АҞӘАФОН – адомино азы Иаарту ареспубликатә жәларбжьаратәи аицлабра спонсорс иамоуп

АҞӘАФОН – адомино азы  Иаарту ареспубликатә жәларбжьаратәи аицлабра спонсорс иамоуп

Хәажәкыра 28 инаркны 29 рҟынӡа Аҟәа ақ. аҿы имҩаҧысит адомино азы Иаарту жәларбжьаратәи  ареспубликатә  еицлабра. Уи аицлабра Аҧсны раҧхьатәи Ахада – Владислав Арӡынба игәалашәара иазкын. Ари аусмҩаҧгатә  еиҿнакааит Аҧсны адомино Афедерациа. Аицлабрақәа рспонсорс иҟан  АҞӘАФОН.

АҞӘАФОН-и Аҧсны адомино Афедерациеи русеицура хацыркын 2011 шықәсазы. Усҟан аҭоурых аҿы раҧхьаӡа акәны Аҧсны азин аиуит адунеитә ҩаӡара змоу аспорттә еицлабра – адомино азы адунеитә Чемпионат амҩаҧгара. Ҳтәыла абизнес-еилазаара рхаҭарнакцәа зегь рахьтә АҞӘАФОН раҧхьатәин  уи ачемпионат амҩаҧгаҩцәа иарҕьажәҩаны ирыдгылаз – Ихадоу партниорк иаҳасабала аҭакҧхықәра зхахьы изгаз.

Аҳәынҭқарреи абизнес-шьақәгыларақәеи рымчқәа еилаҵаны усҟан Аҧсны Аҳәынҭқарра адунеи зегь иднарбеит ас еиҧш астатус змоу аусмҩаҧгатәқәа ҩаӡара ҳаракыла рымҩаҧгара шалнаршо.

Сынтәа АҞӘАФОН-и Аҧсны адомино Афедерациеи рпартниорра иацҵан иаарту ареспубликатә еицлабрала. Ари ачемпионат рхы аладырхәит Аҧсны ақалақьқәеи араионқәеи рҟнытә, иара убас Урыстәылантәи иреиҕьу  60-ҩык аспортсменцәа.

Аицлабра аҳәаақәа ирҭагӡаны хәажәкыра 28 рзы имҩаҧган 11 тур ҩыџьа-ҩыџьала ахәмаррақәа, иара убас хәажәкыра 29 рзы – 9 турк  хаҭалатәи ахәмаррақәа. 

Аицлабра аҧхьахәтә фонд 90 000 мааҭ ҟанаҵеит.

Ҩыџьа-ҩыџьалатәи аицлабра аҧхьахәтә фонд:

1 аҭыҧ – 30 000 мааҭ;

2 аҭыҧ – 20 000 мааҭ;

3 аҭыҧ – 10 000 мааҭ.

Аиндивидуалтә еицлабра аҧхьахәтә фонд:

1 аҭыҧ – 15 000 мааҭ;

2 аҭыҧ – 10 000 мааҭ;

3 аҭыҧ – 5 000 мааҭ.

Аицлабра аиҿкааҩцәа ишазгәарҭо ала, арҭ аиндаҭларақәа хықәкы хадас ирымоуп Аҧсны аҵакырадгьыл аҿы апрофессионалтә домино аларҵәареи аизырҳареи, ахәмарыҩцәа рспорттә ҟазара аҩаӡара ашьҭыхра, иара убасгьы ареспубликатә еицлабрақәеи адунеитә чемпионатқәеи ралахәхаразы еизгоу амилаҭтә команда ашьақәыргылара.

«АҞӘАФОН-GSM» адәныҟатәи аимадарақәа рыҟәша