акоманда-чемпион риааирала иргеит Лондонҟа ацаразы азин, уаҟа «Арсенал» аклуб аҿы иҟоу рықәлацәа ркомандеи дареи еицыхәмарит, насгьы уи аиҳабы Арсен Венгери дареи еиԥылеит, аҭыԥантәи ахәыҷтәы азыҟаҵаҩцәеи дареи аус еицыруит.

Акыр ҵуеит АҞӘАФОН зегьы ирыдыркылоижьҭеи апатриотизми, ахамеигӡареи рзы исимволны. Аилахәыра ахылаԥшра ҷыда рзыҟарҵоит зегь раасҭа зсоциалтә ҭагылазаашьа уадаҩу ауааԥсыра. Жәашықәса рыҩныҵҟа АҞӘАФОН асоциал проектқәа маҷымкәа аус рыднаулон, насгьы ахала  иҟанаҵон еиуеиԥшым аԥшьгарақәагьы.

Есышықәса АҞӘАФОН асоциалтә проектқәа ирхаҵгылоит, еиҳарак абарҭ аныҳәақәа разгәаҭара аан – Лаҵарамза 9, Цәыббрамза 30, хәажәкырамза 8, рашәарамза 1!

2007 шықәса раахыс Аилахәыра АҞӘАФОН  АА хаҭалатәи атәанчахәы зауа I- агәыԥ аинвалидцәа зегьы есымза зықь мааҭ иазынаԥшуа хаҭалатәи ртәанчахәы иацҵаны ирырҭоит.

1941-1945  шықәсқәа рзы Аџьынџьтәылатәи Еибашьра аиаариа Амш аҽны  ари аныҳәа ду иазку аус хкқәа еиҿнакаауеит. Иазгәаҭатәуп аветеранцәа ҳаҭыр рықәҵара адныҳәалара мацара аҿы ишаанымхо. Аилахәыра агәыҳалалра аҳәаа иҭагӡаны  есышықәса аветеранцәа зегьы рзы ирырҭоит аныҳәатә ҳамҭақәа, иара убас аматериалтә цхыраара ртәанчахәы иахырԥхьаӡалоит.

Аԥсны жәлар Аџьынџьтәылатә еибашьраҿы иргаз Аиааира Амш аҽны АҞӘАФОН еснагь ацхыраара рзыҟарҵоит иҭахаз рҭаацәарақәа, иара убас аибашьра аинвалидцәагьы.

2009 шықәса раахыс иаԥҵаз апроект  ала аматериалтә цхыраара бзиа рзыҟарҵоит зышықәс наӡам, забацәа  1992-1993 ш. азы афронт аҿы иҭахаз аиаҭымцәа, иара убас ҳаԥсадгьыл ахьчаразы иқәԥоз арепатриантцәа рхәыҷқәа, ахәыҷы рацәа змоу аинвалидцәа рҭаацәарақәа, Аԥсны араионқәа зегьы рыҟнытә Аԥсны жәлар Рџьанџьтәылатәи аибашьра  алахәыҩцәагьы. Иара убас, ара иҟоуп хыԥхьаӡара рацәала  егьырҭ акатегориақәа иртәу ҳауаажәлар рхаҭарнакцәа, урҭ хаҭала ацхыраара рауеит, рхыԥхьаӡаларҭа аԥара ахыԥхьаӡалара ала, ацхыраара ҷыда аиура алагьы.

Есышықәса Аилахәыра АҞӘАФОН Жәларбжьаратәи аҳәса рымш  рыдныҳәалоит Аԥсны акыр зҵазкуа асоциалтә ҭыԥқәа рҿы аус зуа Аԥсны  еиуеиԥшым акатегориақәа ирыҵаркуа аҳәсақәа. Сынтәа хәыжәкырамза 8 алагамҭалазы АҞӘАФОН рыдныҳәалеит Аԥсны жәлар рџьынџьтәылатә еибашьра активла иалахәыз аҳәынҭқарра абжьаратәи ашкол арҵаҩцәеи ААУ аҿы аус зуа алекторцәеи. Аҵарадырраҿы аус зуа 42-ҩык ирыҭан материалтә цхыраарак аҳасабла хәба-хәба нызқь мааҭ, иара убас ашәҭ шьыҵәрақәа, АҞӘАФОН ахаҭарнакцәа рыҟнытә ажәа ԥхақәа.

Есышықәса АҞӘАФОН ахәыҷқәа рыхьчара Жәларбжьаратәи Амш азы ахәыҷқәа рзы аныҳәа ду еиҿнакаауеит. Сынтәагьы Аилахәыра афонд «Ашана» еиҿнаказ апрограмма  «Еицаҳахьчап аԥсҭазаара» аҩныҵҟа иахәышәтәуа, згәабзиара еиҭашьақәдыргыло зылшара маҷу ахәыҷқәа ҷыдала  ахылаԥшра рзыҟанаҵеит. АҞӘАФОН еиҿнакааз аныҳәа иалахәын 47-ҩык ахәыҷқәеи 30-ҩык адуцәеи. Иара убас, ахәыҷқәа ргәабзиара аиҭашьақәыргыларазы, ДЦП ала ачымазаҩцәа рзы иаԥҵоу апрограмма ҿыц ахьӡала Афонд аԥара ахырԥхьаӡалеит.

Иазгәаҭатәуп, амобилтә технологиа агәыҳалалратә ус зегьы ирзеиԥшу усны, згәы иаҭаху алахәхартә алшарақәа ҟанаҵеит. Абас,  афонд «Ашана» зхылаԥшуа ахәыҷ чымазаҩцәа  рзы еиҿнакааз апрограмма «Еицаҳахьчап аԥсҭазаара» зхы алазырхәыз ауаа рыбзоурала ахәыҷқәа ргәабзиара аиӷьтәразы ирыҭан ашанс ҿыц. Ашанс иахьӡуп ажәа «Добро», уи ажәа 5050 аномер ала ашьҭра АҞӘАФОН абонентцәа ироуеит афонд ашҟа  аԥаратә хархәагақәа ииаргартә алшара.

Сынтәа АҞӘАФОН иалнакааит акциа «Еицаҳахьчап аԥсҭазаара» активла зхы алазырхәыз ауаа. Аилахәыра АҞӘАФОН «Зегь раасҭа абонент рыцҳашьаҩы» аноминациаҿы ирзааҭгылеит хә-ҩык абонентцәа. Урҭ зегьы хаз-хазы ирырҭеит агәалашәаратә стела «Арыцҳашьара алаӷырӡ», иара убас иааиԥмырҟьаӡакәа ахәыҷ чымазаҩ бааԥсқәа агәыҳалалратә цхыраара ахьрырҭо азы аҳаҭыртә грамотақәагьы. «2012  азы зегь раасҭа абонент рыцҳашьаҩы» аноминациа алкаара иаанарԥшуеит АҞӘАФОН абонентцәа ахәыҷ чымазаҩцәа рыԥсҭазаара аиӷьтәразы иҟарҵо ахәҭа лагала ауаа шаӡа ҳаҭыр ақәырҵаз.

2013 шықәса, мшаԥымзазы АҞӘАФОН иҟанаҵаз аԥаратә цхыраара иабзоураны еиҿкаан Аҟәатәи абжьаратәи ашкол №7 аҵаҩцәа Гагра аққь. аҿы иҟоу Аҳәынҭқарратәи Агәабзирашьақәыргыларатә Центр ахь рцара. Уахь ацара хықәкыс иамаз аҵаҩцәа хаҭала Аԥсны жәлар Рџьынџьтәылатә еибашьра аинвалидцәеи дареи реибардырра, насгьы ргәалашәараҿы иаанхартә  еиԥш аус хкқәа рымҩаԥгара акәын. Аилахәыра АҞӘАФОН ахьӡала Агәабзиарашьақәыргыларатә Центр иарҭеит афымцакардиограф «ИУКАРД-100», ари абиԥара ҿыц иатәу аканал рацәа змоу фымцакардиографуп, уи ахархәараҿы даара иманшәалоуп, насгьы алшарақәа акыр ирацәоуп.

2013 шықәса АҞӘАФОН аԥылеит аус ԥхьаҟа арҿиара хықәкыс иҟаҵаны, атехнологиа ҿыцқәа алагало, аимадараҿы амаҵзурақәа рхыԥхьаӡара иазырҳауа.

Аилахәыра АҞӘАФОН аԥхьагылара алзыршо амзызқәа иреиуоуп абонентцәа рҭахрақәа ахшыҩзышьҭра ахьарҭо,  ирҭаху  ахәхшәаартә план алырхыртә еиԥш аҭагылазаашьа ахьырзаԥырҵо, абарҭқәа ирыбзоураны абонентцәа дасу дара ирзыманшәалоу ахәԥса змоу амаҵзура алырхуеит.

АҞӘАФОН абонентцәа рзы Ашықәс Ҿыц азы ҳамҭак аҳасабла ирыдгалан акциа «Амобилтә рекордсменцәа», уи аҩныҵҟа Аилахәыра иалнакааит АҞӘАФОН амаҵзурақәеи асервисқәеи  активла зхы иазырхәо жәаҩык абонентцәа. Акциа хыркәшан iPhone, Apple iPad, MP3 Apple iPod Nano, егьырҭ амобилтә телефонқәеи, 3G апланшетқәеи, 3G амодемқәеи иалкааз ҳамҭас рыҭарала.

Иахьа АҞӘАФОН ахәхшәааратә план ацәаҳәаҿы иҟоуп имаҷны ицәажәо абонентцәеи, иара убас ирацәаӡаны ицәажәо абонентцәеи рзы атарифқәа. Сынтәагьы АҞӘАФОН  иҭнажьит афункциа рацәала аус зуа ахәхшәааратә план «Онл@инер». Ари ахәхшәааратә план ҿыц Аинтернет активла зхы иазырхо, иара убас ирацәаны ателефон аҿы ицәажәо рзы зегьы иреиӷьу вариантуп.

Уи анаҩсангьы,  аҳа ду  аамҭа рацәа ақәзырӡуа рзы АҞӘАФОН  Аилахәыра 10 шықәса ахыҵра инамаданы иармазеит даҽа ҿыцракгьы. Аинтернет-хәыхшәааратә планқәа  «Лимитдатәи-1250», «Лимитдатәи-2350» аҿы аинтернет-трафик ашәагаа иацҵан аласра иагмырхаӡакәа. Ахәхшәааратә план «Лимитдатәи-2350» аҿы абонентә хәыԥса  мызкы 2350 мааҭ  иҟаз 1750 мааҭ рҿынӡа илаҟәын.

Иара убас аиубилеи азы Аилахәыра АҞӘАФОН даҽа ҿыцракгьы ҳаднагалеит – «AQUAFON амаҵзура»  iOS-и  Android-и  рҿы иаҿаукыр ҟало ацҵа, уи иабзоураны ҳара ҳабонентцәа  ирылшо иҟалоит рхыԥхьаӡаларҭа  ахылаԥшра, АҞӘАФОН ахәхшәааратә планқәеи  асервисқәеи  ианаҭаху ишырҭаху еиԥш рырманшәаларагьы.

Акыр иԥсахын Аилахәыра фирмак аҳасабла астиль ҟазҵо АҞӘАФОН аимиџь иатәу аконверт ахаҿрагьы.   Имҩаԥгаз арестаилинг аконверт адизаин ҿыц ала иаҩычеит, уи еиҳа аамҭа иақәшәо, улаҿы иааиуа, ак уанаҳәо иҟалеит, зегьы раасҭа ихадароу – адизаин аҿы иҟоуп 10 шықәса ахыҵра атема атәы зҳәо дыргакгьы.

Атәылаҿы абизнес аҿиареи атехнологиа ҿыцла еибыҭоу амаҵзурақәеи   алшара ҿыцқәа рзаартуа Аилахәыра АҞӘАФОН иаԥнаҵеит амаҵзура ҿыц «Colocation». Ара иҟоуп асервертә, мамзаргьы аҭелеимадаратәи мыругақәа  АҞӘАФОН Адыррақәа Аус рыдулара Ацентр аҿы ралагаларазы алшарақәа. Адыррақәа Аус рыдулара Ацентр аресурсқәа ирылшоит афирма амаругақәа иааиԥмырҟьаӡакәа аус рулартә аҟаҵара, иара убас урҭ рыхьчарагьы, реиқәырхарагьы, иааиԥмырҟьаӡакәа  ирласӡаны адыррақәа рышьҭра зылшо аимадарақәа аус дырурагьы.  

АҞӘАФОН имҩаԥнаго асоциалтә политика иацҵо ахахьы иагоит аԥаратә хаҵгылара азура апроект ду «Акәымжәыуаа», уи аӡыргара еиҿкаахоит Аиааира 20 шықәса ахыҵра иазкны 2013 шықәса,  цәыббрамза 25 аҽны имҩаԥгахо аус хкқәа рҳәаа иҭагӡаны. 2013 шықәсазы имҩаԥгаз апроектқәа реиҳарак реиԥш «Акәымжәыуаа» авторцәа Мадина Аргәын, Ельвира Арсалиа, Алықьса Чачба, аԥаратә хаҵгыла Хада Аилахәыра АҞӘАФОН ари апроект  Аиааира  ҩажәа шықәса ахыҵра арыцхә  иазыркит.

Апроект шьаҭас иазыҟалеит – еиуеиԥшым аамҭақәа рзы иҭыхыз афотосахьақәа фба: 1917 шықәсазы иаԥҵаз илегендартәу архәҭа «Кьараз» афотосахьа, иара убас  1941-1945 шш. Аџьынџьтәылатә Еибашьра Ду-и 1992-1993 шш. Аԥсны жәлар Рџьынџьтәылатә еибашьреи рфырхацәа рфотосахьақәа. Авторцәа ахәаԥшцәа  иддырбоит аибашьцәа ф-ҩык рхаҿсахьақәа, иара убас афотограф зсахьа аҭыхра дахьӡаз аԥсҭазаара ахаҿра аазырԥшуа ахҭысқәагьы.

Иара убас, Аиааира  20 шықәса ахыҵра иазку даҽа проект дукгьы – уи Е. Хәаџьааи Т. Кәыҷбериеи авторцәас измоу амузыкатә фильм «Ҳара ҳаруаа реиҳабы» аҩбатәи ахәҭа. Ари аҩбатәи афильм аҿы иҟалоит аибашьраан ииз ашәақәа 12 ирҿыцны, аус рыдуланы, иара убас дара зегьы ирыцу аклипқәагьы. Актәи ахәҭеиԥш, аҩбатәи ахәҭагьы шьақәыргылахоит афтосахьа лыԥшаахқәеи  1992-1993 шш. рзы Амрагыларатәи афронт аҿы иҭыхыз авидеоматериалқәеи рыла, иара убас афильм авторцәа ауаа ирыдрымгалац рхатәы архив аҟнытә аматериалқәагьы. Афильм апремьера ҟалоит  цәыббрамза 30 аҽны, Аиааира ҩажәа шықәса ахыҵра амш азы Ахақәиҭра Ашҭаҿы аныҳәа аус хкқәа рҳәаа иҭагӡаны.

Сынтәа ихыркәшан, иара убас, апродиусертә центр «Аԥснытәи Нарҭаа» аҿы еиҿкааз амузыкатә проект дуӡӡа, АҞӘАФОН ԥаратә хаҵгыла Хадас измаз «Apsny Star». Апроект шықәсык ицон, насгьы иара ҟалеит ԥхьаҟа ишәаҳәаҩхараны иҟоу рзы ааӡарҭа ҭыԥны. Аиҿкааҩцәеи аԥаратә хаҵгылаҩцәеи апроект дара ишырҭахызҵәҟьа инагӡан. Иалахәыз аӡәырҩы иартистцәахеит, егьырҭ апроект алахәыҩцәагьы рзанааҭ аҿы алшара бзиақәа аадырԥшит, ашәа аԥсы ахаҵаны аҳәараҿы ироуит хәы змаӡам аԥышәа.

Ари ашықәс, лаҵарамзазы имҩаԥган аԥаратә хаҵгылара зауз аицлабра ашьҭахьтәи  «Apsny Star» аконцерт. АҞӘАФОН ахьӡала аконцерт ахь инаԥхьан  Аԥсны жәлар Рџьынџьтәылатә еибашьара аветеранцәа, Сириантәи арепатриантцәа, АҞӘАФОН астипендиа зауа, аџьеи асоциалтә еиқәыршәареи Аминистрра, аҿари аспорти русқәа рзы Аминистрра, Агәыҳалалратә Фонд  «Ашана», иара убас АҞӘАФОН егьырҭ асоциалтә дгылаҩцәа.

Рашәарамза 27 аҽны Аилахәыра АҞӘАФОН-и  Архип Лабахәуеи аҳҭнықьалақь иазыҟарҵеит даҽа ҳамҭак – аԥсуа фольклор аперсонаж Ҭаҷкәым иџьазтә скульптура. Аскульптура ҿыц ари аскульптор ҿеи АҞӘАФОН аԥаратә хаҵгылареи русеицура аҩбатәи алҵшәа ауп. Аԥхьатәи русеицура  иабзоураны  агаҿа  2012 шықәса, жьҭаарамзазы  иқәыргылан ашәҟәыҩҩы дуӡӡа Фазиль Абдул-иԥа Искандер иперсонаж  ӡӷаб Ника лыскульптура. Арҭ акомпозициақәа рыҩбагьы ақалақь агаҿа  даара ианаалеит, блахкыгарак, ԥшшәы ҷыдарак ахнаҵеит.

Иахьа адунеи аҿы иҟоу атренд аҽақәыршәо АҞӘАФОН иалшоит атехнологиа аҿиара аҩаӡара ҿыцахь  аиасра, Аԥсны  амобилтә еимадара  аԥшьбатәи абиԥара иатәу – LTE (Long Term Evolution)  алагалара, уи уаанӡа ахархәара змаз излареиӷьу акәны иҟоуп амобилтә Интернет аҿы  70 МБ/с  иҟоу аласра ахьалшо.

2013 шықәса, ԥхынгәымза 4 азы ИАЕ «АҞӘАФОН-GSM»  азин аиуит  Аҟәа аққь. аҿы иҟоу 4G (LTE) астанциа хада аусура аларгара 800 МГц (20 band) адиапазон  15 МГц FDD  ацәаҳәаҿы.

Аира Амш азы Аилахәыра АҞӘАФОН адныҳәаларақәа иазаарышьҭуа рнаҩсангьы, иара ахаҭа аҳамҭақәа ҟанаҵоит. Аусура иалагеижьҭеи жәа шықәса ахыҵра аламҭалазы  АҞӘАФОН абонентцәа, аус ацызуа зегьы, аконтрагентцәа аҳамҭақәа рзыҟанаҵеит.

2003 шықәса, рашәарамзазы аимадара аҿазкыз 119-ҩык абонентцәа, иара убас АҞӘАФОН аимадараҿы еснагь иҟоу  абонентцәа ирыҭан  ахатәы сувенирқәа. Урҭ рахьтә   АҞӘАФОН аимадараҿы иааиԥмырҟьаӡакәа акыр аамҭа иҟоу абонентцәа 368-ҩык  хәыда-ԥсада ирырҭеит Аинтернет-пакетқәа, аимадара аҩныҵҟатәи аминуҭқәа, жәларбжьаратәи аимадара аминуҭқәа.

Аџьармыкьаҿы 10  шықәса лҵшәа бзиала аусура – ари аилахәырақәа зегьы рзы ҩаӡароуп. АҞӘАФОН аусура иалагеит оператор хәыҷык ала, иахьа Аԥсны Аҳәынҭқарра амобилтә еимадара аџьармыкьаҿы уи аԥхьагыла иҭыԥ ааннакылоит – уи ҳҳәынҭқарра акырӡа ихатәроу милаҭтә брендуп!

Аилахәыра иаҟәымҵӡакәа аҿиара амҩа иану  ҭел еимадароуп, аимадара иаланагалоит аамҭа иақәшәо астандартқәа, амилаҭтә економика иацхраауа субиектуп, ашәахтә шәаҩ дууп, аҳәынҭқарреи аилахәыреи ринтересқәа еиҿыбаауа, ихеибарҭәаауа, дасу хра изаланы аусеиҿкаара зылшо ҿырԥшы бзианы иҟоуп.

АҞӘАФОН иахьа иамоуп 340-ҩык амаҵзуҩцәа, Амаҵзура Ҭыԥқәа ааба, 245 станциа хадақәа, 160 000-ҩык абонентцәа.

10 шықәса рыҩныҵҟа уи иаанарԥшыз алҵшәақәа зыбзоуроу Аилахәыра аусзуҩцәа рылшара зегьы иааиԥмырҟьаӡакәа  алҵшәа бзиақәа раиура иахьазыркуаз ауп, иара убас  АҞӘАФОН абонентцәа рҭахрақәеи рыгәзыҳәарақәеи ирықәшәо аусқәа рымҩаԥгарагьы.

Ҳара ҳусура иреиӷьу ахәшьара – абонентцәа ҳусура ргәы иақәшәо иахьыҟоу ауп,  насгьы акыр аамҭа  ҳара ҳаимадараҿы иахьыҟоугьы. Имаҷҩым, иара убас, АҞӘАФОН  амаҵзураҿы 10 шықәса рыҩныҵҟа иҟоу рхыԥхьаӡарагьы.

Ҳара иҭабуп ҳәа раҳҳәоит  Аилахәыра абонентцәа  ҳара ҳахь иаадырԥшуа агәрагареи адгылара иҳарҭои рзы. Ҳара абонентцәа  иааиԥмырҟьаӡакәа ҳаимадараҿы иҟазаарц азы иаҭаху аусқәа мҩаԥаагоит! *хьаҟа аҩаӡара ҳарак ҿыцқәа, имариам ауснагӡатәқәа!

Ҳара  ԥхьаҟа аԥеиԥш бзиақәа ҳзыԥшуп,  уа аиааира ҿыцқәа, хымԥада, иаҳзыԥшуп!

Иахьа ҳара 10 шықәса ҳхыҵит! АҞӘАФОН ахҿа жәаба иҭанаршәит!

 

ИАЕ «АҞӘАФОН-GSM» адәныҟатәи аимадарақәа рыҟәша

АҞӘАФОН-2013:аихшьаларақәа, апланқәа, аԥеиԥшқәа

2013 шықәса ахыркәшарахь инеит. Ари ашықәс аҩныҵҟа Аилахәыра АҞӘАФОН азы еиԥш ҳтәыла зегьы азы акыр зҵазкуа ахҭыс дуқәеи аиубилеитә рыцхәқәеи рыла иҭәын.

Цәыббрамзазы ҳара иазгәаҳҭеит Аԥсны жәлар Рџьынџьтәылатә еибашьраҿы иргаз Аиааира   20 шықәса ахыҵра, сынтәа иазгәаҳҭоит ҳтәыла ахьыԥшымра Урыстәыла азхаҵара хәышықәса ахыҵра. Аилахәыра АҞӘАФОН 2013 шықәса иалагӡаны ҳтәыла акыр зҵазкуа ахҭысқәа рзы  еиҿнакааит апроектқәеи аус хкқәеи рацәаны.

Ари ашықәс иамоуп даҽа рыцхәк – ԥхынгәымза 15, ари амш азы Аилахәыра АҞӘАФОН иазгәанаҭон аиубилеи, ус анакәха Аԥсны амобилтә еимадара аҿиара жәашықәсатәи аҳәаа иахысит.

2013 шықәса иалагӡаны АҞӘАФОН иахаҵгылеит апроектқәа рацәаны, урҭ рахьтә иалҳкаауеит еиҳа  ихатәрақәоу. Аиааира 20 шықәса ахыҵра иазку апроектқәа – амузыкатә фильм «Ҳара ҳаруаа реиҳабы» аҩбатәи ахәҭа, акультура-аҭоурыхтә проект «Акәымжәыуаа». Аспорт аҿы лҵшәа бзиоуп ахәыҷтәы ҩнқәеи ашкол-интернатқәеи рааӡамҭацәа рыбжьара ашьапылампыл асыҩцәа VII Иаарту ачемпионат аҿы «Риҵа Калдахәара» иагаз аиааира, уи зыбзоуроу «Уԥеиԥш унапы иакуп» ҳәа зыхьӡны имҩаԥгаз акциа ауп, уи ҳамҭас ашкол-интернат арԥарцәа Лондон аққь. ахь рцара еиҿнакааит.

АҞӘАФОН аира Амш аламҭалазы Аилахәыра АҞӘАФОН азы акыр зҵазкуа ахҭыс ҟалеит. Иахьа уи азин арҭеит Аҟәа аққь. аҿы иҟоу астанциа хадақәа 4G (LTE) атехнологиа ахархәарала  800 МГц (20 band) адиапазон аҿы аус аура.

Иахьа Аилахәыра  аҽазыҟаҵара иаҿуп 4G (LTE) аимадара аҳа аус арура – атехнологиа ҿыц  аԥышәаратә усқәа цоит, урҭ азкуп 2014 шықәса азбжазы  ари акоммерциатә еилазаара  алагалара. Ари аҭагылазаашьа иабзоураны ашықәс ҿыц азы АҞӘАФОН абонентцәа  ирыдгалахоит аимадара амаҵзура астандарт ҿыц аҿы,  уаҟа абонент илшоит 10 МБ/с иласу аимадара ала зымҽхак ҭбаау адыррақәа рышьҭра.

Хымԥада, Амш ира аҽны раԥхьатәи амобилтә оператор ҳҳәынҭқарра аҿы инхо ауааԥсыра зегьы рзы аԥхын ныҳәа ду ҳамҭас еиҿнакааит. Аилахәыра ааԥхьарақәа  рзынашьҭын АҞӘАФОН аус ацызуа зегьы, аҳәынҭқарра апрезидент Анқәаб А.З., Аԥсны Аҳәынҭқарраҿы иаашьҭу Урыстәылатәи Афедерациа Григориев С.В., аҳҭнықалақь ахада Лабахәуа А.М. убас егь., арҭ зегьы алахәын ԥхынгәымза 15 аҽны имҩаԥысуаз аиубилеитә  ныҳәатә ус кхқәа.  

Жәаҳәарада, ҳара зегьы ҳаззыԥшыз асасцәа роуп ари аныҳәа зызкыз, урҭ Аилахәыра аира Амш аҽны аныҳәа ҳацеиҩшаразы Ахақәиҭра ашҭаҿы иааиз абонентцәа роуп. Ари амш аҽны АҞӘАФОН еизаз зегьы ҳамҭас аныҳәатә концерт дуӡӡа рзеиҿнакааит. Ахәаԥшыҩцәа рҿаԥхьа иқәгылеит амилаҭтә кәашаратә коллективқәа,  апроект «Apsny-Star» афинал ахь инеиз ашәаҳәаҩцәа, урҭ амузыкатә гәыԥ «Соло» ашәа ацырҳәеит, ара иҟан, иара убас, амузыкатә фильм «Ҳара ҳаруаа реиҳаҩы» аҩбатәи ахәҭа алахәыҩцәа. Аконцерт аҿы амузыка иагәыцә хаданы иҟан урыстәылатәи арок аҿы иахьа илегендахаз агәыԥ «БИ-2».

Хымԥада, 2013 шықәсазы акыр зҵазкуа ныҳәаны Аԥсны жәлар зегьы рзы еиԥш Аилахәыра АҞӘАФОН азгьы иҟалеит Аиааира аҩажәашықәсатәи аиубилеи. АҞӘАФОН 2013 шықәсазы иармазеиз апроектқәа рӷьырак ари амш ԥшьа ацәа рхуп.

 

Асоциалтә усеицура

Аиааира амш азы асоциалтә проектқәа аусура иалагеит хәажәкырамза 8 иазкыз акциа ала. Сынтәа АҞӘАФОН Жәларбжьаратәи аҳәса рымш рыдырныҳәалеит Аԥсны жәлар Рџьынџьтәылатә еибашьра иалахәыз, аҵарадырраҿы аус зуа аҳәса гәымшәақәа. Ари акциа иабзоураны ҳҳәынҭқарра арҵаҩцәа, Аԥснытәи аҳәынҭқарратә университет аҿы аус зуа 42-ҩык аҳәсақәа  хаз-хазы Аилахәыра аҟнытә ирауит зышәагаа  хәба-хәба нызқь мааҭ иҟоу аматериалтә цхыраара. 

Иҳаҩсыз ашықәс хәажәкырамзазы АҞӘАФОН ахаҭарнакцәеи Аҟәатәи абжьаратәи ашкол №7 аҵаҩцәеи ирҭан Гагра аққь. аҿы иҟоу Аҳәынҭқарратәи Агәабзиарашьақәыргылартә Центр, аибашьра аинвалидцәа рҿаԥхьа аҵаҩцәа иқәдыргылеит  аибашьра атема зныԥшуаз амузыкатә номерқәеи асцена хәыҷқәеи асценатәи аномерқәа. АҞӘАФОН аусзуҩцәа  Ацентр  ҳамҭас иарҭеит  афымцакардиограф ҿыц. Ари акциа еиҿкаан 1993 шықәса, хәажәкырамзазтәи ажәылара ҩажәа шықәса ахыҵра инамаданы.

Аџьынџьтәылатәи Аибашьра Ду афырхацәа ҳаҭыр рықәҵара атрадициа иацҵо лаҵарамза 9 аҽны АҞӘАФОН Амҳаџьырцәа  Рыԥшаҳәаҿы аветеранцәа рзы  еиҿнакааит Михаил Алхазов напхгара зиҭо аинструменталтә ансамбль  ақәгылара. Уи адагьы, Аилахәыра анапхгарала  ирыдыркылеит  аветеранцәа    есышықәса ртәанчахәы  1500 мааҭ иаркны 2000 мааҭ рҿынӡа ацҵаразы аӡбара.

АҞӘАФОН есышықәса имҩаԥнаго акциақәа рхыԥхьаӡараҿы иҟоуп ахәыҷқәа рыхьчара Амш ныҳәа азгәаҭара.

Лаҵарамза 1 азы Аилахәыра АҞӘАФОН еиҿнакааит Афонд «Ашана» «Еицаҳахьчап аԥсҭазаара» захьӡыз апрограмма аҩныҵҟа ихәшәтәуа, згәабзиара еиҭашьақәдыргыло зылшара маҷу ахәҷқәа рзы инеиҵыху аныҳәа ду. Сынтәа, иара убас, Аилахәыра  2012 шықәсазы имҩаԥнагаз «Еицаҳахьчап аԥсҭазаара» ҳәа акциа  активла зхы алазырхәыз рыхьыӡқәа алкааны ирҳәеит. АҞӘАФОН хә-ҩык абонентцәа рыхьӡ ҳәан «Зегь раасҭа абонент рыцҳашьаҩы» аноминациаҿы, насгьы ирырҭеит агәаларшәагатә стела «Арыцҳашьара алаӷырӡ».

Аԥсны жәлар Рџьынџьтәылатә еибашьра Аилахәыра АҞӘАФОН зегь реиҳа игәцаракны изхылаԥшуа обиектуп.

2013 шықәсазы Аиааира ҩажәа шықәса ахыҵра аламҭалазы АҞӘАФОН аусзуҩцәа хаҭала аныҳәа инамаданы аматериалтә цхыраара зҭахыз 1992-1993 шықәсазтәи Аџьынџьтәылатә еибашьра аветеранцәа 94 ирыдныҳәалеит, насгьы аӡәы-цыԥхьаӡа зегьы ирзыҟарҵеит зышәагаа 5 000 мааҭ иҟоу аматериалтә цхыраарагьы. Акциа зегьы иахҭнырҵеит 470 нызқь мааҭ.

Есышықәсатәи Агәыҳалалратә программа «АҞӘАФОН ААУ азы хаҭалатәи астипендиа аԥҵареи ашәареи» аҳәаа иҭагӡаны  жьҭаарамза 12 аҽны ауниверситет аректор  Алеко Алықьса-иԥа Гәарамиа икабинет аҿы АҞӘАФОН ахаҭарнакцәа 16-ҩык АҞӘАФОН астипендиантцәа рабиԥара ҿыц ирырҭеит  хаҭалатәи асертификатқәа. Аилахәыра даҽа зныкгьы аҟыбаҩ злоу астудентцәа ҿарацәа иддырбеит ауаажәларраҿы даара хылаԥшра шарҭо дара рпрофессионалтә хаҭабзиареи иаадырԥшуа алҵшәақәеи.

Жьҭаарамза анҵәамҭазы Аԥсны зегьы иаарылыҩит Тҟәарчал аққь. аҿы ақалақь ауааԥсыра аинфекциа ҿкы иахҟьаны  хыԥхьаӡара рацәала ишычмазаҩхаз. Ари арыцҳара Аилахәыра АҞӘАФОН иаразнак иахаҵгылеит. Жьҭаарамза 30 аҽны Аилахәыра ахьӡала ақалақьтә хәышәтәырҭаҿы инаган 3 200 литра аӡыржәтә цқьа. Аӡы абутылкақәа ирҭаҭәаны ахәшәтәырҭа аҟәшақәа зегьы рҿы ишьҭаз ишаны ирыҭан, иара убас ақалақь аҿы инхо ауааԥсырагьы.

Аиааира аиубилеи ашықәс азы Аилахәыра АҞӘАФОН ихнаркәшеит зегь раасҭа аԥсадгьыл абзиабара зныԥшуа апроект ду. «Зымҽхак дуу абираҟқәа Аԥсны ақалақьқәа рҿы» захьӡыз апроект атәыла ақалақьқәа зегьы ирылганы, ақалақьқәа зегьы рыҟны  аҳәынҭқарра асимвол – Аԥсны Аҳәынҭқарра абираҟ ақәыргылара ихыркәшан.

2013 шықәсазы Аилахәыра АҞӘАФОН ирыӡбеит абираҟқәа рықәыргылара аҳәынҭқарра ақалақьқәа зегьы рыҟны ақәыргылара ҳәа ирымаз ахықәкы аҳәаақәа иҵегьы идырҭбаарц.

Цәыббрамза 16 аҽны аиланхарҭа Гәылрыԥшь, Гәылрыԥшьтәи араион Ахадара ахыбра аҟны ишьҭыхны иқәыргылан атәыла аҳәынҭқарратә символ.

Цәыббрамза 28 аҽны АА абираҟ ықәыргылан Пицунда ақалақь аҿы, иара убри алагьы арҭ абираҟ дуқәа ақалақьқәа рҿы рықәыргылара хыркәшан. Абираҟ ықәыргылан ақалақь ашҭа Хада аҟны, уаҟа иҟоуп Пицунда аҭоурыхтә хаҿра аазырԥшуа абжьаратәи ашәышықәса иатәу абаажәи  ауахәамеи.

Ари апроект ду хыркәшо Аилахәыра АҞӘАФОН Аԥсны Аҳәынҭқарратә бираҟи агерби авторс ирымоу Аԥсны зҽаԥсазтәыз аскульптор Валери Гамгиа иахьгьы иаадырԥшит аҳаҭырқәҵара. Цәыббрамза 29 аҽны, иара  ира амш азы Кәтол ақыҭан, асахьаҭыхҩы инышәынҭра иахадыргылеит 20 метра зоура ыҟоу Аԥсны Аҳәынҭқарратә бираҟ. Ари абираҟ шаҳаҭра ауа иҟалеит аҳәынҭқарра  ихадоу асимволқәа  ҟазҵаз ауаҩы ихьӡ хашҭра шақәым ихьыԥшым Аԥсны аҟны.

 

Акультура

Аиааира ҩажәа шықәса ахыҵра аламҭалазы еицӡырган  аԥаратә хаҵгылаҩцәеи дара апроектқәа равторцәеи ари арыцхә  иазкыз  акультура иадҳәалоу апроектқәа маҷымкәа.

Цәыббрамза 25 аҽны  иӡырган  Мадина Аргәыни Ельвира Арсалиеи еицыҟарҵаз апроект «Акәымжәыуаа». Апроекти ақәыргылаҩ-асахьаҭыхҩы Алықьса Шервашиӡе-Чачба. Апроект аҳәаақәа ирҭагӡаны иаартын афотосахьақәа рцәыргақәҵа, иара убас афильм «Акәымжәыуаа» ауаа идырбан. Афильм  шьаҭас иазыҟалеит еиуеиԥшым аамҭақәа иртәу афотосахьақәа фба:  I  Адунеизегьтәи аибашьра  афронт аҿы еибашьуаз «Шәҩы аԥсыуа» рфотосахьа,  1917 шықәсазы илегендахаз  агәыԥ «Кьараз» афотосахьа, 1941-1945-тәи  Аџьынџьтәылатәи Аибашьара Ду афырхацәеи 1992-1993-тәи Аԥсны жәлар Рџьынџьтәылатә еибашьра афырхацәеи рфотосахьақәа.

Авторцәа ирылшеит ажәытә фотосахьа аҿы иарбоу аамҭа еиҭашьақәыргыланы ҳазхьарԥшра – ҳаамҭазтәи ауаа рыҩныҵҟа иалырԥшааит усҟантәи ауаа рҭеиҭԥш змоу, ирӡахит аҭоурыхтә цәҩычақәа, иҟарҵеит адекорациа. Ажәак ала,  апроект иалагӡаны иҭыхын зметраж кьаҿу афильмқәа фба.  Афильм дасу рфырхацәа рҭоурых атәы рҳәоит, иара убас уи идоуҳа, аамҭа адырга ҷыдақәеи ашәҵатәқәеи. Аусура ахыркәшамҭазы урҭ авидеороликқәа  зегьы еидкылан   сааҭк иҭаӡо афильм «Акәымжәыуаа» аҿы.

            Цәыббрамза 30  аҽны иӡырган Емма Хоџьааи Ҭемыр Кәыҷбериеи авторцәа измоу амузыкатә фильм «Ҳара ҳаруаа реиҳабы» аҩбатәи ахәҭа. Афильм авторцәа аҩбатәи ахәҭаҿы еидыркылеит Амрагыларатәи афронт аҟнытә акыр зҵазкуа аибашьра ахроника, Анри Гәымба имузыкатә проект амузыкантцәа Алхаси Алмасхани Марколиаа ирҿыцуа  аус зыдурылаз ашәақәа 10, аибашьра афырхацәеи урҭ рҵеицәеи злахәу аклипқәа, иара убас Аԥсадгьыл  ахьчаҩцәа зегьы, аибашьра ашьҭахьтәи абиԥара, афырхацәа зааӡаз Аԥснытәи анацәа ирызку Ерик Миқааи Анри Гәымбеи ркомпозициа ҿыц «Ахьӡынҩылара».

Иара убас, АҞӘАФОН алшара ҟанаҵеит аонлаинла азыӡырҩра, иара убас  «Ҳара ҳаруаа реиҳабы» аҿы иҟоу ашәақәа  аудио-версиа Аинтернет аҳа иҭаргалеит, уи алшара унаҭоит амузыкатә композициақәа зегьы уаантәи рыхҩылаара.

            Цәыббрамза 30 аҽны Раԥхьатәи амобилтә оператори  АА атәылахьчаратә Министрреи  идырмазеит Аԥсны инхо ауааԥсыра рзы даҽа дныҳәаларак. Ахақәиҭра Ашҭаҿы арратә парад  ашьҭахь ажәҩан аҟнытә  ауаа ирыларыԥсеит 30 нызқь адныҳәаларатә текст зныз асахьамҭақәа.

            Иара убас, Аиааира Амш азы Аилахәыра АҞӘАФОН аҳәынҭқарра абжьаратәи ашколқәа рзы  иармазеит аҳамҭақәа. Аԥсны ашколқәа рҿы иӡырган аныҳәа асимволқәа зныԥшуаз аплакатқәа шәкыла,  ҳҳәынҭқарра атәылауаа зегьы  ирылшон арҭ аплакатқәа  АҞӘАФОН абонентцәа Рмаҵзура Ҭыԥқәа рҿы ргара.

Акыр шықәса инеиԥынкыланы, АҞӘАФОН активла  имҩаԥнагоит акультуратә политика, еиҳарак иалыркаауеит  еиуеиԥшым амузыкатә проектқәа. Атәылаҿы амузыкатә культура арҿиара хықәкыс иҟаҵаны  АҞӘАФОН  аԥаратә хаҵгылара азыҟанаҵеит  ателедырраҭаратә музыкатә проект ҿыц  «Ашәа еицаҳҳәап». Апроект авторцәа – Хьыбла Мықәба, Мадина Аргәын. Ашоу аидеиа хада  иҟан Аԥсны еицырдыруа ҩыџьа, аԥсуа естрада аҟнытә аӡәы, иара убас  даҽа занааҭк ахаҭарнаки  рыбжьара ашәаҳәаразы аицлабра амҩаԥгара. Апроект хықәкыс иаман аԥсуа естрадатә ашәақәа реиқәырхара, рырҿиара.

АҞӘАФОН иҟанаҵаз аԥаратә хаҵгылара иабзоураны еиҿкаан  аԥсуа музыкант ҿарацәа еицырдыруа ашәа Euro Pop Contest Grand-Prix  «Berliner Perle» анагӡаразы Германиа имҩаԥысуаз Жәларбжьаратәи  ахәыҷқәеи ақәыԥшцәеи рконкурс ахь рцара. Ари афестиваль аҭоурых аҿы раԥхьаӡа акәны рхы аладырхәит Аԥснытәи аконкурсантцәа.

Аконкурс иалахәыз ашәаҳәаҩцәа руаӡәк лыԥсадгьыл ахь иаалгеит I аҩаӡара адиплом, лара 18-24 шықәса зхыҵуа  рыбжьара иҟаз «Еицырдыруа ашәа анагӡаҩы» ҳәа аконкурс аноминациаҿы  длауреатхеит. Уи, 2013 шықәса, хәажәкырамзазы  ихыркәшаз апродиусертә центр Apsny Media  амузыкатә проект дуӡӡа «Apsny Star»  аҿы аиааира згаз, Саида Агрба лоуп. «Apsny Star» иабзоураны  абаҩхатәра змоу  аҿарацәа  рыхьӡ ауаа ирылаҵәеит,  насгьы ироуит рхаҭарақәа аадырԥшратәы алшара, иара убас ари апроект амузыкаҿы ақәҿиара бзиақәа аадырԥшратәы  амҩақәа рзаанартит.

АҞӘАФОН апроект аԥаратә хаҵгылара хадара ахахьы ианага нахыс уи арҿиаратә процесс иара аԥсҭазаара иахәҭакны иҟалеит, уаҟа аҿар ирылшон рбаҩхатәра аарԥшра, иара убас  ари аус иабзоураны ҳтәыла амузыкатә культура беиахеит аԥсуа  бызшәала ицәажәоз акомпозициа ҿыцқәа рыла. Ажәакала, АҞӘАФОН даҽазныкгьы   иахаҵгылеит ҳҳәынҭқарра аҿар  рбаҩхатәра  аарԥшра иазынархоу аԥшьгара.

 

Аспорт

2013 ҳгәалашәараҿы инхоит ирацәаны имҩаԥгаз аспорт ус хкқәеи дара рылҵшәақәеи рыла.

Ҳәарада, 2013 шықәсазы аспорт аҿы игаз аиааирақәа зегьы иреиҳан  Калдахәаратәи ашкол-интернат арԥарцәа  ахәыҷтәы ҩынқәеи ашкол-интернатқәеи рааӡамҭаҩцәа ркомандақәа рыбжьара Шәача аққь. аҿы имҩаԥысыз «Уԥеиԥш унапы иакуп» ҳәа ашьапылампыл асра Иаарту ачемпионат аҿы актәи аҭыԥ ахьааныркылаз.

Аԥснытәи арԥарцәа ԥшьышықәса  аиааирахь анеира иаҿын, изныкымкәа иааныркылахьан аҩбатәи аҭыԥ,  сынтәа актәи аҭыԥ ааныркылт. Ашьапылампыл асцәа ҿарацәа  ироуит дара ирықәнагаз аҳамҭа – Лондонҟа ацара азин, 2013 шықәса, абҵарамзазы  урҭ Аилахәыра АҞӘАФОН  ахаҭарнакцәа рыцны сасра ирызцеит ашьапылампыл атәыла Англиа. Арԥарцәа ирҭааит Лондон  аҭыԥ блахкыга хадақәа, «Арсенал» Ақәыԥшцәа Ракадемиа аҟнытә рықәлацәеи дареи имҩаԥыргеит аҽазыҟаҵаратә хәмаррақәа, АК «Арсенал»  азыҟаҵаҩ хада Арсен Венгери дареи ирыман аиԥылара, «Hale End Sports Ground» ашҭаҿы имҩаԥыргеит  аиҩызаратә еицыхәмарра, Англиа зегьы аҿы аҭбаарала аҩбатәи аҭыԥ аанызкыло астадион «Емиреитс» ашҭаҿы иахәаԥшит англиатәи Апремиер-Лига  имҩаԥнагоз «Арсенали» «Норвич Сити» рмачт.

Мшаԥымзазы  лҵшәа бзиала имҩаԥысит IV Жәларбжьаратәи ашахматтә еиндаҭлара «АҞӘАФОН-OPEN 2013», уи еснагь еиԥш уажәгьы Аилахәыра АҞӘАФОН-и   Аԥсны ашахматтә Афедерациеи АА аҿари аспорти русқәа рзы  Аҳәынҭқарратә комитети еилахәны имҩаԥыргеит.

Цәыббрамзазы ашәқәа аартын  арԥарцәеи аҭыԥҳацәеи  рыбжьара  «Аиааира Акубок» агаразы Асамбо ала X Жәларбжьаратәи аиндаҭлара .

Жьҭаарамзазы  Аҟәа аққь. аҿы имҩаԥысит зегь раасҭа иқәыԥшу Аилахәыра АҞӘАФОН имҩаԥнаго аспорттә еицлабра «АҞӘАФОН Акубок» агаразы II Жәларбжьаратәи ахәыҷқәеи ақәыԥшцәеи ашьапылампыл асразы  реиндаҭлара, уа иалахәын  Урыстәылатәи Аԥснытәи ақалақьқәа рыҟнытә  акомандақәа 10 рспортсменцәа.

 

Амаркетингтә политика

Аилахәыра АҞӘАФОН азы ихадароу иара абонентцәа роуп. АҞӘАФОН абонентцәа еснагь, иахабалак аимадараҿы иҟазарц, ирҭаху ахәхшәааратә планқәа, амаҵзура хыхьқәа  ргаларц азы, Аилахәыра иааҟәымҵӡакәа аус ауеит аӡбара ҿыцқәеи ажәа лагала ҿыцқәеи ралагаларазы. Иҟоу асервисқәа еиҭадырҿыцуеит, аҿыцрақәа аларгалоит.

Сынтәа иҭыжьын iOS-и  Android-и рхархәарала иқәдыргыло раԥхьатәи амобилтә цҵа «AQUAFON амаҵзура». Ари ацҵа иабзоураны абонентцәа рхала рмаҵзура, ахатәы хәыхшәаартә план асервисқәа ирхылаԥшратәы, абаланс азы ихадароу адыррақәа иманшәалоу аинтерфеис аҿы риуразы ироуит алшарақәа.

Абонентцәа  рхыԥхьаӡаларҭа абаланс  азырҳаразы Аилахәыра АҞӘАФОН  иаанартит онлаин-ԥарашәаратә сервис «Иандекс.Деньги», уи аус аулоит уахи-ҽни 24  сааҭ, мчыбжьык аҩныҵҟа бжьымш. «Иандекс. Деньги» ари Аинтернет ала ахыԥхьаӡаларҭа ишәарҭадараны, ирласны ахарҭәаара ауп.

            Абонентцәа  ирыхәарц азы иԥсахуп аинтернет-хәыхшәааратә планқәа  «Алимитдатә - 1250» «Алимитдатә - 2350» рыԥҟарақәа. АҞӘАФОН ахәхшәааратә планқәа рыҩбагьы рҿы  аласра иагмырхаӡакәа аинтернет-трафик ашәагаа аздырҳауеит, «Алимитдатә - 2350»-тәи ахәхшәааратә план аҿы  еиҵатәын, иара убас, абаненттә хәыԥса 2350 мааҭ мызкы ҳәа иҟаз 1750 мааҭ аҿынӡа.

«Ароуминг Урыстәыла» амаҵзура иабзоураны АҞӘАФОН абонентцәа аимадара амаҵзура ахархәара рылшо иҟалеит, иахьа иҟалеит алшара  УА адгьылҵакыраҿы ушыҟоу  иумоу аномер ала амаҵзура ухала аҿакра USSD-адҵа ацхыраарала.

            Ашықәс ҿыц азы  ирҿыцын амобилтә маҵзурақәа  рыхьӡынҵа. Урҭ ирыцлеит даҽа ҩба – «Астатусқәа», урҭ абонентцәа ирыдыргалеит  еиуеиԥшым иоригиналу астатусқәа, иара убас  «Акино+афактқәа», уаҟа иулшоит акино азы ажәабжь ҿыцқәа, аинтерес зҵоу афактқәа рзы адырра аиура.

            Ашықәс ҿыцазтәи аныҳәақәа  рааимҭазы  акыр ирҭбаан АҞӘАФОН ахәхшәааратә планқәа. 2013 шықәсазы иҿыцны аинтернет активла зхы иазырхәо ахархәаҩцәеи ирацәаны ҭелла ацәажәара бзиа избо гәахәала иалырхуа  ахәхшәааратә план «Онл@инер»  иацлеит ахәхшәааратә план «Онлаин MAXI».

            «Онлаин MAXI» - ари аиҿцәажәараҿы ахақәиҭра зыԥсоу здыруа рзы ихәхшәааратә плануп. Ари ахәхшәааратә план аҿы АҞӘАФОН аимадараҿы иҟоу аномерқәа ирыдгалахоит зхыԥхьаӡара ԥкым асрақәа, даҽа мобилтә номерк ахь 600 минуҭ, УА, СНГ, Ҭырқәтәыла рҿы 300 минуҭ, 600 SMS-аацҳарақәа, иара убас зыхәԥса  есымзатәи абоненттә хәыԥса  иалоу 600 МБ иҟоу Аинтернет-трафик.

            Ашықәс ҿыц аныҳәа  инамаданы АҞӘАФОН  иеиҿнакааз амузыкатә дырраҭарақәа ҩба рҿы иҟоуп – арадио-проект «Сара сашәа», иара убас Ашықәсҿыцазтәи ахәылԥаз, урҭ авторцәас ирымоуп    аҳәынҭқарратәи ателерадиоеилахәыра арҿиаратә гәыԥқәа.

            «Сара сашәа» - аԥсуа естрадатә музыка аԥсҭазаара аларҵәара, аԥсуа авторцәеи, аԥсуа шәаҳәаҩцәеи ацхыраара рыҭара хықәкыс измоу арадиотә конкурс ауп, иара убас амилаҭтә музыкантцәа русура, рылҵшәақәа, риааирақәа рӡыргарагьы. Аилахәыра АҞӘАФОН  ахахьы иагеит  апроект аҳамҭақәа аԥаратә хаҵгылара рзыҟазҵо ироль.

            Ашықәс ҿыц амузыкатә ахәылԥаз  иалахәын  аԥсуа естрада артистцәа, уи ахәаԥшцәа ирбар рылшоит АААРК аканал аҿы ашықәс ҿыц ауха.

             Аилахәыра АҞӘАФОН Ашықәс ҿыц аламҭалазы  агәыҳалалратә фонд «Ашана» имҩаԥнагоз «Аҵааршә Бабаду уакәыз»  ҳәа акциа ахы аланархәит. Уаҟа изҭахыз илшон  ахәыҷы чымазаҩ изы ашықәс ҿыц азы аҳамҭа аахәара. Ачымазаҩ хәыҷқәа рхыԥхьаӡара азгәаҭаны Аилахәыра АҞӘАФОН  ахәыҷқәа 28-ҩык  ирзаахәан аинвалидцәа рзы арныҟәагәақәа, ахәыҷтәы планшетқәа, адырра азырҳаратә хәмаргақәа, иара убас  дара рашьцәеи раҳәшьцәеи рзы азларақәа, иааизакны урҭ рыхәԥса 250 нызқь мааҭ инаӡоит. Аҳамҭақәа зегьы  Аилахәыра АҞӘАФОН ахәыҷқәа  рыҩнқәа рышҟа инаганы, хаҭала ахәыҷқәа зегьы рнапаҿы ирыҭан.

            Ашықәс хыркәшо, Аилахәыра АҞӘАФОН  ԥхьаҟатәи аԥеиԥш азгәаҭо аплан ҿыцқәа шьақәнаргылоит. АҞӘАФОН 2014-тәи ашықәс азы  иҳасабтә хаданы иқәнаргылоит зегь раасҭа иҿыцу атехнологиала еибыҭоу аимадара аԥшьбатәи абиԥара иаҵанакуа 4G (LTE)  аусура аларгара. Ари астандарт Аԥсны иалагало АҞӘАФОН иаҭахуп абонентцәа рыдгалара дара рзы иманшәалоу, иааиԥмырҟьаӡакәа аус зуа Аинтернет.

            Аилахәыра АҞӘАФОН абонентцәа, иара убас Аԥсны ауааԥсыра зегьы ирыдныҳәалоит иааиуа Ашықәс ҿыц! Ашықәс алагамҭа  агәыӷра рацәа ирыдҳәалоуп, убри аҟнытә иҳаҩсыз ашықәс азы шәзыргәырӷьоз аусқәа иааиуа ашықәс азгьы раҟара рыцны шәдыргәырӷьалартә иҟалааит!

            2014-тәи ашықәс азы иҟашәҵааит аартра ҿыцқәа, шәгәы иахәо аибадыррақәа, еиҳагьы шәхы шәақәгәыӷуа, шәыӷәӷәаны,  ԥсыцқәалатәи аиааирақәа шәыманы, зегьы бзиа шәырбо шәҟалааит!

Ишәзеиӷьаҳшьоит аҭынчреи, аманшәалареи, абзиареи, ҳәарада, урҭқәа зегьы рҿы ақәҿиарақәеи!

Ҽааныбзиала! Ишәыдныҳәалазааит Ашықәс ҿыц!

 

ИАЕ «АҞӘАФОН-GSM» адәныҟатәи аимадарақәа рыҟәша

АҞӘАФОН. Аусура алҵшәақәа. 2003-2006 шш.

ИАЕ «АҞӘАФОН-GSM» 2006  ш.,   ԥхынгәымза  15  азы хышықәса ахыҵит. Аилахәыра аусураҿы алҵшәа шьахәқәа аанарԥшхьеит, зегьы раԥхьа техникала аҽеибыҭараҿы. Аилахәыра ахы ианархәоит зыҩаӡара ҳараку атехнологиа, насгьы аимадара амҽхак арҭбаара, иара убасгьы абонентцәа дасу рҭахрақәа ирықәшәо амаҵзурақәа рыдгалара хықәкыс иҟаҵаны иааиԥмырҟьаӡакәа иақәдырӡуа маҷӡам.

Иааизакны иуҳәозар, аилахәыра аусура ианыԥшуа алҵшәа дуқәа иудырбоит ҳара ҳҳәынҭқарраҿы абизнес маншәаланы иҿиаратәы аҭагылазаашьа шыҟоу.

ИАЕ «АҞӘАФОН-GSM» зҳәатәы еиқәшәо апрофессионалтә команда алшара ду ахы иархәаны амҽхак арҭбаара иаҿуп, насгьы Аԥсны инхо зегьы ари амобилтә еимадара амаҵзура рхы иадырхәаратәы аҟаҵара аус адулара иаҿуп.

 

Иахьатәи ҳаамҭа мобилтә еимадарада аҟазаара ухаҿы иузаагом. Ҳреспублика иқәынхо ауааԥсыра ԥхьаҟа ишахәҭоу ахә ршьашт амобилтә еимадара алшарақәа, иара убас уи ароль аҳәынҭқарра асоциал-економикатә ҿиараҿы. Амобилтә телефон аниоу нахыс ауаҩы иԥсҭазаашьа шьаҭанкыла аҽаԥсахуеит: ирацәоуп инаумҩатәны, аҩны, ма аофис аҿы, амашьына аԥсҟы шыуку, мамзаргьы даҽа қалақьк аҟны ушыҟоу зыӡбара улшо азҵаарақәа, зыдкылара улшо ақәҵарақәа, зҭышәныртәалара улшо ахҭысқәа. Иҟалеит адырраҭарақәа ирласӡаны рышьҭреи раиуреи рзы алшарақәа, урҭ акырӡа идырмариоит ауаа хаҭала реигәныҩреи ауаажәларратә процессқәа рымҩаԥысшьеи. Ахақәгәыӷреи акомфорти – абарҭ аҟазшьақәа роуп амобилтә телефон егьырҭ аимадаратә хархәагақәа иреиԥшымкәа иҟазҵо.

АҞӘАФОН-GSM – Аԥсны Аҳәынҭқарраҿы раԥхьатәи милаҭтә мобилтә еимадароуп. Аилахәыра ашәҟәы иҭаҩын 2003 шықәса, хәажәкырамзазы. Раԥхьаӡа акәны аҭел абжьы геит 2003 ш., рашәарамза азбжазы. Аимадара акод АҞӘАФОН-GSM – 449.

           

Аҿиара раԥхьатәи аетап аан АҞӘАФОН-GSM акомпиутертә станциа хадақәа 7 рыла ишьақәгылан, урҭ абарҭ ақалақьқәа рҿы аимадара ҟарҵон: Аҟәа, Пицунда, Гәдоуҭа усҟан аимадара иалшомызт абонентцәа хыԥхьаӡара рацәала рымаҵ аура. Аилахәыра аусура иабзоураны 2003 ш. анҵәамҭазы абонентцәа рхыԥхьаӡара 1000-ҩык рҿынӡа инаӡеит. Ара иазгәаҭатәуп уи аамҭазы аимадара аҿакра ахәԥса аҳаракыра зыхҟьоз аимадара амҽхак ахьмаҷзи ишахәҭаз еиԥш хыԥхьаӡара рацәала абонетцәа рымаҵ ауратәы алшара ахьамамзи шракәыз.

Раԥхьаӡа акәны ахатәы ԥарала аимадара 2005 ш., хәажәкырамзазы иалшеит даҽа станциа хадақәак (Ԥсоу, Афон Ҿыц, Тҟәарчал, Аҟәа (Араион ҿыц) раартра, урҭ ирыбзоураны ареспублика адгьылҵакыраҿы аимадара аусура амҽхак акырӡа иҭбаахеит. Аимадара аусура аиӷьхареи аҳәаақәа рырҭбаареи, иара убас аҿакра ахәԥса аиҵатәреи ирыбзоураны абонентцәа рхыԥхьаӡара иааиԥмырҟьаӡакәа ирызҳауан, ари аҭагылазаашьаҿы, хымԥада, иаахәатәны иҟалеит аимадара амҽхак еиҳагьы аҭбаара алзыршаша амыруга ҿыцқәа аахәара. Ажәакала, 2005 ш., жьҭаарамзазы аилахәыра АҞӘАФОН-GSM аусура иаларган акоммутатор ҿыци астанциа хадақәа даҽа 6, урҭ шьҭа ирылшо иҟалоит 50 000 абонентцәа рымаҵ аура.

Иахьа ицоит ашьха иаԥну аҭыԥқәа рыҟны, иара убас анеира ахьымариами, акыр инахараны ишьҭоу аҭыԥқәа рыҟны ауааԥсыра зыда ихәарҭам аимадара ала реиқәыршәаразы иахәҭоу аусурақәа, аилахәыра аргыларатә усқәагьы ирыцнаҵоит ақыҭақәа: Дәрыԥшь (Гәдоуҭа араион), Шаумиановка (Гәылԥрышь араион), Ӷәада (Очамчыра араион)  рыҟны иқәырнылахоит астанциа хадақәа хԥа. Ари аус аекономика аԥҟарақәа рыла уахәаԥшуазар рацәак хырҳара ацӡам, насгьы  иақәырӡхо ахарџь ирласны иазхарҭәааӡом, аха уи ақалақь акыр иацәыхароу ақыҭақәа рыҟны инхо ауааԥсыра рсоциал-бзазаратә ҭагылазаашьа аиӷьтәразы иаӡбо апроблема маҷӡам.

Иара убас, иахьа АҞӘАФОН-GSM аимадара алзыршо арадио цәаҳәақәа агаҿа азааигәара иҟоу ареспублика адгьылқәа 90% рҿы ишнагоугьы, иахьа астанциа хадақәа даҽа 9 рықәыргыларазы иаҭаху аусқәа цоит.

АҞӘАФОН-GSM атехникатә база арҿыцра иазку апроект аҟны астанциа хадақәа рыргылара адагьы иарбоуп арегистртә маругақәа (HLR и VLR), рыԥсахра, урҭ рыԥсахра 100 000 абонентцәа рымаҵ  ауратәы алшарақәа ҟанаҵоит, иара убас амаҵзура апакет ҿыцқәагьы.

Аилахәыра аплан аҿы иҟоуп хара имгакәа аконвергенттә биллинг (BRT) аусура аларгара, усҟан аҭел асрақәа зегьы иаразнакы рыхәԥса рхыҵларатәы алшара ҟалоит. Даҽакала иаҳҳәозар, амаҵзура (аҭел асра, SMS ашьҭра) имҩаԥгаз ахәԥса амаҵзура инашьҭарххны иахыҵлоит, иара уи ала абонент идыруа иҟалоит ихыԥхьаӡараҿы иҟоу аԥаратә ҭагылазаашьа зеиԥшроу.

Абонентцәа  рхыԥхьаӡара шаҟа иазҳауа аҟара иуадаҩхоит ауаҩы ибаланс аҭагылазаашьа аилкааразы аус зуа асервис зномер 0500  иҟоу ахь асра. Аилахәыра АҞӘАФОН-GSM абонентцәа рымаҵ аура аиӷьтәразы, насгьы бжьыла аацҳарақәа ҟазҵо ацәаҳәақәа реидара армаҷразы иаанартуеит USSD-атехнологиа. USSD-атехнологиала еиқәыршәоу амаҵзура – ари абонентцәа рыбжьареи, асервис хыхьқәеи рыбжьара аинтерактивтә еизыҟазаашьа аԥызҵо USSD-сервисуп. Ари еиԥшу атехнологиа ахархәара иалнаршоит адырраҭаратә маҵзурақәеи ажәабжьеиҭаҳәаратә аинформациаҭаратә сервисқәеи, аӡыргаратә усқәеи реилашӡара, аха урҭ макьана иҵегь аамҭа рҭахуп. Иахьа АҞӘАФОН-GSM абонент изаԥҵоуп ибаланс аҭагылазаашьа *0500# аномер ылхны USSD ахь адҵа  ашьҭрала ибаланс аҭагылазаашьа еиликааратәы алшара. Ари амаҵзура ҿыц акыр уарманшәалоит уажәшьҭа нахыс ателефон аҟны аҭаҩра аҭахӡам аацҳарақәа рномер, мамзаргьы SMS-аацҳамҭақәа рыҟаҵареи, иахьа иҟауҵо адҵа заҵәык ауп, уи баша аҭел асра иаҩызоуп, аԥышәа змам инадыркны зегьы еилыркааратәы иҟоуп, иманшәалоуп. USSD ахархәараан адырра акырӡа иласны иуоуеит, уаанӡа иҟаз аацҳара кьаҿқәа раасҭа ари амаҵзура иаҳа иласуп.

            *хьаҟа абонентцәа рымаҵ аураҿы ИАЕ «АҞӘАФОН-GSM» GPRS (амобилтә интернет), MMS (афото- видео- аимадара) реиԥш иҟоу алагала ҿыцӡақәа ҟарҵоит.

Аҵыхәтәантәи ашықәс аҩныҵҟа аилахәыра иаразнакы амаҵзура ахәԥса ашәара алзыршо азаахә шәаратә карта аԥышәара мҩаԥыргон. Атехнологиа аԥышәара цон Гагра ақалақь аҿы. Хара имгакәа аилахәыра азаахә шәаратә картақәа Аԥсны адгьылҵакыра зегьы аларҵәара иалагоит. Азаахә шәаратә картақәа акырӡа уарманшәалоит, уарласуеит ахыԥхьаӡаларҭа аԥара алагалара, алшарагьы ҟанаҵоит ахәԥса шәарҭа ҭыԥқәа аус анырымуагьы ахатәы баланс иануҭаху аамҭазы ихаурҭәааратәы еиԥш.

Аилахәыра иалшо зегьы ҟанаҵоит еиуеиԥшым ахархәаҩцәа гәыԥқәа рҭахрақәа азԥхьагәаҭаны иаԥҵоуп амаҵзурақәа ралагаларазы, аимадара ахалархәра арманшәаларазы.

           

2005 ш., ԥхынҷкәынмзазы абонентцәа рымаҵ ауразы хықәкыла аудиториақәа ирзынархоу абарҭ ахәхшәааратә план ҿыцқәа рыдгалан: «Classic», «Уара утариф – 12/12»; «Уара утариф 105»; «Уара утариф 300». (30 доллар ҳәа 300 минуҭ). Иазгәаҭатәуп, ахәхшәааратә план ҿыцқәа ралагалара иабзоураны аимадара аҿакра ахәԥса 50% ишеиҵахаз, аҿакра ахәԥса маҷӡа 405 мааҭ иҟоуп, уи аҟынтә 135 мааҭ – абонент ихыԥхьаӡаларҭа иалагалахо аванстә хәыԥсоуп (еиҿҳарԥшып – 3 шықәса раԥхьа аимадара аҿакра 2800 мааҭ иаԥсан), имаҷӡоу абонент хәыԥса 2 долларк иҟоуп. Аҭел асра ахәԥса бжьаратәла 30% еиҵахеит,  ҿыц иалагалаз ахәхшәааратә планқәа руак аҿы аҭел асра имаҷӡоу ахәԥса 0,05 доллар (≈1,3 мааҭ) инаӡоит. Арҭ  ахәхшәааратә планқәа уаанӡатәиқәа акырӡа иреиӷьны иҟазҵо аҭагылазаашьа ҷыдақәа иреиуоу аҩбатәи аминуҭ аҟны секундлатәи ахәԥса ахыԥхьаӡара иалаго иахьыҟоу.

Иара убас, 50 SMS пакет иҟоу аимадара алшартә иҟалеит, SMS ахә 0,03 доллари≈80 коп. итәоит.

 

Хымԥада иазгәаҭатәуп, иара убас 3 шықәса рыҩныҵҟа АҞӘАФОН-GSM акыр игәцаракны аус шауа  аҳәынҭқарратә компаниақәеи амчратә органқәеи русеицура арӷәӷәаразы. Ҿырԥштәыс иааҳгозар  аҳәынҭқарра ашәарҭадаратә маҵзура аусзуҩцәеи, Аԥсны аҳәынҭқарреи азинхьчаратә органқәеи рзы иаԥҵан ахәхшәааратә планқәа ҷыдақәа (хаҭала иуҳәозар аҭагылазаашьа аҭышәныртәалареи ирласны ацхыраара аҟаҵареи хықәкыс измоу  апатрультә гәыԥқәа русура аиӷьтәразы ирыҭан 20 мобилтә номер).

 Иара убас, аилахәыра аусура ахацыркымҭазы ԥхьаҟа зны иршәаша ала  ихарҭәаахап ҳәа азԥхьагәаҭаны Аҟәа ақалақь ОГМТТС иазылҩаан ацифратә АТС  аахәаразы иаҭаху аԥара, уи иабзоураны ақалақь аҿы аус зуаз АТС-2 иҿыцу ацифратә станциа АТС-6 ала иԥсахын. 2006 ш., ԥхәынгәымза анҵәамҭазы иаԥҵаз аплан инақәыршәаны ԥхьаҟа зны ОГМТТС иршәаша ала ихарҭәаахап ҳәа азԥхьагәаҭаны, аванс ҳасабла илҩаан акыр иажәыз АТС-4 зыԥсахша ацифратәстанциа аахәаразы иаҭаху аԥара. Арии алагала ҿыц иабзоураны Аԥсны аҳҭны қалақь иатәу Араион ҿыц аҟны инхо ауааԥсыра рхы иадырхәаратәы иҟалоит акырӡа зхаҭабзиара ҳараку ацифратә еимадара амаҵзура, иара убас аимадара АҞӘАФОН-GSM иатәу ареспубликатә номерқәа рахь аҭелқәа расрагьы.

           

Инаҵшьны иазгәаҭатәуп, аилахәыра аҟазацәа ҿарацәа ԥшааны, аусура радԥхьаларазы иааиԥмырҟьаӡакәа аус шауа, урҭ атехнологиа ҿыцқәа рнапаҿы иаарго ианыҟалалак, АҞӘАФОН-GSM «акадр ааӡарҭатә ҭыԥ» ауп ҳәа рхы иазырҳәаратәы азин рауа иҟалоит. Уи аганахь алагьы – аилахәыра – ари, зхала амонтаж ҟазҵо, иахьазы иҿыцу амаругақәа рықәыргылара зылшо, GSM аформат ала ажәларбжьаратә стандарт инақәыршәаны аус зуа, зхала зхамаҵ зуа еиҿкаароуп.

ИАЕ «АҞӘАФОН-GSM» аусура иаанарԥшуа алҵшәа бзиақәа ируакуп  аилахәыра аусура хықәкыла иадҳәалоу аҭыԥ маншәалақәа раԥҵара, урҭ ирыбзоураны Аԥсны иазҳаит аусурҭа ҭыԥқәа рхыԥхьаӡара, уи Аԥсны аҳәынҭқарразы имаҷу усым. Аԥсны адгьылҵакыра зегьы аҟны аилахәыра амаҵзурақәа раартразы иаԥҵан, нас акыр иазырҳан адилертә маҵзура. Иахьа АҞӘАФОН-GSM аимадара зхы иазырхәо абонентцәа ирылшоит ахатәы хыԥхьаӡаларҭа ахарҭәаара, амаҵзура аҿакра абонентцәа Рмаҵзура Ҭыԥ аҿы адагьы аҳәынҭқарра арегионқәа зегьы рҟны.

Хара имгакәа аплан аҟны ишарбоу еиԥш, аусура иалагоит аилахәыра асаит. Уи ахықәкы – ИАЕ «АҞӘАФОН-GSM» аусура ахырхарҭақәа, акорпоративтә жәабжь ҿыцқәа рзы аинформациа харҭәаа ахархәаҩцәа рыҭара, иара убас аимадара ирыднагало амаҵзурақәа рҿы иҟало аԥсахрақәагьы.

ИАЕ «АҞӘАФОН-GSM» аус ауеит ишьақәырӷәӷәоу аҳазалхратә, атәылауаҩратә закәан инақәыршәаны, уи аҳәынҭқарраҿы ашәахтә ду алазгало еиҿкаараны иҟоуп.

 3 шықәса рыҩныҵҟа аилахәыра ахәԥса ахыхьтәи ашәахтә, аҳәаа ахыгаратә хшәаатәқәеи, ашәарақәеи раҳасабала аҳәынҭқарра иаланагалеит 1,8 млн доллар инеиҳаны.

Аҵыхәтәантәи ашықәс азыбжазы аҳәынҭқарра иалагалан 600 000 доллар акрахны.

ИАЕ «АҞӘАФОН-GSM» ирыдгылоит, ацхыраара рырҭоит еиуеиԥшым аиҿкаарақәа реиԥш ус ауааԥсырагьы аҳәынҭқарра ауаажәларратә ԥсҭазаара аганқәа зегьы рыҟны. Ари ус ацхыраара аԥаратә хаҵгыларатә ҟазшьа амоуп, иара убас агәыҳалаларатә ҟазшьа цқьагьы.

 Аилахәыра иҟанаҵо ацхыраара ахырхарҭа хадақәа – аҵарадырра, акультура, аспорт, аҳәынҭқарра аҿиараҿы акырӡа зҵазкуа ракәны иҟоуп, уи инамаданы аилахәыра хықәкыла, хьыӡҳәала еиҭагьы ацхыраара рырҭоит зхы изамыхәо ауааԥсырагьы – иӷару аҭаацәарақәа, АЕД аинвалидцәа, 1992-1993 шықәсазтәи Аџьынџьтәылатә еибашьра аветеранцәа, аинвалидцәа, атәанчаҩцәа.

Иара убас, ИАЕ «АҞӘАФОН-GSM» аматериалтә цхыраара рзыҟарҵоит абарҭ ауаажәларратә еиҿкаарақәа: «Аԥснытәи анацәа аҭынчреи асоциалтә еиҟарареи рзы», Аԥсны АЕД аинвалидцәа Реидгыла, Амедиаҳәшьцәа Реидгыла, Зыла иамбо Реилазаара, ахәыҷы-инвалидцәа Реидгыла, аԥснытәи аҿар Рхеилак.

Аԥаратә хаҵгылара иҟанаҵо аҟнытә ахәҭа хатәра цоит аҵарадырра ашҟа. 2005 шықәсазы Ҟәланырхәатәи абжьаратә школ ҳамҭас иарҭеит программала еиқәыршәаз акомпиутерқәа фба. Арҵаҩцәа реилазаара цхыраарак аҳасабала, есымза 15 000 мааҭ рырҭоит.

2005 шықәсазы, еиҭа, Аҟәатәи абжьаратәи ашкол №10 аклассқәа ирыхәҭоу акласс маҭәахәқәа рыла реиқәыршәаразы аԥара азоужьын. 2006 ш., лаҵарамзазы Аҟәатәи Иаарту аинститут афинанстә цхыраара азыҟаҵан АИА астудентцәа рхеилак аделегациа «Кавказ – ҳара ҳзеиԥшҩны» зыхьӡны имҩаԥысуаз афестиваль ахь  рцара. Аԥсны Аҳәынҭқарра аинтеллектуалтә мазара аиқәырхареи арҿиареи рзы, аҳәынҭқарратә ҵараиурҭатә усбарҭақәа рҿы аҵара зҵо асоциалтә цхыраара рыҭаразы ИАЕ «АҞӘАФОН-GSM» иаԥнаҵеит, иара убас, аҵарашықәс ҿыц ҳанынҭалалак ААУ иреиӷьӡоу астудентцәа 16 ирзыршәалоит хаҭалатәи астипендиа факультет цыԥхьаӡа 500 мааҭ есымза.

Ари ашықәс, мшаԥымза аԥаратә цхыраара аҭан Ш. Д. Инал-иԥа имонографиа «Аубыхаа» аҭыжьра, иара убас ҳҭоурыхҭҵааҩ ду иусумҭа «Ашәҟәы азы ашәҟәы», «Ш. Д. Инал-иԥа иԥсҭазааратә мҩеи ибиблиографиеи» рҭыжьрагьы.

Акультура аганахь ала изныкымкәа агәыҳалалратә усқәа мҩаԥган Аҳәынҭқарратә Жәлартә ҟазара ацентр, акультуратә фонд «Аԥсны – Аҩадатәи Кавказ», Амилаҭтә кәашара ансамбль «Шьараҭын», Акьанџьақәа ртеатр убас иҵегьы ацхыраара рыҭаразы.

ИАЕ «АҞӘАФОН-GSM» алагала ду ҟанаҵоит амилаҭтә спорт аҿиараҿы – ара иҟоуп Аԥсны Карате-До ашкол ааӡамҭацәа Брианск ақалақь аҿы имҩаԥысуаз иаарту аиндаҭлара ахалархәразы рцара ахәԥса ашәара; Амшын Еиқәа аҿықәаны иҟоу ақалақьқәа IV Жәларбжьаратәи аиндаҭлара ашҟа Аҟәа ақалақь Амҵәышәымпыл асцәа Рклуб аветеранцәа рцараан аматериалтә цхыраара рыҭара; Сынтәа, ааԥынразы Ҭырқәтәыла имҩаԥысуаз Апрофессионалтә еиндаҭлара «ITF» ахалархәразы ақәҿиара бзиақәа ԥхьаҟа иззыԥшу атеннис асҩы Акуциа Е. лцара аԥара ахшәаара; Аԥсны Аҳәынҭқарра адомино Афедерациа адомино азы Венесиуела 2006 ш., лаҵарамзазы имҩаԥысуаз адунеи ачемпионат рхы аладырхәырц азы аԥаратә цхыраара аҭара.  2006 ш., рашәарамза алагамҭазы аилахәыра «АҞӘАФОН-GSM»  Аҟәа ақалақь аҟны имҩаԥысуаз напҟьаралатәи аиқәԥара наӡа «Евразиа» аԥаратә хаҵгыла хаданы иқәгылан. Хымԥада, иазгәаҭатәуп, ари иеиԥшу акциақәа рымҩаԥгара акырӡа ацхыраара шыҟанаҵо аҿар рыбжьара аспорт абзиабара аларҵәараҿы.

Иара убас, аилахәыра аусзуҩцәа ԥаратә цхырааҩык иаҳасабала рхы аладырхәуеит ҳара ҳестрадатә шәаҳәаҩцәа рықәгыларагьы.

«АҞӘАФОН-GSM» ашьапылампыл асцәа рклуб «Нарҭ», «Аԥснытәи Нарҭаа» захьӡу КВН акоманда рзы аԥаратә хаҵгылара хаданы иҟоуп.

 

ИАЕ «АҞӘАФОН-GSM» адәныҟатәи аимадарақәа рыҟәша

2012 – ари Аилахәыра АҞӘАФОН азы аиааира ҿыцқәа рышықәс ауп

2012-тәи ԥхынҷкәынмза – ари арыцхә Аилахәыра аԥылеит алҵшәа ҿыцқәа аманы, апроект дуқәа нагӡаны, ԥхьаҟазы аплан дуқәа аԥҵаны.

Иҳаҩсыз ашықәс иазаҳҳәар ҟалоит АҞӘАФОН азы аиҭакра бзиақәа иртәын ҳәа. Аилахәыра аусура аихаҳаразы    ахархәаҩцәа рзы асервисқәа ирыцнаҵоит, акомандаҿы иҟоу аусзуҩцәа рҟазара ҳаракы ахы иархәо.

Аилахәыра аҳатә еимадара аизҳара атәы ауп иаҳәо абонентцәа Рмаҵзура Ҭыԥқәа раартра. Иара убраҟа ауп Аилахәыреи иара ахархәаҩцәеи  рыбжьара иаарту аиҿцәажәарақәа ахьымҩаԥысуа. АҞӘАФОН есышықәса иазнарҳауеит Амаҵзура Ҭыԥқәа рхыԥхьаӡара, уи  зызҵаарақәа зегьы рҭак ҟазҵо аҟазацәа  еснагь ирыҿцәажәо абонентцәа рхыԥхьаӡара ишацло атәы арҵабыргуеит.

Сынтәа зхатәы Маҵзуратә Ҭыԥ змоу рхыԥхьаӡара иацлеит Гал аққь., уаҟа иаартын Аԥсны аабатәи АҞӘАФОН Амаҵзуратә Ҭыԥ. Гал аққь. аҿы Амаҵзура Ҭыԥ аартра аамҭазы  Аҟәа аққь. аҿы еиҭарҿыцны иаартын Аиааира амҩаҿы иҟоу Амаҵзура Ҭыԥ.  Ари Аилахәыра 2005 шықәсазы иаанартыз раԥхьаӡатәи Амаҵзура Ҭыԥ ауп,  убри аҟнытә иара рҿыцны аартра ҳара ҳабонентцәа рымаҵ аура аиӷьтәразы  имҩаԥааго аусқәа рзы шаҳаҭра ауеит. Арҽеиратә усқәа имҩаԥгаз ирыбзоураны АҞӘАФОН Амаҵзура Ҭыԥ ԥхьагыла  иаиуит афункциа рацәа мҩаԥнагартә еиԥш алшарақәа, иара убас аамҭа иақәшәо ахаҿра, арҭ зегьы ирыбзоураны абонентцәеи, уаҟа аус зуеи уа аҟазаара ргәаԥхо, ргәы иахәо аҭагылазаашьақәа роуит. 

АҞӘАФОН есышықәса  аусзуҩцәа рзанааҭ азы рдыррақәа реихаҳаразы имаҷымкәа аԥара ннахуеит. Есымза  Амаҵзура Ҭыԥ рҿы аусзуҩцәа  рмаҵзура ахаҭабзиара ахылаԥшра аҭареи, рҟазара азырҳареи рзы аусқәа мҩаԥысуеит. Амаҵзура Ҭыԥқәа рҿы аус зуа ирыбзоураны жәанызқьҩыла абонентцәа аилыркаагатә, атехникатә цхыраара роуит, иара убас Аилахәыра АҞӘАФОН  асервисқәеи, ахәхшәааратә план ҿыцқәеи рзы адыррақәагьы.

Абонентцәа рымаҵ аура ахаҭабзиара аиӷьтәразы  акыр аҵанакуа иҟалеит Аилахәыра асервисқәа уахи-ҽни иааиԥмырҟьаӡакәа аус руратәы алшарақәа раԥҵара. Акорпоративтә саит www.aquafon.com  – ари Аинтернет аҿы Аилахәыра адырраҭаратә хаҭарнак ауп. Сынтәа акорпоративтә саит арҿыцратә усқәа мҩаԥгоуп. Ирҿыцуп адизаин, иара убас алшарақәеи асаит алогикеи. Аматериал рацәа аус адыулан, еихшаны иҟаҵан, ажәакала, Аилахәыраҿы зегь раасҭа ахархәара змоу асервисқәа рҿы аусура акырӡа иманшәалахеит.

Уажәшьҭа www.aquafon.com  аҟны ухы иаурхәар ҟалоит аелектронтә газеҭ аԥхьара азы амаҵзура, ажәабжьқәа реилкааразы амаҵзура, SMS-аацҳарақәа ирмазеины, иануҭаху, уаанӡа иаурбахьаз аамҭазы, ашьҭра алзыршо амаҵзура, ара иазгәаҭатәуп урҭ рышьҭра  аамҭа шаҟа иуҭаху ахырԥара шулшо. Иара убас, асаит аҟны иалагалоуп иуҭаху ахәхшәааратә план алхразы ҿыцрак – АҞӘАФОН ахәхшәааратә планқәа зегьы реиҿырԥшра алзыршо афункциа ҿыц, уи Шәара шәҭахрақәа ирықәшәо  ахәхшәааратә план акыр иманшәаланы алхраҿы ацхыраара ҟанаҵоит. Иара убас, 2012 шықәса, мшаԥымзазы, Аилахәыра асаит аҟны  изҭаху зегьы амаҵзура ахаҭабзиаразы, иара убас дара амаҵзурақәа  рзы ирымоу  агәаанагара рҳәартә еиԥш ироуеит алшара.

Сынтәа инаркны АҞӘАФОН  Facеbook асаит иалахәхеит. Аԥсны раԥхьаӡатәи амобилтә оператор ахатәы аудиториеи иареи аимадара бзиа рымоуп, иара акьыԥхь аҿы ирбоит  Аилахәыра аҵыхәтәантәи ажәабжьқәа, иҟало аҿыцрақәеи имҩаԥыргараны иҟоу акциақәеи  рзы адыррақәа.

Иманшәалоу ахәхшәааратә политика, амаҵзура хыхьқәа рырацәара – абарҭ роуп АҞӘАФОН ихадоу алҵшәақәа ираԥхьагылоу. Аилахәыра еснагь ԥхьаҟа ицоит – абонентцәа рҭахрақәа азгәаҭо аџьармыкьа ашҟа инаргоит иманшәалоу, хра злоу  ахәхшәааратә план ҿыцқәа, асервисқәа еиздырҳауеит, амаҵзура ҿыцӡақәа аԥырҵоит.

Аимадара аҩныҵҟа ирацәаны ицәажәо рзы акырӡа иманшәалоуп илимитдоу ахәхшәааратә план ҿыц «АҞӘАТОРИА», уи аԥҟарақәа абоненттә хәыԥса маҷ иҟоу аҳәаа иҭагӡаны аҳа аҩныҵҟа ухы иаурхәар ҟалоит зхыԥхьаӡара ԥкым аминуҭқәа. Ахәхшәааратә план ҿыц аҿы абонент имаҷны ишәоит, арахь ицәажәара аамҭа еиҵахаӡом.

Ари ашықәс азы Аилахәыра АҞӘАФОН  иаԥнаҵеит акыр амаҵзура ҿыцқәа: «Усҩызаз», «Шәысԥырхагамхан», «УА аҿы 30 минуҭтәи апакет», иара убас «Аамҭа иаша». Арҭ амаҵзура ҿыцқәа зегьы абонентцәа алшара хыхьқәа рыдыргалоит.

Амаҵзура «Усҩызаз» иабзоураны АҞӘАФОН абонентцәа  рыуацәа, рҭынхацәа рхыԥхьаӡаларҭа абаланс аҿы иахәҭоу аԥара анҭамгьы аҭел рзасра рылшоит. «Шәысԥырхагамхан» амаҵзура АҞӘАФОН аимадараҿы иҟоу зегьы алшара рнаҭоит аҭел асрақәа иҟоу дара рҿынӡа имааиуа аҟаҵара рҭел ахаҭа аусура иаҟәымхӡакәа.

2012 шықәсазы имҩаԥган «Аҳамҭақәа рыԥхынра», иара убас «Адырҩы» захьӡыз авикторинақәа, урҭ хыркәшан зегь раасҭа еиҳаны абаллқәа зауз Аԥсны раԥхьаӡатәи амобилтә оператор аҟнытә хәы змоу аҳамҭақәа. Аҿыцрақәа алагалан, иара убас, амаҵзура «Амобилтә напаҵаҩрақәа» АҞӘАФОН абонентцәа  ироуит алшара абарҭ амаҵзурақәа рхархәара – «Амш анекдот», «Амширақәа», «Ашьапылампыл азы ажәабжьқәа», «Ажәабжь хадақәа», иара убас  ҳазҭысуа ашықәс азы  «Азҵаарақәа рпарад» захьӡу  аҵыхәтәантәи аинтеллектуалтә  маҵзура, уи абонентцәа ҩымчыбжьацыԥхьаӡа ҽнак 15 мааҭ ҳәа иқәгылоу азҵаарақәа ииашаны рҭак ҟарҵар хәы змоу, иаҳҳәап, iPhоne 5 еиԥш иҟоу аҳамҭақәа ргар рылшоит.

 

Асоциалтә еихаҵгылара

            Аилахәыра АҞӘАФОН аҳәынҭқарреи иареи реизыҟазаашьа шьагәыҭс иамоуп асоциалтә ҭакԥхықәра. АҞӘАФОН араҟа аус иауа асистематә ҟазшьа амоуп – Аилахәыра есышықәса  хықәкыла ацхыраара рырҭоит  Аԥсны жәлар рџьынџьтәылатә еибашьра алахәцәеи аинвалидцәеи, АЕД аветеранцәеи астудентцәеи.

            2006 шықәса раахыс АҞӘАФОН иаартны иамоуп хьыӡҳәала ААУ иреиӷьу астудентцәа астипендиа рызшәаразы апроект. Иара абри ашықәс инаркны Аилахәыра Аԥсны Аџьынџьтәылатәи еибашьра  1-тәи агәыԥ иаҵанакуа аинвалидцәеи хаҭалатәи атәанчахәы зауа атәанчаҩцәеи есымза ртәанчахәы аԥара ацҵаны рызшәара иалагеит, шықәсык ашьҭахь АҞӘАФОН  АЕД аветеранцәа ртәанчахәы  Аиааира Амш, Лаҵарамза 9 инақәыршәаны есышықәса  аԥара ацҵаны ирырҭо иалагеит.

            Иара убас, АҞӘАФОН еснагь зегь раасҭа иқәыԥшу рзы аныҳәақәа еиҿнакаауеит. Сынтәа Аҟәа аққь. аҿы  Аилахәыра  иҟанаҵаз ацхыраара ала  имҩаԥган  акультура-массатә ус хкқәа: Ацәыргақәҵатә зал Хадаҿы  ахәыҷтәы сахьақәа рцәыргақәҵа, иара убас «Аԥсны аҿарацәа рыбжьы» ҳәа имҩаԥгаз аконкурс алауреатцәа злахәыз аныҳәатә концерт.

            Жәларбжьаратәи  аҳәса рымш азы, ҩышықәса инеиԥынкыланы Аилахәыра АҞӘАФОН аҿынтә адныҳәаларақәа, изныктәу аԥаратә цхыраара рзыҟаҵан Аԥсны жәлар Рџьынџьтәылатә еибашьра аҳәса-аинвалидцәа.

            Хышықәса ҵуеит Аилахәыра АҞӘАФОН  есышықәса ауаажәларратә еиҿкаара «Аԥсны абизнес иаҿу аҳәсақәа»,  ажурнал «Леди Босс»» имҩаԥырго амилаҭтә конкурс «2012-тәи Аԥсны  Абизнес-Ҳкәажәцәа» захьӡу аконкурс  аԥаратә хаҵгылара азыҟанаҵоит. Аконкурс  алахәыҩцәа Аԥснытәи аҳәсақәа зегьы рзы иҟалеит ақәҿиара дуқәа  ирсимволны.

            *хынгәымза 15, жәашықәса ахыҵра  инақәыршәаны АҞӘАФОН еиҿнакааит аԥсуа поет дуӡӡа И. Коӷониа ибаҟа акәша-мыкәша ишьҭоу апарк аиҿкара иазкыз акциа. Ари акциа ала  Аилахәыра Аԥсны Аџьынџьтәылатә еибашьра аан аԥхасҭа зауз абаҟақәа ауаа ахшыҩзышьҭра арҭо иҟарҵеит. Апарк аҿы иқәыргылан арлашага ҿыцқәа, атәарҭақәа, аклумбақәа, ишьҭаҵан аплиткақәа, амҩахәасҭақәа инагоу ирықәыԥсан абӷанҷ сса. Акциа имҩаԥнагоз аусқәа ирылахәын АҞӘАФОН аусзуҩцәагьы. АҞӘАФОН акоманда ари аҽны аусура арежим аԥсахит, апарк арԥшӡаразы аофис ааныжьны зегьы усура инеит, иара убри ала ҳтәылеи ҳкультуреи ҳаҭырқәҵарала ишрызнеитәу аҿырԥшы ҟаҵауа.

            Аҳҭнықалақь  аҟны инхо ауааԥсыреи иаҭаауа асасцәеи рзы жьҭаарамза 22 рзы  иаартын аӡӷаб Ника аџьаз иалху лыскульптура, уи Аҟәа агаҿа гәыкра цәак ахнаҵеит. Ника – ари ҳаамҭазы ашәҟәыҩҩы дуӡӡа Фазиль Абдул-иԥа  Искандер  иповест «Чик ихәыҷра» ацикл ахаҿсахьақәа ируакуп. Апроект  иалагӡаны аскульптура ақәыргыларазы алшара ҟазҵаз Аилахәыра АҞӘАФОН иҟанаҵаз аԥаратә хаҵгылара Хада ауп. Аскульптура автор – аҟыбаҩ ҷыда злоу асахьаҭыхҩы, аскульптор ҿа Архип Лабахәуа иоуп.

            АҞӘАФОН  аԥаратә хаҵгылара иҟанаҵаз иабзоураны 2012 шықәсазтәи аԥхынразы имҩаԥысит аинтеллектуалтә хәмарра II Жәларбжьаратәи ачемпионат, иҳаҩсыз ашықәс, ԥхынҷкәынмзазы  Аԥсны  еиҿкаан «Иарбан?Иаба?Ианба?» азы III Аԥснытәи Ачемпионат, иара убас Бреин-ринг, уи еиҿыркааит аҿар рыклуб «Диуна».

            Ашықәс ҿыц хымшҟа шагыз Аилахәыра иҟанаҵаз аԥаратә цхыраара иабзоураны Очамчыра аққь. аҟнытә аиҵбыратәи аклаас иатәу 220-ҩык аҵаҩцәа ирырҭеит  аҳамҭа хаақәа, иара убас ԥхынҷкәынмза 25-27 рзы имҩаԥысуа ашықәс ҿыц аԥыларатә ныҳәа ашҟа изланеиша абилеҭқәагьы. АҞӘАФОН еиҿнакааит ахәыҷқәа Аҳәынҭқарратә аурыс драматә театр  аҿы ашықәс ҿыц азы иқәдыргылаз апиеса абаразы Аҟәаҟа рцара.

            Аилахәыра ҷыдала ахшыҩзышьҭра азыҟанаҵоит аԥсадгьыл абзиабара иазынархоу аус хкқәа. Ари ашықәс беиоуп ари еиԥшу ахҭысқәа рыла.

            2012 шықәса, ажьырныҳәамзазы иҭыжьын альбом «Абираҟ аҭоурых – атәыла амҩаду», иара убас исахьарку 2012 шықәсазтәи амзар «Аԥсуа бираҟқәа». Арҭ аҭыжьымҭақәа рыҩбагьы Аԥсны аҭоурых аазырԥшуа сахьала иҩычоу аматериал ргәылоуп. Урҭ рҭыжьрала ихыркәшан «Аԥсны аҭоурых абираҟқәа» захьӡыз апроект, уи апроект аҩныҵҟа еиҭашьақәыргылан аԥсуа ҳәынҭқарра аамҭақәа раан иҟаз абираҟқәа зегьы.  Апроект аӡыргара ашьҭахь аҭоурых бираҟқәа хԥа  ҳамҭас Аԥсуа ҳәынҭқарратә музеи, иара убас Гәдоуҭеи Тҟәарчали  ақалақьқәа рыҟны иҟоу амузеиқәа ирыҭан.

            Шьҭа ԥшьышықәса ҵуеит 2009 шықәсазы  АҞӘАФОНи  АА  Аҿар Еиҿкаартә Ассоциациеи иаԥырҵаз аплан инақәыршәаны  аусура иаларган апроект «Аԥсны ақалақьқәа рыҟны абираҟ дуӡӡақәа». Сынтәа Аԥсны Аџьынџьтәылатә еибашьраҿы Аиааира иагаз 19 шықәса ахыҵра аҳаҭыр азы  арҭ иреиԥшу абираҟқәа  Очамчыра, Афон Ҿыц ақалақьқәа рҿы иқәыргылан. Аилахәыра АҞӘАФОН аԥаратә цхыраара иабзоураны  абҵарамза 26 аҽны Аҽгәара ақыҭаҿы, аибашьыҩцәа рацәаҩны иахьҭахаз аҭыԥ аҿы иқәыргылан аҳәынҭқарратә бираҟқәа ҩба - ԥсуа бираҟи адыӷа бираҟи. Ҳарԥарцәа ахьҭахаз иахашәыршәыруа  абираҟқәа зыԥсадгьыл ахьчаразы еибашьуаз, уи зхы ақәызҵаз ргәалашәара азы символра ауеит, иара убас аԥсуа жәлар аӷа иҿагыланы рықәԥараҿы ирывагыланы еибашьуаз рҿаԥхьа ахырхәара азы исимволуп.

            Ари ашықәс азы иаԥҵаз апроект дуӡӡақәа иреиуоуп амузыкатә фильм «Ҳара ҳаруаа реиҳабы», уи Аԥсны жәлар Рџьынџьтәылатә еибашьра  20 шықәса ахыҵра иадҳәалоу алахьеиқәҵаратә гәалашәара арыцхәи Аԥсны Раԥхьатәи Апрезидент Владислав Григори-иԥа Арӡынба игәалашәареи ирызкны иаԥҵан. Афильм гәыцәс иазыҟалеит  аибашьра ашықәсазы иаԥҵаз ашәақәа 11 рремеикқәа,  арҿыцразы  акыр ирманшәаланы еиҿыбаауа иҟаҵан ианаԥҵазтәи абзиарақәеи  иахьатәи аҳәашьақәеи. Ашәақәа зегьы рзы Аԥсадгьыл  аиааира азаазгаз афырхацәа рҵеицәеи, аибашьра алахәыҩцәеи, амузыка азҟазаҩцәеи  злахәыз  амузыкатә клипқәа аԥҵан.

            Афильм инеиҵыху аӡыргара мҩаԥган Аҟәа аққь. аҿы нанҳәамза 14 аҽны АҞӘАФОН абзоурала ауаа рацәа злахәны ақалақь агаҿа имҩаԥгаз аус хкы аҳәаақәа ирҭагӡаны. Иара убас, аҳәынҭқарра егьырҭ ақалақьқәа рҿы инхо  ауаа аекран ҭбааҿы афильм дырбара уалԥшьас иԥхьаӡаны Аилахәыра АҞӘАФОН аԥшьгарала  аиааира Амш аҽны Пицунда, Гәдоуҭа, Афон ҿыц, Тҟәарчал, Очамчыра, Гагра ақалақьқәа рҿы идырбан афильм. Мызкы аҩныҵҟа Аилахәыра АҞӘАФОН аусзуҩцәеи афильм авторцәа Емма Хаџьааи Темыр Қәыҷбериеи арҭ ақалақьқәа зегьы рҿы иҟан ахәаԥшцәа афильм дырбауа, насгьы афильм аҭыхра иадҳәалаз ахҭысқәа рзеиҭаҳәо.

            Иара убас, Аилахәара АҞӘАФОН  иҭнажьит афильм  «Ҳара ҳаруаа реиҳабы» зныз DVD-и CD-адискқәа 2000 цыра, иара убас апроект аҳәаа иҭагӡаны иҭыхыз афото, авидео материалқәа знылаз 2013 шықәсазтәи  амзар. Афильм аҿынтә аепизодқәа, асахьаркыратә патреҭқәа, иара аҭыхра иацыз амомент ҷыдақәа  амзар адаҟьақәа акырӡа еиҿыркааит.

            2013 шықәсазы апроект иацҵахоит, насгьы иазкхоит аныҳәа арыцхә – Аиааира ҩажәа шықәса ахыҵра. Аекран аҿы иҟалоит 1992-1993 шықәсақәа раантәи Аџьынџьтәылатә еибашьра  иадҳәалоу, зыԥшаара уадаҩу афотодокументқәа, араҟа ахархәара рыҭахоит макьана ауаа ирылаҵәаны иҟам афильм аҿы иҟало архивқәа равторцәа, иаҳҳәап, макьана хархәара змоуц Аԥсны Амрагыларатәи афронт аҿынтә акадрқәа.

 

Аспорт

Аҳәынҭқарраҿы аспорт аҿиара зегьы рыла ацхыраара аҭо АҞӘАФОН амилаҭтә, иара убас Жәларбжьаратәи аҩаӡарақәа рҿы имҩаԥысуа аспорттә хәмаррақәа жәпакы аԥаратә хаҵгылара рзыҟанаҵоит.

Сынтәа Аилахәыра АҞӘАФОН аԥаратә цхыраара азыҟанаҵеит аспорттә проектқәа жәпакы. Зегь раасҭа идуз АҞӘАФОН аԥшьгареи иҟанаҵаз аԥаратә хаҵгылара Хадареи  рыла имҩаԥысыз «Уԥеиԥш унапы иакуп!» акубок агаразы  ашьапылампыл-маҷ азы Иаарту Ачемпионат ахь алхратә еиндаҭлара ауп, аиааира згаз Аилахәыра ацхыраара иабзоураны ицеит Шәача аққь. аҿы афинал ахь анеиразы аиндаҭлара имҩаԥысуаз ахь; «Гагратәи амшын – 2012» захьӡыз атеннис ду азы IV Жәларбжьаратәи аиндаҭлара; «Асаби Имш» ҳәа имҩаԥысуаз амҵәышәымпыл асразы аиндаҭлара; Асамбо IX  Жәларбжьаратәи аиндаҭлара «Аиаара Акубок», иара убас есышықәсатәи ашахмат асыҩцәа реиндаҭлара «АҞӘАФОН-OPEN 2012».

2012 шықәса, цәыббрамзазы  Аилахәыра еиҿнакааит «АҞӘАФОН Акубок» агаразы ахәыҷқәеи ақәыԥшцәеи злахәу жәларбжьаратәи ашьапылампыл асыҩцәа реиндаҭлара, уи рхы аладырхәит Аԥсни Урыстәылеи ашьапылампыл асцәа ркомандақәа 6. Иара убас, Аилахәыра АҞӘАФОН шьҭа ааба шықәса ҵит АК «Нарҭ» аԥаратә хаҵгыла Хадас иҟоуижьҭеи.

 

Акультура

Амузыка ҟазара хкык аҳасабла иарбан тәылазаалак, иарбан жәларызаалак ркультура аҿы аҭыԥ ҷыда ааннакылоит. Аԥсны амузыкатә культура аҿиараҿы ахатәы лагала аҟаҵара хықәкыс иҟаҵаны Аилахәыра АҞӘАФОН амузыкатә проектқәа жәпакы аԥаратә цхыраара рзыҟанаҵеит.

Ҩышықәса ирықәуп АҞӘАФОН аԥаратә хаҵгылара ала ахәаԥшцәа аргәырӷьоижьҭеи  амузыкатә проект «Шьарда». Апроект амилаҭтә ҵакы змоу амузыкатә премиа ахьӡ ахуп. Раԥхьаӡа акәны ари апремиа шаԥҵаз ауаа ираҳаит 2011 ш., хәыжәкырамза 17 аҽны, усҟан АААРЕ аканал ахәылԥазтәи аефир аҿы апроект раԥхьатәи адырраҭара шьҭын. 2012 ш., мшаԥымза инаркны ари ателепроект ахатәы ҭоурых аԥҵара иалагеит, ахәаԥшцәа рҿаԥхьа ицәырган афырхацәа ҿыцқәа. Иҳаҩсыз ашықәс аан еиԥш, ари апроект абзиабаҩцәа ирзыԥшуп агала-концерт, уи авидеоверсиа АААРЕ аканал аефир аҿы ахәаԥшцәа ирбоит ԥхынҷкәынмза 31 аҽны.   «Шьарда» ашықәс ҿыцазтәи аконцерт аҿы SMS-бжьыҭира алҵшәақәа азгәаҭо аихшьала ҟарҵоит, уаҟа Аԥсны иара апроект ахьӡ зху амузыкатә премиа заҵәы ианаршьоит актәи аҭыԥ аанызкылаз.

2012 ш., мшаԥымзазы аусура иалагеит ателедырраҭаратә проект ҿыц «Аԥсны Star». Ари ателедырраҭараҿы зегьы ираԥхьагылоу Шоу проектны иҟалеит. Апроект ахықәкы – абаҩхатәра злоу аҿар аԥсуа естрада радҳәалара, аԥсышәала инагӡоу амузыкатә композициақәа ауаа рыларҵәара. Ари ашықәс азы имҩаԥган апроект асезонқәа 3, уаҟа ахәаԥшыҩцәа ирбеит ашәаҳәаҩцәа ҿарацәа маҷҩымкәа. 2013 ш., хәажәкырамзазы ахәаԥшыҩцәа ирзаатуеит ахыркәшаратә сезон, уи продиусерс даиуеит ашәаҳәаҩ, акомпозитор Александр Шьоуа. Афинал рхы аладырхәуеит абзиақәа иреиӷьӡоу – апроект ациклқәа хԥа рҿы аиааира згаз.

2012, ԥхынҷкәынмза 4 Аҟәа аққь. аҿы Аилахәыра АҞӘАФОН аԥшьгареи аԥаратә хаҵгылара иҟанаҵази ирыбзоураны  изҭаху зегьы ирылшон Адыгеиатәи Аҳәынҭқарратәи ажәлар рыкәашаратә ансамбль «Нальмес»-и Аҟабарда-Балкариатәи ареспублика аестрадатә шәаҳәаҩцәеи рконцерт абара.

АҞӘАФОН иҟанаҵаз аԥаратә хаҵгылара хада иабзоураны имҩаԥган афотоцәыргақәҵақәа ҩба. Апроектқәа руак «Аԥсны ашьхара» ахыркәшара иадҳәалан, уа еилахәны аус руит Аилахәыреи Аԥсны аҳәынҭқарратә атуристтә саити, аҩбатәи афотоцәыргақәаҵа «Амра аҟазшьа ҷыда» захьӡыз – апрофессионалтә патреҭ ҭыхҩы, ажурналист Ибрагим Ҷкадуеи аҳәса рыцәҩыча адизаинер Русудан Кобиаковеи русеицуратә тендем иалҵшәоуп.

 

Абизнес арҿиара

Адыррақәа рышьҭра – ари иааиԥмырҟьаӡакәа зегьы реиҳа аҿиара иаҿу Аԥсны аҭелеимадара ахырхарҭоуп. АҞӘАФОН абонентцәа рхы иадырхәо Аинтернет-трафик ашәагаа есымша иазҳауеит, убри аҟнытә ҳара абонентцәа ацәаҳәа зцым Аинтернет рыдгалара азы ҳхы иаҳархәоит зегь раасҭа иҿыцу атехнологиа, аԥҵара ҿыцқәа, апрограмматә еибыҭарақәа.

Уи инамаданы, сынтәа АҞӘАФОН аҭоурых аҿы иҟалеит ахҭыс ҷыда – Адыррақәа Аус рыдулара Ацентр аартра, ари Аилахәыра ахатәы хархәагақәа иааиԥмырҟьаӡакәа рырҿиара ахьалшо платформоуп. Адыррақәа Аус рыдулара Ацентр аусура мҩаԥыслоит амаҵзурақәа иааиԥмырҟьаӡакәа, рхаҭабзиара иагымкәа аҳа амониторинг иҭоу адыррақәа аус рыдулара акәша-мыкәша. Адыррақәа Аус рыдулара Ацентр ари Аилахәыра АҞӘАФОН адырраҭаратә система гәыцәс иамоу, аҭелеимадаратә бизнес асистема аԥҵараҿы акыр зҵазкуа органуп. Адыррақәа Аус рыдулара Ацентр аргылара иақәырӡын  Аилахәыра  аԥаратәи, атехникатәи, акадртәи хархәагақәа маҷымкәа. Аусура имҩаԥгаз иабзоураны  Аԥсны иаартын раԥхьаӡатәи Адыррақәа Аус рыдулара Ацентр, иара убас Аилахәыра адырраҭаратә система, ԥымкрада, аус азыруа агарантиагьы. 

Адыррақәа Аус рыдулара Ацентр аргылара аҳәынҭқарра азыҳәа акыр аҵанакуеит. Адыррақәа Аус рыдулара Ацентр  ада ԥсыхәа рымаӡам аҭелеимадаратә еилахәырақәа, иара убас урҭ адыррақәа  збизнес аҿиараҿы ихадароу аҭыԥ аанызкыло афирмақәа рызгьы: аԥаратә еилахәырақәа, абанкқәа, атранспорттә еилахәырақәа, аҳәынҭқарратә еилазаарақәа рҿы. Аилахәыра хатәрақәа рыдагьы Адыррақәа Аус рыдулара Ацентр рҭахуп хыԥхьаӡара рацәала иҟоу абизнес бжьаратә фирмақәа, избан акәзар  узықәгәыӷша адырратә система аҟазаара иахьатәи аџьармыкьа аҭахрақәеи, насгьы аконкуренциа  ду иҟоуи ирықәшәо иҟоуп.

Адыррақәа Аус рыдулара Ацентр азы ихадароуп иара ишәарҭадароу асистема ахьамоу. Уи уажьаӡом, 4 баллк змоу ашкалаҿы АҞӘАФОН Адыррақәа Аус рыдулара Ацентр иааннакылоит «3+»  аҩаӡара, уи иабзоураны арҽеира-профилактикатә усқәа рымҩаԥгара алыршахоит  ахархәага аусура  аанымкылаӡакәагьы.

Ари аҩыза акомплекс аргылара аџьабаа ду  зцу процессуп, убри аҟнытә Аилахәыра акоманда зегьы  аус рацәаны ируеит атехнологиатә  ҩаӡара ҳаракқәа  рахь ахаларазы – абонентцәа иахьатәи амобилтә еимадара аҭахрақәа ирықәшәо зхаҭабзиара ҳараку амаҵзура хаҭәаақәа рыдгаларазы. Ашықәс алҵшәақәа аихшьала рызуа, ҳара ҿыӷәӷәала иаҳҳәар ҳалшоит  2012 шықәсазтәи ҳалҵшәақәа ҳгәы рыладууп ҳәа!

Ашықәс ҿыц азы ҳара иаҳҭахуп ҳаплан аҿы иҟоу апроектқәа рынагӡара, атехнологиа ҿыцқәа ралагалара, АҞӘАФОН амобилтә ҳа абонентцәа  изықәгәыӷша аимадара рыдгаларазы, рыуацәеи, рҭахцәеи,  дареи реицәажәара арманшәаларазы иҵегьы арҿиаратә усқәа рымҩаԥгара!

Ҳара 2013 шықәса ашәхымс ҳалагылоуп, ари Аиааира ду 20-шықәса ахыҵра иашықәсоуп! Ҳаилахәыра 10-шықәса ахыҵра иашықәсоуп! Аԥсны инхо ауааԥсыра зегьы ԥхьаҟа ахҭыс бзиақәа ирыниалааит, Шәара зегьы шәзы  ари ашықәс аманшәалареи аус бзиақәеи иртәызааит!

АҞӘАФОН-аа  ишәыдырныҳәалоит иааиуа Ашықәс ҿыци Ақьырса ныҳәеи!

Ҽаанбзила!

 

ИАЕ «АҞӘАФОН-GSM» адәныҟатәи аимадарақәа рыҟәша