Первый мобильный оператор Абхазии
Аспорт
Контактный центр
+7 940 999 99 99Аилахәыра АҞӘАФОН акыр шықәса раахыс активла аспонсорра рызнауеит аспорттә усмҩаҧгатәқәа. Иара Аҧсны еиуеиҧшым аицлабрақәа рымҩаҧгара афакт ахаҭагьы – зымҽхак дуу, ауаҩы игәы азҭазҵо акоуп амилаҭ ргәабзиара шьаҭас иамоу амассатә спорт аизҳара аус аҿы.
Аилахәыра АҞӘАФОН ацхыраара рнаҭоит имаҷымкәа аспортә проектқәа, урҭ рхыҧхьаӡараҿы иҟоуп:
Ашьапылампыл асразы Жәларбжьаратәи ахәыҷқәеи ақәыҧшцәеи ртурнир «АҞӘАФОН АКУБОК»
2012 шықәсазы Аилахәыра АҞӘАФОН иаҧнаҵеит Ашьапылампыл асразы Жәларбжьаратәи ахәыҷқәеи ақәыҧшцәеи ртурнир “АҞӘАФОН АКУБОК”. Раҧхьаӡатәи атурнир аҟныҵәҟьа уи аиндаҭлара рҽаладырхәит Аҧсны Аҳәынҭқарреи Урыстәылатәи Афедерациеи рҟынтә акомандақәа фба.
2013 шықәсазы Атурнир дырҩегьых имҩаҧысит ҳтәыла аҳҭны қалақь аҿы. Усҟан уи еизнагеит жәа командак алахәцәа. Ачемпионра ахьӡ агара иазықәҧарц иааит акомандақәа: «Нарҭ» – ақалақь Аҟәа, «Динамо» – ақалақь Аҟәа, «Риҵа» – ақалақь Гәдоуҭа, Ақәыҧшцәа рыспорттә школ ҩны – ақалақь Гагра, «Лидер» – ақалақь Новороссиск, «Черноморец» – ақалақь Новороссиск, «Черноморец-2» – ақалақь Новороссиск, Афутболтә Клуб «Краснодар» – ақалақь Новокубанск, Афутболтә Клуб «Краснодар» – ақалақь Аҧшеронск, Ақәыҧшцәа рыспорттә школ ҩны – ақалақь Адлер.
Аиндаҭлара аиҿкаара алыршан Аилахәыра АҞӘАФОНи Аҧсны ашьапылампыл асразы Афедерациеи русеицурала. Иҳәатәуп, ҳреспубликаҿы ахәыҷқәеи ақәыҧшцәеи рзы ашьапылампыл асра аизырҳара аус аҿы Аилахәыра АҞӘАФОН ари афедерациа шықәсыла ианаҭо ацхыраара атәы.
-------------
Адомино асразы VIII Адунеитә Чемпионат
VIII Адунеитә Чемпионат амҩаҧысра аҭыҧ ҳәа Аҧсны Аҳәынҭқарра шалырхыз атәы аинформациа анрыларҳәа ашьҭахь, абизнес-уаажәларра зегьы рҟынтә раҧхьаӡа АҞӘАФОН ауп ацхырааразы иҟаҵаз ажәалагала иақәҿызҭыз, зымҽхак акыр идууз ари апроект анагӡара аус аҿы адгылара шыҟарҵо ала.
Жьҭаарамза 2011 шықәсазы Аилахәыра АҞӘАФОН ачемпионат Ихадоу партниорс иаиуит, аспонсортә лагалак аҳасабала 1 000 000 (миллионк) аҧара азоурыжьит. Уи инаҷыдангьы АҞӘАФОН иаҧнаҵеит “Еизгоу Аҧсны акомандаҿы иреиҕьу ахәмарҩы” изы аҧхьахә ҷыда (iPad).
Уи анаҩсгьы, Аилахәыра АҞӘАФОН иахәҭаз маҭәахәыла еиқәыршәаны апресс-центр аҿы ишьақәнаргылеит хәыда-ҧсада Аинтернет. Адомино жәларбжьаратәи афедерациа алахәцәа рзы аус адуланы иҟаҵан ҷыдалатәи атарифтә план, урҭ зегьы ирзаахәан амобилтә телефонқәа.
Аилахәыра ахахьы иагаз аусхкқәа зегьы ирыцкын Ачемпионат аинформациатә дгылара азура. Еиҿкаан АҞӘАФОН абонентцәа зегьы ирзырхаз аинформациатә SMS-нашьҭрақәа. АҞӘАФОН аусзуҩцәа рымчала иаҧҵан иҷыдоу асервис “Адомино-информ”. Уи аус ауан ачемпионат анымҩаҧысуаз аамҭазы, изаамҭанытәу атурниртә таблица аҭагылазаашьа адырраҿы аинформациатә напаҵаҩра арцыхцыхразы алшара ҟаҵо.
-------------
Ашьапылампыл асразы Иаарту ачемпионат
«Уԥеиԥш уара унапы иакуп!»
2010 шықәса раахыс ҳтәыла ахәыҷтәы ҩнқәеи ашкол-интернатқәеи рыбжьара «Уԥеиԥш уара унапы иакуп!» ҳәа зыхьӡу акубок агаразы имҩаҧысуа ашьапылампыл асразы Иаарту Ачемпионат алхратә еиндаҭларақәа еиҿкааҩысгьы спонсорсгьы ирымоу Аилахәыра АҞӘАФОН ауп.
Аицлабрақәа мҩаҧыргоит қәрала иеихшоу агәыҧқәа рҿы: 1998-1999 2000-2001 шықәсқәа рзы ииз аҿар рыла. Аҟәатәии, Калдахәаратәии, Тамшьтәии, Цандрыҧшьтәии ашкол-интернатқәа рҟнытә акомандақәа бжьба есышықәса иазықәҧоит 2014 шықәсазы Олимпиатә хәмаррақәа раҳҭны қалақь Шәачаҟа ацара. Хаҭала убраҟоуп есышықәса иахьымҩаҧысуа аилахәыра МЕГАФОН еиҿнакаауа Ачемпионат афинал. Аицлабра аҧхьахә хада – Лондонҟа ацара, сасра афутболтә клуб «Арсенал» аҭаара.
2013 шықәсазы қәрала иеиҵбацәоу ргәыҧқәа рыбжьара ҧшьымш ицоз атурнир аҿы аиааира ргеит Калдахәаратәи ашкол-интернат ааӡаҩцәа. «Риҵа Калдахәара» Лондонҟа ацараҿы иаиааит. Ақәыҧшцәа рыблала ирбеит афутболтә клуб «Арсенал» абаза, аклуб атренер хада Арсен Венгери дареи еиқәшәеит, уаҟатәи ақәыҧшцәа ркомандеи дареи ашьапылампыл еицасит, аҭыҧантәи ахәыҷтәы зыҟаҵаҩцәа аус рыцыруит.
Ачемпионат «Уԥеиԥш уара унапы иакуп!» аиҧш зеиҧшу ыҟаӡам. Иара аҧҵоуижьҭеи аашықәса рыҩныҵҟала уи ирегионалтәу асоциалтә проект аҳәаақәа ирҭысны афедералтә проект амҽхак аиуит. 2012 шықәсазы ахәыҷтәы ҩнқәеи ашкол-интернатқәеи рыбжьара «Уԥеиԥш уара унапы иакуп!» ҳәа захьӡу акубок агаразы имҩаҧысуа ашьапылампыл асразы Иаарту Ачемпионат апроект аиааира агеит «Акорпоративтә социалтә ҭакҧхықәра аганахьала ашықәс азтәи ахацыркра» аноминациаҿы. Иара убри адагьы уи аиҿкааҩцәа ирнаҭеит даара ҳаҭыр зқәу, жәларбжьаратәи афорум Peace and Sport аҧхьахә.
АҞӘАФОН есышықәса аҧсҭазаара иаланарҵәоит ихымҧадатәиу аусмҩаҧгатәқәа зегьы, Аҧснынтәи акомандақәа алахәхарц азы зымҽхак акырӡа иҭбаау МЕГАФОН асоциалтә проект: имҩаҧнагоит Ачемпионат алхратә турнирқәа, еиҿнакаауеит аспортсменцәа Шәачаҟа рдәықәҵара, алхратә хәмаррақәа рҿы аиааира згаз аспортсменцәа зегьы ирнаҭоит аспорттә хәмарратә шәҵатәы.
-------------
Ашахматтә Турнир «АҞӘАФОН-ОРЕN»
Аилахәыра АҞӘАФОН Аҧсны ашахматтә Федерациеи ҳтәыла аҿари аспорти русқәа рзы Аҳәынҭқарратә комитети 2010 шықәса раахыс еицымҩаҧыргоит ашахматтә Турнир «АҞӘАФОН-ОРЕN». Аицлабрақәа мҩаҧысуеит есышықәса мшаҧымзазы, Аҟәа ақалақь, А. Карпов ихьӡ зху ахәыҷтәы шахматтә школ ахыбраҿы. Аҧсны зегьы аҟынтәи араҟа еизоит аицлабра алахәцәа реиҧш, хыҧхьаӡара рацәала ҳҳәынҭқарра асасцәагьы.
Уажәшьҭа шықәсыкым ари атурнир рҽаладырхәуеижьҭеи жәларбжьаратәи акласс аҩаӡара змоу аҟаза Т. Асанов, аветеранцәа рыбжьара Урыстәыла ачемпион В. Жуков реиҧш иҟоу асасцәа дахьқәа. Есышықәса рхыҧхьаӡара иазҳауеит аиндаҭлара алахәцәа.
2010 шықәсазы урҭ рхыҧхьаӡара 50-ҩык маҷк инахыҳәҳәозар, 2011 шықәсазы атурнир иалахәын 62-ҩык ахәмарцәа, 2012 шықәсазы урҭ рхыҧхьаӡара 74-ҩык рҟынӡа инаӡеит, аҵыхәтәаны, 2013 шықәсазы уажәшьҭа 80-ҩык ыҟан.
Аиндаҭлараҿы аиааира зго есышықәса акубокқәеи, амедалқәеи, аҳаҭыр шәҟәқәеи ирҷыдангьы, аспонсор Хада иҟынтә ироуеит аҧаратә ҳамҭақәагьы.
-------------
Атеннис ду азы Жәларбжьаратәи атурнир «Гагратәи амшын»
Аилахәыра АҞӘАФОН спонсор Хадас иамоуп Аҧсны Аҳәынҭқарра аҿари аспорти русқәа рзы Аҳәынҭқарратә Еилакы еиҿнакааз атеннис ду азы Жәларбжьаратәи атурнир «Гагратәи амшын». Раҧхьаӡа акәны уи атурнир архәмарра мҩаҧысит 2009 шықәса, лаҵарамзазы. Уи аахыс ари аспорттә хҭыс амҽхак иаҳа-иаҳа иҭбаахеит, иаиуит хыҧхьаӡара рацәала азҿлымҳаҩцәа.
-------------
Ашьапылампылтә клуб «Нарҭ» аспонсортә Хадара
2005 шықәса инадыркны Ахеидкыла АҞӘАФОН ашьапылампылтә клуб «Нарҭ» сонсор Хадас иамоуп. Уи аспонсорра азнауеижьҭеи «Нарҭ» фынтәны Ачемпионтә титул иаҧсахахьеит – 2005, 2007, 2008, 2009, 2011, 2013 шықәсқәа рзы, хынтә ианашьан араӡны ҧхьахәқәа – 2006, 2010, 2012 шықәсқәа рзы, 2010, 2014 шықәсқәа рзы Иреиҳаӡоу акубок агеит.
АҞӘАФОН аспонсортә Хадара иабзоураны Аҧсны Аҳәынҭқарра аҵакырадгьыл аҿы есышықәса имҩаҧыргоит ирацәаны аицлабрақәа – жәларбжьаратәиқәа реиҧш ареспубликатәиқәагьы. Урҭ рхыҧхьаӡараҿы иҟоуп:
-------------
Аҧсны Аџьынџьтәылатә еибашьраҿы Аиааира амш инақәыршәаны, «Аиааира Акубок» зыхьӡу арҧарцәеи аҭыҧҳацәеи рыбжьара асамбо азы есышықәсатәи Жәларбжьаратәи аиндаҭлара. Уи ачемпионат еиҿнакаауеит асамбои аӡиудои р-Федерациа, Аҧсны аҿари аспорти русқәа рзы Аҳәынҭқарратә комитети, иара убас аҿари аспорти русқәа рзы Аҟәа ақалақьтәи Акомитети рыцхыраарала.
-------------
2012 шықәсазы Аҟәа ақалақьи Ареспубликатә стадион аҿы имҩаҧгаз Аҧсны еизгоу амилаҭтә командеи Краснодартәи Ашьапылампылтә Клуб «Ҟәбинеи» рыбжьара Жәларбжьаратәи аматч.
-------------
«Ахәыҷы имш» зыхьӡны, 2012 шықәсазы ҧхынгәы 17 инаркны 23 рҟынӡа Аҟәа ақалақь аҿы имҩаҧысуаз, амҵәышәмпылтә еиндаҭлара. Уи ахаҧшьгаҩыс иҟан амҵәышәмпылтә клуб «Сухум». Аиндаҭлара иалахәын Аҧсны ақалақьқәа рҟынтә акомандақәа, иара убас Алада-Уаҧстәылантәи асасцәа.
-------------
2011 шықәсазы Аҟәа ақалақь аҿы имҩаҧган акарате азы Жәларбжьаратәи аиндаҭлара «Ешитаки Фунакоши акубок». Уи атурнир аҳәаақәа ирҭагӡаны Жәларбжьаратәи Афедерациа апрезидент Альберт Боутбоул (8-тәи адан, Франциа) инапхгарала имҩаҧысит Карате до Шотокан Казе Ха иазкны жәларбжьаратәи асеминар.
-------------
2006 шықәса рзы АҞӘАФОН иҟанаҵаз аспонсортә цхыраарала Аҧсны раҧхьаӡа акәны имҩаҧысит Жәларбжьаратәи ачемпионат. Уи контакттә нагӡала ишьақәыргыло напышьашәалатәи ақәҧара «Евразиа» акәын.
-------------
Аҧсны раҧхьаӡатәи амобилтә еимадара ацхыраарала имҩаҧгаз ареспубликатә еиндаҭларақәа рхыҧхьаӡараҿы иҟоуп 2011 шықәса, лаҵара мзазы имҩаҧысыз, Саид Блабба ихьӡ зху абокс азы атурнир. Уи алахәцәа реиндаҭлара мҩаҧыргеит АҞӘАФОН 2006 шықәсазы иаахәаны, Аҟәатәи абокстә школ ҳамҭас ианаҭаз аринг аҿы.
-------------
Иара убас, АҞӘАФОН аҧара рырҭеит Аҧсны Аҳәынҭқарра абокс асразы иеизгоу акоманда, уи жәларбжьаратәи ачемпионатқәа рҽалархәразы апрофессионалтә боксиортә маҭәа акомплект харҭәааны излаархәаша аҧара.
-------------
Абҵара мза, 2010 шықәсазы Аилахәыра АҞӘАФОНи, аҿари аспорти русқәа рзы Аҳәынҭқарратә Еилаки еилахәны, иара убас зхы иақәиҭу ақәҧараҿы адунеи ачемпион Денис Царгәыш хаҭалатәи иалахәхарала иалдыршеит зхы иақәиҭу ақәҧаразы ареспубликатәи еизгоу акоманда азы Аҧсны Аҳәынҭқарра асимволика зынҵаз аспорт маҭәа аахәара.
-------------
АҞӘАФОН ишьақәнаргылеит Аҧсны Аҳәынҭқарра Раҧхьатәи Апрезидент Владислав Арӡынба ихьӡала, 1992-1993 ш.ш. азтәи Аҧсны Аџьынџьтәылатә еибашьраҿы Аиааира амш инақәыршәаны имҩаҧысуа «Аҧсны аҽырыҩратә спорт азы иаарту ачемпионат» аҿы иаиааиуа аспортсмен изы аҧаратә ҧхьахәы. Ари Ачемпионат ахаҧшьгаҩцәас иҟоуп Аҧсны аҿари аспорти русқәа рзы Аҳәынҭқарратә Еилаки Аҧсны аҽырыҩратә спорт Афедерациеи. Абар уажәшьҭа хышықәсоуп ари ачемпионат Аҧсны аҭоурыхтә ҭыҧ хадақәа ҩба – Гәдоуҭатәи араионаҿы – Лыхнашҭеи, Очамчыра араионаҿы – Мықәашҭеи рҟны инеиҧынкыланы аҽҟазаратә еицлабрақәа мҩаҧыргоижьҭеи. АҞӘАФОН акәзар, ҧсахрада ари аҧхьахә аспонсорра азнауеит.
-------------
АҞӘАФОН изныкымкәа аҧара рырҭахьеит аҧсуа спортсменцәа еиуеиҧшым аспорт хкқәа рыла жәларбжьаратәи аицлабрақәа рҿы рықәгыларақәа реиҿкаара аус азы:
2012 шықәсазы А. Д. Џьапуа ихьӡ зху Драндатәи абокстә школ иаҭан аҧара Аҧснытәи аспортсменцәа Адлер имҩаҧысуаз Асоветтә тәыла афырхаҵа М.К. Нагулиан игәалашәара иазкыз абокс азы жәларбжьаратәи аицлабра рҽалархәра аиҿкааразы.
-------------
2012 шықәса, лаҵара мзазы акарате азы еизгоу амилаҭтә команда иаҭан афинанстә цхыраара, уи Зеленоград имҩаҧысуаз Шотокан ала Адунеизегьтәи Ахәмаррақәа рышҟа ашьҭразы. Уахь Аԥсны ааҧхьара аман хаз тәылак аҳасабала, ахатә бираҟ иаҵагыланы иқәгыларазы.
-------------
АҞӘАФОН иҟанаҵаз ацхыраара абзоурала, 2010 шықәсазы Аҧсны Аҳәынҭқарра еизгоу ақәыԥшцәа ркоманда ирылшеит “Тамбовский волчонок” зыхьӡны Тамбов имҩаҧысуаз Киокусинкаи ала Ашықәс ҿыц азтәи Иаарту ахәыҷтәы турнир аҽалархәра. Уаҟа Тамбов ақалакь ахада иаҧхьахәқәа ргаразы еицлабуан қәрала еихшаны 11-12-еи, 12-13-еи шықәса зхыҵуаз аҷкәынцәеи аӡҕабцәеи.
-------------
АҞӘАФОН аспонсортә цхыраара иабзоураны, 2009 шықәса раахыс акыр шықәса инеиҧынкыланы ашколхәыҷқәа рыбжьара амҵәышәмпыл асразы еизгоу Аҧсны акоманда аҽаланархәуеит Ростов ақалақь аҿы имҩаҧысуа Урыстәылатәи ачемпионат “Локомотив ашколтә Лига”.
-------------
АҞӘАФОН иҟанаҵаз афинанстә цхыраара иабзоураны, Аҧсны аветеранцәа рымҵәышәмпылтә клуб иалоу аспортсменцәа алшара роуит 2006 шықәса, ҧхынгәы мзазы Причерноморие ақалақь аҿы имҩаҧысуаз IV Жәларбжьаратәи аиндаҭлара алахәхара.
-------------
2006 шықәса, лаҵара мзазы АҞӘАФОН афинанстә цхыраара ду анаҭеит Аҧсны Аҳынҭқарра адомино Афедерациа. Уи ацхыраара иабзоураны Аҧснытәи аспортсменцәа рделегациа алшара роуит Венесуела имҩаҧысуаз адомино азы Адунеитәи Ачемпионат алахәхара.