Март 8 аныҳәа инақәыршәаны, АҞӘАФОН имҩаҧнагеит есышықәсатәи акциа

Март 8 аныҳәа инақәыршәаны, АҞӘАФОН имҩаҧнагеит есышықәсатәи акциа

2009 шықәса раахыс АҞӘАФОН аҿы ишьақәгылеит атрадициа бзиа – Жәларбжьаратәи Аҳәса рымш аламҭалазы ззанааҭ асоциалтә ҵакы ҳараку аҳәсақәа уи аныҳәа рыдныҳәалара.

Фышықәса раахыс есышықәса имҩаҧырго ари акциа аҳәаақәа ирҭагӡаны АҞӘАФОН ҷыдала азҿлымҳара рыҭара иахьӡахьеит ашколқәра аҟынӡатәи азеиҧшҵараиурҭатә усҳәарҭақәа рҿы аус зуа аҳәсеи, Аҧснытәи аҳәынҭқарратә университети ашкол-интернатқәеи рҟны аус зуа аҳәса-арҵаҩцәеи, Аџьеи асоциалтә ҿиареи рминистрра аусзуҩцәеи, Аҧсуаҭҵааратә институт аҿы аус зуа аҳәса-ҵарауааи, Аҧсны аџьынџьтәылатә еибашьра иалахәыз аҳәса-хымхәацәеи.

Ҵыҧх аматериалтә цхыраара рзыҟаҵан быжьҩык иара убас инареиҳаны изыхшаз, изааӡаз 20-ҩык анацәа. Урҭ рнапаҿы идыркын 14 000 мааҭ иаҧсоу асертификатқәа аҩнаҭаҿы иаҭаху абзазаратә техника аахәаразы.

Ҳазҭоу ашықәсазтәи акциа ҩ-етапкны амҩаҧгара азыӡбан.

Хәажәкыра 5 рзы АҞӘАФОН аусзуҩцәа аҭааит ақалақьқәа Очамчыреи Тҟәарчали. Уаҟа урҭ ааҧын аныҳәа хада рыдырныҳәалеит Тҟәарчалтәи ахәыҷбаҳча “Џьамхәыхәи”, Очамчыратәи ахәыҷбаҳча “Аӡыхьи” русзуҩцәа, иара убас Тҟәарчалтәи ацхыраагӡатә школ арҵаҩцәеи – иааидкыланы 42-ҩык аҳәса. Урҭ зегьы ҳамҭас ирыҭан  ашәҭ шьыҵәақәеи адныҳәаларатә шәҟәқәеи, аматериалтә цхырааразы хҧа-хҧа нызықь мааҭ зҭаз аконвертқәеи.

Хәажәкыра 6 рзы Аҟәа, Аҵара аминистрраҿы убас еиҧшҵәҟьа адныҳәаларатә ҳамҭақәа рыҭан Аҧсны аџьынџьтәылатә еибашьра иалахәыз ҳреспублика абжьаратәи ашкол арҵаҩцәа аҳәса зегьы. АҞӘАФОН ахаҭарнакцәа арҵаҩцәа ирыдырнаҳәалеит Жәларбжьаратәи аҳәса рымш, гәыкала иҭабуп ҳәа рарҳәеит урҭ афырҧҳәызбацәа рыҧсадгьыли рнапы злаку ауси рышҟа иаадырҧшуа абзиабаразы. Аҵара аминистрраҿы аус зуа аҳәса зегьы ҳамҭас ирыҭан ашәҭ шьыҵәрақәеи АҞӘАФОН аҟнытә асувениртә аалыҵқәа реизгеи. Акрааҵуеит хәажәкыра 8 аныҳәа инақәыршәаны есышықәсатәи асоциалтә акциа амҩаҧгара АҞӘАФОН аусзуҩцәа рзы рмаҵзуратә ҧхықәрақәа ирыхәҭакны мацара иҟамижьҭеи. АҞӘАФОН аколлектив азы ари – зеиҕьаҭам лшароуп зыҧсҭазаара зегьы иуадаҩу, ҳаҭыр зқәу  азанааҭқәа ирзызкыз ҳтәыла аҳәсақәа ҭабуп ҳәа раҳәаразы.   

«АҞӘАФОН-GSM» адәныҟатәи аимадарақәа рыҟәша